الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ee.upm
30-10-2022 - 08:03 pm
السلام عليكم ورحمة الله وبركاته
حبايبي أهل الكويت
جالس مع ربعي نسولف .. سالفه ورى سالفه وجا طاري الكويت .. وموضوع ورى موضوع وقررنا نسافر لها
إحنا 3 أشخاص ... ولأول مرة ستطأ أقدامنا أرض الكويت الحبيبه
بس وين نروح ..
بنجلس ثلاث أيام واحنا شباب .. أبغى برنامج من الظهر إلى آخر الليل .. خوفي أروح لمكان وألقاه مسكر ولا للعوائل ..
لا تقصرون معنا وان شاء الله نردها لكم يوم تجون لعندنا في الشرقيه ...


التعليقات (8)
VIP5VIP
VIP5VIP
ee.upm
يامرحبا فيك بتشرفنا بحضورك ولا راح احد يقصر معك باذن الله ولا تحاتي بالنسبه لي بما انكم شباب تعالو في الاعياد الوطنيه الصراحه انصحكم بقوه
بما انكم شباب مو اهل تسوق وفراره بالجمعات فالاعياد الوطنيه مناسبه حيل لكم
وبخصوص الاماكن للعائلات فقط قليل حيل بالكويت توصل اللى 5% فلاتحاتي بخصوص اماكن العوائل

Q8iiiee
Q8iiiee
يشرفنا حضورك انت امر ومالك الا طيبت الخاطر

soud321
soud321
حياك الله انت والي معك
عند مجمعات مثل الافنيوز و المرينا مول 360 مول و سوق شرق
ممكن تتسوقون و تتغدون او تتعشون و تشوفون السينما
عندك سوق المباركيه سوق شعبي و فيه جلسات قهاوي
ممكن تروح مسرحيات

q8ya metnaqla
q8ya metnaqla
حياكم الله في ديرتكم
شوف الجدول في توقيعي انصحك في اليوم الثالث و الخامس بس غيروا حولي خلو مكانها الافنيوز واليوم السابع واليوم الثامن ...
وحطيت اضافات عن الامسيات في هلا فبراير والحفلات و الفاعاليات مثل سباق الهجن و سباق القدر والتحمل للخيل و مسابقه الصقوور والخ بتلقاهم في الصفحات ..
وان شاء الله تستفيدون منه

كويتية^رحالة
كويتية^رحالة
حياكم الله بديرتكم الكويت أتمنى لكم رحلة سعيدة وممتعة

violetq8
violetq8
شوف في توقبعي ( رحلتي الي الكويت )
و شوف الي يجوزلك ترى الي صفحة 16 التقرير
و الله يوفقكم باديرة

abu layaan
abu layaan
شيك على توقيعي تحصل رحلاتي للكويت والأولى أفضل من الثانية من حيث الوقت
وأفيدك علما أن الكويت ما تصلح زيارتها الا تكون متفرغ وماخذ اجازة طيبة لأنها
كل مكان تزوره يجبرك ان ترجع له مرة ثانية وثالثة ورابعة فديت الكويت واهلها
الكويت ديرة مالها مثيل وصدق من سماها درة الخليج اتمنى لك التوفيق

origami
origami
بارك الله فيكم جميعآ


خصم يصل إلى 25%