mafia98
01-09-2022 - 02:31 pm
السلام عليكم ...
اخواني انا ان شاء الله بسافر الى شرق اسيا وهذي بالنسبه لي الرحله الاولى في شرق اسيا فياليت اللي عنده خبره يفيدني
اولا الرحله عباره عن 21 يوم
الوجهة
كوالالمبور-لانكواي-بيانغ-بوكت -بانكوك-جوانزو-هونغ كونغ
غالبا راح تكون 4 ايام بكوانزو ويومين بهونغ كونغ
فياليت اللي عنده خبره بهالدول عالعموم يفيدني وهل رحتلي اللي ماليزيا تغني عن تايلند يعني هل يفضل اني اكنسل تايلند ؟؟
واللي عنده خبرع فيهم فوين احسن تسوق هل اخلي تسوقي في الصين فقط ولا كل بضاعه تختلف؟
(الصين)
بما اني اول مره بروح الصين الصراحه وايد متخوف من كوانزو فياليت تشروحون لي الوضوع شلون
هل احتاج متجرم ولا اقدر اصرف عمري؟
هل اسواقهم تستاهل الواحد يروح لهم او نفس اسواقنا الشعبيه؟
هل ممكن احصل بضاعه نفس شغل المحلات ال8عاديه زارا وغاب وفرنش كونكشن باسعار رخيصه؟
شلون اسعارهم عالعموم بالنسبه للتكاسي؟للاكل؟الاسوقه؟
وين ممكن احصل اسواق تقليد درجه اولى بحيث انهم مايغشوني ؟
متى تنزل تفتيحه الصيف ؟
احسن الفنادق الي تنصحوني فيها بالنسبه لعايله ويكون كل متوفر يمها ومايتعدى سعرها 30 دينار؟
هونغ كونغ
شلون سوقتهم والي عرفتهم من خلال المواضيع انهم يتكلمون انجليزي فهالشي راح يسهل علينا اعتقد وايد؟
الصراحه ماعرف شي بهونك كونغ وناوي يومين فيها بس ناوي على ديزني لاند هل تستاهل الواحد يتعنى لها او لا ؟
ياليت اللي عنده معلومات اضافيه يفيدني لاني بصدد حجز التذاكر ووايد محتار
دخول تايلاند يسبب لك مشكلة مع الجوازات
بالنسبة لمدينة كوانزو مشهوره بأسواقها و يقصدها الناس من أجل التسوق
و يمكنك أن تجلس في فندق بارك فيو أو كانتون هوتل بكلفة حوالي 100 دولار تقريبا لليلة
كلفة التكسي
يفتح العداد على سبعة يوان لمسافة 3 كيلو متر تقريبا و كل 350 م يكلف 1 يوان بالإضافة إلى رسم وقود بكلفة 2 يوان
.بالنسبة للكوبي عندك سوق البايما
موضوع يغشوك هذا يعود للبائع و لا أحد يضمن لك عدم الغش و لكن عندما تريد شراء ملابس أو آشياء كوبي فهذا يعني أنك تطلب المغشوش
ماذا تقصد ب تفتيحه الصيف ؟
بالنسبة لهونغ كونغ
أسواقها مثل أسواق بلدك و ربما أغلا في بعض الأشياء
ديزني لاند منطقة جيده و أغلب زوار هونغ كونغ يدخلون عليها