بوحلا الكويتي
04-12-2022 - 10:53 pm
مساء الورد علي رواد المنتدي اجمعين بعض المعلومات لمحبي السفر للمغرب سواء ممن قد زارها اولمن يريد السفر اول مره وخصوصا مراكش الحمرا واخص بالكلام للي ناوي يجلس اكثر من20يوم ياخذ شقه باجار شهري تكون ارخص من الاجار اليومي والبعض تفوت عليه يبي يقعد مثلا 20يوم ويكون السعر 400درهم تكون الشقه ب8000 درهم ولو اخذها باجار شهري تطلع عليه مواكثر من 6000درهم والفرق واضح واللي يبيها شهر بيدفع 12000درهم وبالاجار الشهري تطلع عليه 6000 الفرق واضح انا حجزت شقه بجليز قريب من الماكدونالدز ب6000درهم شهر بكون فيها انشاله اول الشهر الجاي 1من 2011 المكان امان وعال العال وقريب من كل شي وتتكون الشقه من 3غرف نوم و2صاله كبار و3حمامات ؟يعني لوتروح لنخيل بيكون اجارهم بالشهر اذا الليله ب1000يطلع عليه ب30000درهم ؟شفت الفرق عشان هذا تسمعون من يقول ان النغرب غاليه ويخربط بجهله اما الشغاله اخذتها ب50درهم والسياره ب200درهم وتمني من الاخوه خاصه رواد المغرب ان يستكشفو لان كثير منهم جسب كلامهم بالمنتدي بصراحه اقرءكلامهم يقولون جيت المغرب مرتين او3مرات ويجيب اسعار خياليه كانه مايعرف عن المغرب الغالي ولاشي؟والمكله انه مايستكشف ولا يسال اما يروح لمراكش ويسكن النخيل ومايتعداه واما علي طول لاغادير ومن الغرفه الي الديسكو مايعرف اللي حواليه ياشباب ياغاليه ارجوكم انا حتي ربعي الخاصين اذا قلتلهم عن اسعاري اللي انا اكتشفتها يستغربون ومايصقون لكن اتمني ممن ناوي يروح يجرب ويكون فطين مزيان وفيه شي ودي اوضح لكم لكن الشباب واهمين وينقلون وهمهم للي اول مره يجي للمغرب انا يجزني من يقول ان المغرب غالي ومايكفيك الي من 250 يوري ومن هالكلام الفاضي انا كل سفراتي والله ماادفع اكثر من 150يورو 1500درهم حسب الصرف ساكن ماكل سياره ملاحظه جلوسي بشقتي دائما اذا جلست فيها اكون بروحي مامعاي احد من الكويت؟والشيشه وكلوكلوهههمتوفر وتحيه للجميع واللي يبي اي استفسار حاضرين لطيبين
إيه هذا الكلام المضبوط .. مختصر ومفيد ومن خبير
وياليت تقولنا شوي معلومات عن اسم الإقامة أوالشقة ومكانها ، أو مثل مواصفاتها من واقع خبرتك !
لأني ناوي اسافر لمراكش بعدك بشهر وأحب أرتب أموري من بدري
ماقصرت بوحلا على نصائحك المفيدة وإرشاداتك القيمة
وعساك على القوة دوم ~
رحلة سعيدة وموفقة ~ والقلب داعي لك
تروح وترجع بالسلامة