بالسلامه اخوي وماشاء الله مبين امورك كلها ممتازه ولك خلفيه
عسى الله يسهل امورك ومنور يالغالي
وش رايكم اسحب ليله من لنكاوي واظيفها مع بيانق وتصير (4) بيانق و (3) لنكاوي؟
انا اتفق معاك .. لانه لنكاوي على حسب اراء اغلب اخوان ومن تجربتي الشخصيه تكفيها 3 ليالي ..
انا في لنكاوي ثلاث ليالي اكتفيت منها وزرت احلى الاماكن الي تستحق الزياره
وعموم لنكاوي الساعه 8 بالليل هدوء
بعكس بينانق الي تغلبها طابع الحيويه
انا أأيدك في هل القرار وفالنهايه القرار لك
وبالتوفيق اخوي

أهلا أيمن
لا لاتلغي الحجز الأول
أدخل على حجزك وغير تاريخ الخروج
لكن إذا تبغى رأيي خليك زي ما أنت لا تغير شيء
ومسألة التفضيلات تختلف من شخص لشخص
الآن لو فتحت موضوع وسألت راح تلاقي ناس تفضل بينانج وناس تفضل لنكاوي
فالمسألة شخصية لذا صعب أقدر أقول لك من فيهم تستحق وقت أطول
تمنياتي لك برحلة سعيدة إن شاء الله

مرحبا بالغالى بوريوف " ايمنو الرياض "
عن الحجز ممكن تعدله او تلغيه ما دامك حاجز حجز مرن و تضيف يوم قبل او بعد و تطبع الفويشر الجديد مع الاحتفاظ برقم الحجز و الاتصال على الفندق لتأكيد الحجز عن طريق الهاتف
هذا رابط يفيدك عن طريقة الحجز على موقع بوكنق
https://artravelers.com/p/re/230102
أويد كلام الاخ العزيز بيبسى كولا 100% السبب :
3 ليالى كافيه لزيارة فعاليات و انشطة لنكاوى السياحية و خاصة ان معك الاهل و العيال ( لو كان لوحدك لقضاء شهر العسل او تجديده انصحك بزيادة عدد الليالى )
4 ليالى بينانج كافيه باذن الله و فيها متعة للعوائل من حيث تنوع وقرب الانشطة على شاطئ الباتوفرنجى و التمشية للسوق الليلى و تناول العشاء فى المطاعم المحيطة به.
لا تتردد فى طرح اسئلتك و كلنا اخوان و حبايب فى هذا المنتدى الرائع
الله يسهل كل امورك
بالتوفيق

انا اشوف بما انك حجزت وانتهيت فخلك على حجزك ..
واشوف اربع ليالي في لنكاوي حلوه ... وان شاء الله ما راح تندم ..
واشوف انك ثلاث ليالي في بينانج كافيه ان شاء الله ..
الله يوفقك

هلا بالغالي ( أبو ريوف )
بصراحة وحشتنا ... بشرنا عنك وعن ( بنتك الغالية ) كيف حالكم ؟؟؟
وبخصوص الأختيار يابو ريوف ... أنت اللي تحكم وتختار عدد الأيام ... كيف ؟؟؟

• لنكاوي تنتهي الحياة فيها بحلول المساء ... وموحشة جدآ في الليل ... لانشاط يذكر أبدآ
• بينانج ... حركة ونشاط طوال اليوم ... والمساء فيها ممتع جدآ ولاتمل منه أبدآ ... وراح ينبسطون العيال

ولو بغيت رأي أخوك ( أبو هلا ) ... خلها ( 3 أيام لنكاوي - 4 أيام بينانج )
وافي بزمن جافي

ببسي كولا
هلا وغلا اخوي ببسي اسف والله على التاخير في الرد عليك وعلى الاخوان لاني والله انشغلت
كلامك منطقي وهذا الي افكر فيه لان معي اطفال وبناتي واخاف يطفشون في اليل في لنكاوي
الله يجزاك الف خير ياغالي

المغادرون 2007
هلا اخوي ابو انس نورتني ياغالي ها الطله صراحه انا اخذت بنصيحتك لي قبل فتره بعدم تغير الجدول وبلفعل ماغيرت
للان زي ماقلت كل واحد يعطيك رئي غير والله اني مقتنع اني اسحب ليله من لنكاوي عشان الوناسه والفله تعرف لنكاوي في اليل هدواء بس بيانق وخاصه في بوتو فرنجي السهر يطول
ومشكور ياغالي على النصيحه
انا ياخذ بعدد التصويت الاخوان الاكثريه يقولون بيانق

الأسفار متعتى
هلا وغلا حيالله ابو عبدالله على فكره ترا انت الي اقنعني بسكن في البفيو بيتش وعلى كلامك حجزت ويعلم الله يبو عبدالله اني ارتاح نفسيا اذا خشيت على اي موضوع من مواضيعي
وطلتك غاليه وربي انت والاخوان وبنسبه اني اسحب ان شالله هذا الي بسويه بس حبيت استشيركم
وصرحا كنت محتار .
عندي استفسار يبو عبدالله انا حجزت غرفتين وصاله على الجبل اذا اضفت ليله على الحجز اقدر اغير مكان الغرفه اخليها جزء على البحر وجزء على الجبل في موقع بوكينق وكيف تغير الغرف في الحجز طبعا كل اليالي تكون جانبيه بحر وجبل
ومشكور ياغالي على طلتك

النهر الجاري
هلا وغلا حيالله مشرفنا الغالي ابو نايف والله شرفتني ياغالي
بنسبه لكلامك والله مقنع وبرضو ان شالله اني مااندم اذا سحبت ليله ورئيك يهمني وربي طبعا باقي ماقررت بشوف
بس رغبتي أني ازيد ليالي بيانق مدري ليش لان اكثر الي راحو للنكاوي يقولون في اليل ممله فااخاف العائله الكريمه يملو هناك
شرفتني والله يبو نايف ولا تحرمني من طلتك ياغالي ابي استعين فيك بعد مااخلص حجزي في لنكاوي بعدين في كوالا وشققها الاقتصاديه