abo-sbta
22-03-2022 - 02:55 am
بسم الله الرحمن الرحيم
في البداية احب أشكر جزيل الشكر كل زوار وأعضاء ومشرفين منتدى العرب المسافرون نساء ورجال
ف مسائكم / صباحكم خير
و
تغريدالطير
حقيقة انا ممنون للجميع ولهذا المنتدى العملاق اللي افادني في سفراتي ورحلاتي الماضية
ولا لحقني شك في فزعة الطيبين واهل الخبرة والدراية
مابي اطول عليكم بدخل بالموضوع
هذا ياجماعة الخير صارلي حوالي سنة احاول اسافر لبلد العمة ولكن ما اراد الله سبحانه وتعالى جعل بالامر خيره
و قدر الله علي ونويت وعزمت وقصيت التذاكروسويتها مفاجأة لأم العيال >>>>>>> العيال=فهد الله يصلحلي ويصلحلكم
المهم
حجزت يوم الاثنين 31ينايروالعوده 9فبراير على الخطوط السعوديه وخطة السير تبداء من
تبوك المدينه
المدينه جده
جده جاكرتا الاقلاع الساعه 9ونص مساء
جاكرتا الرياض
الرياض المدينة
المدينة تبوك
والله تكسرت اصابعي من كتابة الرحلات وشلون على الواقع يعني الاجازة نقضيها على متن طائرات الخطوط الجوية السعودية
(سبعة ايام في اندونيسيا)
وجينا للجد وش تسوي ياولد وين مهبهب وهاتك ياوساويس
يابن الحلال مالك مفر التذاكر انسى امرها في كلاس لاترد ولا تؤجل ولا ولا ولا ..يعني ياتسافر ياتروح عليك القروش.
ماعلينا
ولاعليكم امر اقيدوني ياجماعة الخير عندي كم سؤال >>>>>مصختها صار اختبار قدرات وقياس
السؤال يبطح نفسه لاهنتوا
س1/ كم ارصد ميزانية للرحلة من غير التذاكر والسكن مع العلم ان فيه شقه بجاكرتا لواحد من الاصدقاء يعني مجانا
س2/ برنامج حلو امشي عليه خلال الرحلة الميمونة.
س3/ معي طفل عمره سنه وبيني وبينك احياناً تراودني افكار اكنسله من الرحلة خوفاً عليه بس قلبي مايطاوعني
يعني كيف السفر لاندونيسيا ومعاك طفل ولا ادري وشلون بيكون الجو امطار برد حر جبال اسواق... إلخ !
س4/ هناك اولويات امشي عليها .. سواء قبل أو أثناء الرحلة ولاني بعارفها !
س5/ وش اخذ معي ؟
اخيراً الف شكر للي يرد ويساعدني
واللي مارد يكفيني شرف مروره على الموضوع
محبكم ابو فهد
إما تزيد المدة لأنك تحتاج لراحة بعد الوصول أو تحاول تغير حجوزاتك وتقلل التنقلات ..
على العموم هذه جداول فيها برامج وخيارات وإن كنت غير مقتنع نهائياً بالمدة وطريقة الحجز المتعبة ..