الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دايم معاكم
31-10-2022 - 08:04 am
منذ مده طويله وانا اتشوق لزيارة الكويت
ولا اخفيكم انها تتجاوز العشرين عاما
ولكن هو قدر الله بان لاازورها رغم محاولاتي
وهذا الاسبوع وخصوصا الخميس 24 - 2 -2011
ستطأ قدمي ارض الكويت الحبيبة باذن الله
ووالله انها لسعادة اشعر بها كلما اقترب مو عدي
فالاحباب والاصدقاء بالكويت لهم المكانة الخاصة عندي
واتمنى ان تكون رحلتي اليها مفعمة بالسعادة ..
سأصل الى الكويت قادما من جده بعد الظهر
وسأرتاح الى العصر او المغرب
واحب ان اسأل هل هناك مكان معين لممارسة الرياضة؟؟
مكان معروف للجميع .. مثلا الكورنيش او غيره ؟؟
ايضا احب ان تدلوني على المطاعم الشعبية والمقاهي كذلك
مع ذكر عناوينهم ان امكن ..
وايضا اماكن السينمات والمسارح ان كان هناك مسرح الان ..
ايضا كيف ستكون فعاليات فبراير خلال فترة اجازتي التي
تمتد الى يوم الاحد القادم ان شاء الله ..
اعتذر عن الاطاله وايضا عن كثرة الاستفسارات ..
وشكرا لكم مقدما ..


التعليقات (9)
q8ya metnaqla
q8ya metnaqla
  1. وسأرتاح الى العصر او المغرب

  2. واحب ان اسأل هل هناك مكان معين لممارسة الرياضة؟؟

  3. ايضا احب ان تدلوني على المطاعم الشعبية والمقاهي كذلك

  4. مع ذكر عناوينهم ان امكن ..

  5. تمتد الى يوم الاحد القادم ان شاء الله ..

  6. وهذي الفعاليات ان شاء الله للاحتفالات


منذ مده طويله وانا اتشوق لزيارة الكويت
ولا اخفيكم انها تتجاوز العشرين عاما
ولكن هو قدر الله بان لاازورها رغم محاولاتي
وهذا الاسبوع وخصوصا الخميس 24 - 2 -2011
ستطأ قدمي ارض الكويت الحبيبة باذن الله
ووالله انها لسعادة اشعر بها كلما اقترب مو عدي
فالاحباب والاصدقاء بالكويت لهم المكانة الخاصة عندي
واتمنى ان تكون رحلتي اليها مفعمة بالسعادة ..
حياك الله في ديرتك وزارتنا البركه وان شاء الله تستانس في الكويت
سأصل الى الكويت قادما من جده بعد الظهر

وسأرتاح الى العصر او المغرب

واحب ان اسأل هل هناك مكان معين لممارسة الرياضة؟؟

اذا تبي ممارسه المشي فأهي موجوده في كل مناطق الكويت ممشى للي يحبون رياضه المشي ، اما اذا تبي نوادي عندك بلاتينيوم عند سوق شرق مقابل مستشفى الاميري والدخول اعتقد ليوم 10 دنانير وعند بلاتينيوم في كيفان ، والفنادق كلها فيها نوادي وتقدر تدخل ليوم كامل وتمارس الهوايه اللي تبيها من رياضه ..
مكان معروف للجميع .. مثلا الكورنيش او غيره ؟؟
في بلاتينيوم على البحر عند سوق الشرق وفي نادي الكورنيش على الخليج العربي منطقه الشعب البحري مقابل حديقه الشعب ..

ايضا احب ان تدلوني على المطاعم الشعبية والمقاهي كذلك

مع ذكر عناوينهم ان امكن ..

القهوه الشعبيه على الخليج العربي وانت طالع من مارينا كرسنت تلقاها على ايدك اليمين ، مقهى سليمان الشميمري منطقه شرق بجانب سوق شرق، يوم البحار اتكمل سيده من بعد سوق شرق راح يصادفك دوار المسيد الكبير وكمل سيده راح تشوف مجلس الامه ومقابله على طول يوم البحار ، وعندك المباركيه كلها قهاوي ومطاعم وسوق وكل شي تبيه موجود ..
وايضا اماكن السينمات والمسارح ان كان هناك مسرح الان ..
السينمات كل مجمعات الكويت فيها : الافنيوز ، سوق شرق ، مارينا ، 360 ، الفنار ، ليلى غالري، الكوت ،المهلب ...
المسرح يمكن تلقى لطارق العلي في ميدان حولي..
ايضا كيف ستكون فعاليات فبراير خلال فترة اجازتي التي

تمتد الى يوم الاحد القادم ان شاء الله ..

