قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
alhwawy
13-12-2022 - 08:41 pm
السلام عليكم
شباب ابي استفسر
انا بسافر على الخطوط القطرية الرياض - مانيلا - الرياض
طبعاً ترانزيت في مطار الدوحة لمدة 6 ساعات والعودة نفس الشي
انا سمعت في صالات ذهبية وفضية وصالة المها لها اشتراك بمبلغ وتقدر تدخلها توفر لك كل شي الانترنت والمطاعم
ياليت احد يفيدني عنها لان بصراحه 6 ساعات قمة الطفش
ياليت بعد يذكرلي مزايا صالة المها او اي صالة مع المبلغ وطريقة الاشتراك ؟
شاكرلكم


التعليقات (8)
النوريq
النوريq
لو انت مسافر على البزنس او الاولى بيقعدونك في مبنى القطرية
بس لو انت مسافر على السياحيه ماادري شلون بتدخل القاعة
صالة المها اللي اعرفها موجودة في الدور الأول في المطار وصغيره وماعندهم الا سندويشات باردة وحتى نت اظن ماعندهم
انا ماادري عن هالمطار من زمان لان احنا دايما نروح مبنى القطرية من عقب مافتحوه

alhwawy
alhwawy
يعطيك العافية يا النوري
حتى لو كنت على السياحية تقدر تدخل الصالات بس بمبلغ
ياليات احد يفيدنا

النوريq
النوريq
لو كلمت القطريه بيقولون لك كل الخيارات اللي جدامك

عبدالله منصوري
عبدالله منصوري
يا مرحبا فيك أخووي،،
أي نعم تدفع ما يقارب مبلغ 150 ريال وبالبطاقه لازم، شوف القاعه حلووه وترى الحين فيها نت، وأكلهم كله ساندوشات ههها،، وفي شاور عشان تتسبح وتغير وكراسيهم مريحه بعد،،
أي خدمه ثانيه حاظرين لك طال عمرك،،

bentqatar
bentqatar
اي تقدر تدخل تدفع مبلغ 150 تقريباً وتحط العفش حقتك الاحجام الصغيره فقط في خزانات عشان ما تتعبك
ومكان هادي وراقي انصحك تروح هناك عن زحمة الناس

alhwawy
alhwawy
عبدالله منصوري
هلا وغلا عبدالله
ماعندك مشكلة ندفع اي مبلغ
بس وش اللي لازم بطاقة ؟
وطريقة الدفع هل من المطار ولا من مكتب الخطوط القطرية؟
بس وش مميزات الصالة وهل هي صالة المها
طيب القاعة الذهبية او الفضية كيف اشترك فيها ؟
الله يطول عمرك عزيز وغالي
وشاكر لا اهتمامك

alhwawy
alhwawy
bentqatar
حياك
مافي اي مشكلة
بس هل الصالات موجودة بالمطار ولا خارج المطار
وطريقة الدفع كيف عند وصولي للدوحة ولا لازم ادفعها من مكاتب الخطوط القطرية
طيب صالات الذهبية والفضية مالها اشتراك
يعطيك العافية على اهتمامكم

عبدالله منصوري
عبدالله منصوري
الله يسلمك أخووي، شوف الدفع تروح للقاعه طال عمرك عادي ولما تدخل القاعه تدفع هناك عندهم،، وهذي طبعاً أنا الي اعرفه القاعه العاديه وهي قاعة المها،، وترى هي حلوه وصغيره ماتكون زحمه في العااده،، الباقي ماعرف عنهم لاني مادخلتهم،، بس على ماعتقد في هل القاعات، فأنا لو أسافر على السياحية أدخل على قاعة المها،، ولو بزنس أو رجال أعمال على القطرية فعندهم مبنى خاص وهو بريميرا،،
عاد الله الله في تقرير عن الفلبين،،
ولا هنت لو تقدر تصور الصاله وتنزل لك تقرير صغيرون عن البوابه عندنا فربي يجزاك كل خير طال عمرك،،


خصم يصل إلى 25%