ولو أنني أوتيت كل بلاغـــــــة ...... وأفنيت بحر النطق في النظم والنثر
لما كنت بعد القول إلا مقصرا ...... ومعترفا بالعجز عن واجب الشكــر
..
قبل البدء أحب أشكر كل من ساعدني في جمع المعلومات وأيضاً الرد ع استفساراتي ..
في بوابتكم المميزة بوجود أشخاص أمثالكم
و أخص بالشكر المشرف الأخ العزيز فيصل 2006 , أبو طلال , ولا أنسى أحلى من العقد ..
~~~
مدة سفري لم تتجاوز الـ 60 ساعة , لأن الفكرة من زيارتها
رؤية برج ايفل و زيارة ديزني لاند ..
تمنيت أني قضيت مدة أطول
~~~
أقلعت الطائرة الساعة : 1,05 تأخرت عشر دقائق عن وقتها المحدد
الحمد لله وصلنا لباريس
الساعة 5,35 بتوقيت باريس " مطار شارل دي غول "
صح ان المطار كبير ولكن كان شكله عادي
إجراءات الدخول سريعة جداً جداً لم تتعدى الـ 3 دقائق
كان المطار شبه خالي " كئييييييب "
اللي تأخرنا فيه استلام العفش
توجهنا للمترو , كانت التذكرة 8,70 يورو للواحد
من المحطة عن طريق الخط الأزرق RER B
ثم النزول في محطة Chatelet Las Halles
و تغيــــير الخط للأحمر RER A
متوجهين لمحطة Charles de Gaulle << في أول شارع الشانزليزيه عند قوس النصر بالضبط 
المدة 90 دقيقة تقريباً من المطار لمحطة Charles de Gaulle
المترو مزحوووم جداً لأنه كان الصباح و الكل خارج لعمله ..
~~~
^
لحظه خروجنا من المترو
كان الجو برد و مطر بس رووووعه 
طلعت المظلة لأني كنت مجهزها 
صاحبي خذ له دش سريع 
ورقة الحجز مبينه عنوان الفندق
مشينا ع الشانز باتجاه شارع George V دخلنا يمين بعد لويس فيتون
ثم ثاني شارع يسار يجي الفندق ع اليمين
أقل من ربع ساعة مشي من المحطة للفندق
أقرب محطة للفندق Franklin Roosevelt
...
الفندق :
Hotel CLARIDGE
سعر الليلة 1085 ريال
تم حجزه من موقع البوكينق , موقعه ممتاز
تعامل موظفي الإستقبال حلو وكانوا متعاون جداً
طبعاً يتوفر الإنترنت
و الإفطار مجاني
~~~
كانت اجراءات Cheek In سريعه مجرد التأكد من رقم بطاقة الفيزا
^
هذا الحبيب يوقع ع أوراقهم
فنجال ع الطاير
..
بدل انتظار الغرفة استغلينا الوقت< مستعجل أبي أشوف ايفل 
طلعنا نتمشى و أخيرااااااااً شفتكـ يا ايفل
تمشينا ساعه تقريباً .. في طريق العوده للفندق
سويت فاهم و قلت شرايك نختصر مع الحوااااري < يبو ساعتين ومسوي دليله 
وخذ يا ضيعه 
في البداية كانت أمورنا تمام لين تعبنا من المشي
يمين يسااار وقلبت راس , وين حنا فيه
هااه وشو هاه لا لا تقوله !!
مالكم بالطــويله آخر شي رجعنا للمكان اللي حول برج ايفل وبدينا من جديد
..
الحمد لله
دخلنا الفندق وكانت الغرفة في وضع الإستعداد لإستقبالنا
الغرفة وش حليلها مرتبه و نظيفة< هذا أكثر شي يهمني..ومطلة ع الشارع
بس المشكلة الوحيدة أن الأسره صغيرة
ريحنا شوي وجددنا الطاقة بكأس كوفي , وطلعنا لبرج ايفل مره ثانيه
~~~
وصلنا لبرج ايفل ما كنت متوقعه بذا الحجم أبد .. وكان الجو مسكت
غيوم و مطر كانت الصورة لبرج ايفل مثل ما تشوفون
^
في الطريق
الأوراق المتساقطة أعجبتني 
..
قبل السفر حاولت كم مره أني أحجز تذكرة صعود بالاصنصير ولكن كان فيه مشكله بخصوص
الحجز عن طريق السعودية حاولت كم مره ولكن ما قبل 
وحنا بالطريق للبرج أشوف الناااس يصعدون البرج بالدرج !!
" أبطت نطلع بالدرج "
تحت البرج وكان السرا طويل على الدرج , والأصنصير أطوووووول... >> مستحيل امسك ذا السرا ما أحب ..
قابلنا الأفارقه باسطين بهدايا و تحف , نشب فيني واحد منهم , وسألته عن مجسم لبرج ايفل
قال 15 يورو !!! وأكاسره تخيلوا وصلت معه ليورو واحد , و آخر شي رحت وسحبت عليه ..
تمشينا حول البرج , وخذ يا تصوير من كل اتجاه وانا اللي أناظر صاحبي وأقول له , شرايك بالدرج
قداااااااااااام
بصراحه ما أبي يفوتني المنظر من أعلى البرج ..
سعر تذكرة بـ 4,5 يورو
700 درجة آآآآآه يارجلي
و نتوكل على الله
طبعاً
أنواع الترييح لين وصلنا الدور الأول بالسلامه ..
كان المنظر رائع ينسيك التعب
لاحظت أن ما فيها أبراااج !!
و أغلب البنايات على مستوى واحد ..
كملنا الـ 700
وصلنا للدور الثاني كان زحمة و صادفنا طلاب كثير < رحلاااات مدرسية
هذا واحد من الطلاب خشش بينا
^خطيـــــــر يا أحمر 
..
وآخر شي طبينا من فووووق أسرع 
انتهينا من برج ايفل
~~~
توجهنا للفندق تعب تعب تعب
بعدها طلعنا نتمشى ع الشانز ومنها ع ~>ساحة الكونكورد المسلة المصرية..
..
في طريق العودة أكيد يلزمنا عشاء
دخلنا مطعم العجمي كان قريب جداً من الفندق ..
مشتهي حممممممممص
الحمد لله تعشينا كان شغلهم لذيذ و نظيف
..
سألت الجرسون عن المطعم؟؟ يتبع للمطاعم الموجودة بالسعودية
قال كانت بالشراكه بين سعودي و لبناني و حصل خلاااف بينهم وانفصلوا عن بعض ..
المطعم اللي بباريس ملك شخص لبناني
على الفندق مابعد الحمص الا أحلى نومــــــــه
وبهذا انتهى اليوم الأول ..
انتظروا اليوم الثاني في ديزني لاند
~~~
إذا ما أعجبتكم طريقة طرحي للتقرير عطوني خبر
..
.
طالبكم
المشاركة الأصلية كتبت بواسطة فيصل 2006
