زي ماوعدتكم من قبل هذا تقرير عن شقق Bintang Fairlane Residences في كوالالمبور
اللي يميز هذا الفندق انه عباره عن شقق فندقيه نظيف وواسعه يعني العوايل يعيدو فيه واسعاره مره حلوه
الشقق تبدا من الدور الثامن الى الدور 25 الدور 26 مكاتب وصاله اطفال يدخلون الاطفال بالحجز وبالساعه وصراحه ماسالتهم عنها
الدور 27 خاص بالمسبح في الدور 26 فيه درج للمسبح , المصعد مايوصل لدور المسبح
انا جربت الديلوكس والسوبريور مافيه فرق كبير بينهم فرق جدا بسيط في الاثاث وفي الحجم بس مو واضح
طبعا فيه فرق بالسعر
موقعها خلف فندق البارك رويال قريب من شارع العرب ومن التايم سكوير
شوفو الصور واي استفسار انا حاضره
هذا المكان للتشك ان والتشك اوت
هذا المنظر من غرفه الديلوكس اظن بالدور 19 وباين فيها البارك رويال
مجموعه صور للشقه ( صورت السوبريور فقط)
الصاله
طاوله الاكل والفرق هنا في الديلوكس في نفس الصاله حاطينها وهنا زي مو واضح حاطينها باهالمكان الصغير
المطبخ
غرفة النوم شوي صغيره في السوبريور جربت وحده سوبريور ثانيه كانت اوسع
الحمام وانتو بكرامه
الغساله انا جربت 2 سوبيور وحده الغساله داخل الحمام ووحده بالمطبخ
دوره المياه لها بابين واحد من غرفه النوم واثاني من الصاله الباب اللي في الوجه باب غرفة النوم واللي على اليسار دوره المياه
صور للمسبح
هذا السلم اللي بالدور 26 يوصل للمسبح
الطريق للمسبح
صوره من الاعلى
هذي كل الصور اللي عندي وانشالله تعبر عن شكري للمنتدى اللي استفدنا منه الكثير
بس حابه اقولكم شي جدا مهم للي عنده اطفال
الاطفال لا يطلعون للمسبح لحالهم مره خطير ومو مقفل يعني الطفل لا قدر الله يقدر يطيح بسهوله لازم مع اهلهم والاطفال اللي يدوب يمشي ولا اللي من سنتين ل5 هذولا ابدا ماحد يخليهم يمشون لحالهم فوق جدا خطير
ملاحظه اخيره: فطور الفندق مره عادي وااقل من عادي مو حق النزله ولا الصحيان من النوم عشانه الواحد ياكله بيض ولا ساندوتش جبن في مطبخه احسن