تاجر الفوركس
موضوع شيق اخوي تاجر الفوركس بس ايش قصدك بالفورك هل قصدك الشوك
او الضفادع
جالس احاول اعرف ايش الكلمة بالانجليزي
لانه مو واضح .. امم لا يكون قصدك الفوركس حقت الاسهم
المهم بما انك نفسك تزور امريكا عشان ناطحات السحاب انصحك بجدية بزيارة كل من
شيكاغو , نيويورك تحديدا منهاتن , شنغهاي بالصين , هونج كونج , بكين
,الرياض " ههه لا تصدق "
المهم كل خياراتي تعد من اكثر مناطق العالم المقتضة بناطحات السحاب و الاجمل بينهم طبعا هونج كونج
بالنسبة لي امنية كبيرة جدا اعيش في جبال دينفر كلورادو لمدة شهر كامل استأجر بيك اب Turnda Toyota Supercharge و اعيش هناك في الغابات الحالمة و استنشق جو جميل رائع
بالسفر نفسي و امنية اسافر كل الارض لاني ودي ازور كل دول العالم

فرنسا
الأسباب:
1 لأني أرغب بزيارة إحدى عواصم دول العالم الأول
2 رؤية برج إيفل.
3- التجول في الشانزليزيه.
4- دخول متحف اللوفر.

أمريكاا "usa"
زيارة عالم ام اند امز ..وديزني لاند..
وكل شي فيهاا حلو بس هذا حلمي
اليااباان ..
أبغى أشوف التطور الي هم فيه علشان اكره نفسي وديرتي زود

صباح الخير فيصل و العالمية " رغم اني اشوف ان ينيفيرسل الاصح اننا نقول الكون "
خياركم بلا منازع هو الاصح و تعبير فيصل صحيح " الولايات المتحدة الامريكية عبارة عن عالم كامل في دولة واحدة "
العالمية لا تنسي كمان تروحي ينيفيرسل ستيديو , سي ورلد , وتر بارك بكاليفورنيا , الخ الخ الخ الخ
بالنسبة لليابان انتي بس لو تسمعي كلامي مثل ما قلت لك و تنوين على هونج كونج راح تشيلين اليابان بالكامل من مخيلتك .......... مو تنقيصا فيها بالعكس انا من اكثر البشر حبا لليابان و اليابانيون و افكارهم و افلامهم الخ لكن الحق يقال الصين بداءت تهيمن عالميا
اخوي تاجر الفوركس ربي يوفقك و تروح حلمك اما بما يتعلق بتجارة الفوركس فما اقول غير يا رب يهديك و تتركها و تتجه لشي محلل شرعيا

حياة_التميز
صباح النور والسرور..اللي تبغى..!!
اذا عزمت أروح ان شااء الله .. راح ألجأ لك بعد الله ..
شف اقولك مبدأ بمخططنا المستقبلي القريب >> هونج كونج .. او .. اليابان .. او أمريكاا ..
عاد احنا وحضناا ..وان شاء الله ربي يسهل الامر .. ونروح واشوف وارد لكم باذن الله ..عن رأيي الشخصي..

أنا صراحة ودي أزور النمسا لما فيها من طبيعة خلابة ومناظر خيالية
و إن شاء الله راح أروح قريب

ثانكس على الموضوع
انا والله في دول وايد في بالي خاطري ازورها
وتقريبا مجهز المخططات بس يرجع الموضوع على الوقت ودراستي يعني كل سنه برنامج
المخطط الاول ( جنوب افريقيا & موروشيس او سيشل )
المخطط الثاني (الصين & كوريا الجنوبيا & اليابان )
المخطط الثالث ( امريكا & كندا )
واحب ازور التشيك و السويد شفت عنهم برامج واعجبوني
تقريبا خلصت بس احلى دوله عشقتها من قبل ما اشوفها وزاد حبي لها بعد ماشفتها هي استراليا

شخصيا مليت من اوروبا و فليت اغلب دولها و كذلك زرت امريكا و كندا ، يعني ما بقالي سوى دول شرق اسيا و انا صراحه اكرهم و لا انوي اني ازورهم ، بس الي ناوي عليه نيوزلندا و استراليا .
ان شاء الله تكون من نصيبي الايام الجاية