السلام عليكم ورحمة الله بركاته
اليوم راح اعرض لكم صور رحلتنا الى الحي الثقافي ( كاتارا )
اول ما دخلنا وبعد ما عدينا حراس الامن
اعجبتني النقوش اللي عليها
وهذي الصوره توضح صوره المواقف القريبه لان في مواقف ثانيه كبيره وعليها حراسه تحت الارض بس ما اعرف اذا بفلوس ولا مجانا
وبعدين توجهنا الى الشاطئ وكان في قمه الروعه وخصوصا ان الجو كان واايد حلو
علما بان تذاكرر الكبار ب100 ريال والصغار ب 25 ريال والشاطئ يفتح من الساعه 9 الصبح لين 5 المغرب
وما شاء الله رجال الامن موجودين فكل مكان لحمايه الصغار فكل مكان داخل البحر وموزعين على الشاطئ
ومقابل الشاطئ فيه كوفي صغير ويبيع ايس كريم لذيذ ونكهاته حلوه وايس كريم ب10 ريال وخلف المحل توجد الحمامات والحمامات نظيفه وفيها مكان للسبوح بعد البحر
واسمحوا لي لان صورة اسم المحل مب واضحه بس يمكن حد يقدر يقراها
وهاي الاسكريمات
وهاي طلباتنا
وكانت صج لذيذه
وبعدها رحنا المسجد عشان نصلي وما شاء الله كان حلو تحت مصلى الرجال وفوق مصلى الحريم بس الدرج متعب للنساء الكبار
برج الحمام
ومن عند برج الحمام اتجي سيارات مثل التوك توك ( اعتقد اسمها ) تاخذ فيكم لفه على الحي الثقافي او الى المطاعم احنا خذتنا لين مطعم لوزار البحري ومجانا
دخلنا المطعم وكانت طريقه عرضه جدا رائعه ويفتح للعشاء الساعه 7 مساءً
سياسه المطعم ان تختار نوع السمك اللي تبيه ويزنه لك وبعدين تطلب منه طريقه الطبخ يعني مشوي ولا مقلي... وهو يحسب لكم سعر السمك وبعد سعر الطبخ
بعض الجلسات اللي فيه والحمدلله توفقنا فاختيار المطعم وطلع اكله لذيذ
شكرا