وهذي الفعاليات ان شاء الله للاحتفالات

  • يوم الجمعه الموافق 25/02/2011 الاحتفال بالعيد الوطني على شارع الخليج تقريبا تبتدي من 2 الظهر و مساء العاب ناريه بجانب ابراج الكويت وعروض الليزر والاضاءه والابهار البصري .
  • يوم السبت 26/02/2011 الاحتفال بعيد التحرير يقام عرض عسكري ( البري والجوي ) على طريق الصبيه على الساعه 10 صباحا بحضور سمو امير البلاد ومشاركة قاده ورؤساء الدول الشقيقه .
  • يوم الاحد 27/02/2011 تكمله للاحتفالات ويقام مهرجان كرنفالي ومسيره شعبيه تنطلق على شارع الخليج .
  • يوم الاثنين 28/02/2011 عرض عسكري بحري مرسى مارينا مول .

اعتذر عن الاطاله وايضا عن كثرة الاستفسارات ..
وشكرا لكم مقدما ..
حياك الله في ديرتك الثانيه وان شاء الله تستانس بين اهلك

دايم معاكم
دايم معاكم
ياعساني ماعدمك ابد
تسلم والله
انا شاكر لفضلك ومساعدتك
بس حبيت مكان عام للرياضه وليس نادي
يعني مكان مثل شارع على البحر مثلا ..
ايضا اتمنى ان اسعد بشوفتك بالكويت

الايماان
الايماان
حياك والله ببلدك الثاني الكويت لكن هناك عتب على تأخير زيارتك لمدة أكثر من 20 سنة
والحمد لله اختيرا لزيارة الكويت هالايام يتزامن من الاحتفالات بالعيد الوطني والتحريروتولي الحكم(الله يعيينك على الزحمة)
بالكويت واجهات بحرية للمشي تتميز بالنظافه والمناظر الجميلة وهناك النوادي الصحية اللي يكون الدخول بها بدفع مبلغ رمزي ولاتنسى الاستمتاع بفعاليات الاعياد

كويتية^رحالة
كويتية^رحالة
ماشاء الله اختي كويتية متنقلة ماقصرت كفت ووفت
بالنسبة للمشي اي تقدر تتمشى على البحر في ممشى وفي الواجهات البحرية تقدر تتمشى فيها
حياك الله بديرتك الكويت واتمنى لك سفرة سعيدة وممتعه

دايم معاكم
دايم معاكم
انا شاكر لتفضلك يالايمان بالرد
واشكر وجودك
وعتبك على العين والراس
فعلا تاخرت كثير بالزيارة لكن
مدري شقول :: ههه
خلاص لاتحرجوني اكثر ..
المهم اني بجي باذن الله وبس ..
وشكرا عالافاده ..

دايم معاكم
دايم معاكم
الاخت كويتيه رحاله
شكرا من الاعماق على كل افاده
وحضورك للموضوع كرم منك
وشكرا لتبيهي بان الرد الاول لاخت واعتقدن خطأً انه اخ كويتي ..
ولذلك طلبت رؤيته بالكويت
فاعتذر شديد الاعتذار ..
ووالله ماعودها ابد .. ههه

q8ya metnaqla
q8ya metnaqla
دايم معاكم
ولو يا خوي مسمووح ،، واي استفسار حاضرين وبالخدمه

دايم معاكم
دايم معاكم
تسلمين اختي
واكرر اعتذاري
بس تدرين تمشكلنا بالسكن
ندور ولا يوجد اي غرفه
حنا شخصين ( شباب ) ..

q8ya metnaqla
q8ya metnaqla
دايم معاكم
الله يسلمك ،،
شوف فندق ايبيس شرق .. توه فاتح ونظيف واقتصادي وموقع ممتاز ..
وان شاء الله الشباب يفيدونك اكثر في السكن ..
https://www.booking.com/hotel/kw/ibis-sharq.html?aid=1300939


خصم يصل إلى 25%