الاخ الكريم الاسطنبولي
يعطيك الف عافية على الموقع .
تحياتي لك

الله يعافيك أخوي بوعلاء
شاكر لك مرورك الطيب

مشكور أخي الاسطنبولي ولو اني عاتب عليك..
يارجل سافرت و رجعت وماشفنا تقاريرك..
عموما حمد لله على سلامتك..

الغالي : الاسطنبولي بعد الاذن بس حبيت ازود الشباب بالصور عن الفلل واللي صراحه موقعها حلو ونظيفه برضو

وبكذا ان شاء الله نكون افدنا الأخوان بالصور عن الفندق او الشقق الفندقيه بالصورة

انا بصراحه غسلت يدي من هالشقق "الي يسمونها بعض المكاتب عندنا شقق فندقية " اذكر العام نهاية رمضان رحت بيروت وكانت اول مره ازورها ولا عندي اي معلومات او خبره.
المهم حجزت في منطقة الروشة من اول ما دخلت العماره و كلام المكتب يقولي شقق فندقية و نظام ستديو انصدمت وين الكلام الي يقولي عنه. قلت يمكن بس اللوبي تعبان شوي خلني اطلع اشوف الغرفة لاني بنام فيها اما اللوبي ما راح اجلس فيه.
طلعت الغرفه جتني الصدمة الثانية الغرفة صغيره مره و حتى التلفزيون ما له مكان حاطينه فوق كاني جالس فر غرفة مستشفى.
ولا في مكان احط شنطتي وشنطة خويي.
وحتى الحين قالنا مو مشكله الضيق ضيق الانفس اما المكان بس بنام فيه.
جيت ابي ارتاح ارفع الغطا الموجود الاقي البطانية الحمره من يوم ما شفتها ما اشتهيت انام ابدا قلت مهوب مشكله خلني انسدح على الغطا.
وعلشان انام زين احتاج مخده واطلع المخده الا اشوف شعره عليها. قلت لاحول مهوب لازم خدودي تنام على شيء ناعم جبت منشفه وحطيتها فوق المخده.
والله يستر عسى المنشفة نظيفة.
و بعدها نزلت الى الشوارع ادور محل يبيع شراشف علشان انام عليها بس ما لقيت حتى وصلنا الى شارع الحمرا.
وعلى فكره كان سعرها تقريبا 90 $
المهم نمنا اول يوم ولمن قمت شفت صاحبي متعفط وانا مثله كلمت اهلي وقلت لهم يكلمون المكتب و بعدها حلينا المشكلة ونقلنا الى شقق فندقية ممتازة مره وارتحنا اخيرا بعد يوم شاق جدا جدا جدا

العفو أخوي عاشق بيروت
كلها 4 أيام يعني اسمك بس انك سافرت لبنان
الله يسلمك والجايات اكثر ان شاء الله

بس هذي مو نفس الغرفة اللي انا شفتها
نفس الحجم بس الأثاث عادي

أخ دب بس سريع مشكور على الصور وعندى سؤال الصور هذى كلها لشقة وحدة؟ يعنى متوفر عندهم شقة بغرفتين؟ وسلامتكم