سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وحيدة اهلها
29-01-2022 - 05:27 pm
السلام عليكم
ابي مساعدتكم في مدن الثلح (مااعرف والا وحده)
يعني ابي اعرف مناطق وش احسنها؟
وش احسن طيران ؟؟يطلع من الدمام ؟؟
وش احسن فنادق ثلاث نجوم او اربعه ؟؟
وكم تقريبا التكلفه حق عايله مكونه من اب وام وثلاث اطفال اعمارهم(11- 9 -7)
طبعا هذا الاستفسار مو لي حق اخوي ويبي يروح في شهر (3 او 4 ) وقت يكون فيه ثلج


التعليقات (4)
aboaziz
aboaziz
هذي هي أشهر مناطق التزلج السويسرية ويكون الثلج فيها مضمون الى نهاية شهر 4
Four Valleys
Verbier
Zermatt
Maloja
St. Moritz
Davos
Gstaad
Rougemont
Grindelwald
Samnaun
Engelberg
Crans Montana
Leysin
طبعا هذه المنتجعات سويسرية يعني غالية والبديل المدن الثلجية الفرنسية مثل مجيف وشامبري و كورشيفيل
Megeve/Champery/Chamonix
من الدمام ما اعتقد فيه رحلات مباشرة لسويسرا والافضل عن طريق المنامة او الرياض وكانت المصرية أرخصهم لكن مع الأاوضاع اللحين ما تنفع يجي بعدها الفرنسية عن طريق الرياض
تكلفة الرحلة اسبوع شاملة كل شيء بحدود 20 الف ريال

وحيدة اهلها
وحيدة اهلها
طيب اخواني عندي استفسار ثاني
كيف اعرف احسن منتجع واحسن الاسعار واحسن وانسب الفنادق
سويت بحث بس ماحصلت تقارير
ياليت تفيدوني

aboaziz
aboaziz
وحيدة اهلها
كلمة أحسن كثير نستخدمها خاصة في المنتدى هنا
لكن أحسن في سويسرا بالتحديد تأتي مع سعر باهض
الأحسن في سويسرا شاليهات فربير الخاصة
حددي ميزانيتك للسكن وراح أقترح عليك بعض السبوتس

وحيدة اهلها
وحيدة اهلها
السلام عليكم
هلا اخوي لا مااقصد بكلمة احسن انه فندق خمس نجوم
لان عايله مكونه من 5 اشخاص صعبه جدا 5 نجوم
انا ابي 3 او 4 نجوم اهم شي بالفندق النظافة وقربة من الاماكن السياحية
وافضل منطقة تصلح للعوايل وتكون ممتعه للاطفال
كمثال ( فريا او الارز في لبنان لا نفضل السكن فيها ولكن السكن في بيروت مثلا والخروج يوميا للفريا او الارز )
اكون شاكرة لك تعاونك معاي
بذكر فندق نظيف واماكن حلوة
وسعر ممتاز
واماكن تستحق الزيارة ومدة الرحله تتراوح من 10 الى 15 يوم


خصم يصل إلى 25%