mostafamofaa
15-12-2022 - 10:01 pm
السلام عليكم ورحمه الله وبركاته
أنا طالب فى الفرقه الثانيه كليه التجاره جامعه القاهره حلم حياتى أنى أدرس بيزنس فى دوله اوروبيه لأن مستوى التعليم بالجامعه عندي سئ ولا يشجع
أرجو من أهل الخبره يقولولى أعمل ايه بأقل التكاليف وهل أستراليا مجال دراسه البيزنس فيها وخاصه المحاسبه يعتبر كويس ولا لأ
أهم حاجه ياريت متبخلوش عليا ولو فى طرق ينفع اخد بيها منحه قولولى ربنا يكرمكم وجزاكم الله كل خير
الدراسة في استراليا
دراسه المحاسبه او ادارة الاعمال فى استراليا شائعه وكويسه كمان عن الدراسه فى مصر بس عشان تاخد بكالوريوس من هناك هيكلفك كتير بس تقدر تدرس دبلومه فى المحاسبه مدتها سنتين او سنه ونصف تكلفتها حوالى من 8 الى 10 الاف دولار استرالى بس شرط تدرس ielts الاول من مصر وتجيب 5.5 او 6 عشان يدوك تاشيره دراسيه حسب مده دراستك.
كمان الفلوس دى ما بتدفعهاش كلها من هنا بس كفايه تدفع ربع المبلغ مقدم عشان تاخد قبول اسمه coe ودا بيكون زى جواب من الجامعه او المعهد هناك بيقول انك هتدرس عندهم كورس ايه ومدته وبدايته ونهايته..الخ وهناك تدفع الباقى مصاريف كل 6 شهور وتقدر تسأل اى وكيل دراسه فى مصر بحيث يسهلك الاجراءات ويجيبلك coe من اى جامعه وكمان فى السفارة هتحتاج كشف حساب كضمان مالى يثبت انك معاك او مع والدك فلوس كفايه للدراسه والمصاريف مدة دراستك هناك.
اتمنى انى اكون ما قصرتش معاك وتحت امرك فى اى استفسار أخر.