مالها حدود.
10-11-2022 - 09:10 pm
حبايبي اعضاء بوابة الكويت
سألتكم المره اللي طافت (عن مقهى عائلي) وكان التفاعل قليل
واللي ردو علي 2 ...ماقصروو بس كنت ابي خيارات اكثر..وواضحه اكثر
.
.
هالمره اتمنى ماتخيبون ضني بالتفاعل القليل...مدري هو موسم اختبارات ولا شي!
..
ابي مكتبة تبيع احدث الكتب وبأسعار معقوله طبيعيه
ولو انها في اي مكان...بروح لها ماعليكم
دايم اروح الاشراف: اللي قدام الكوت
وغاليه
اسعار اغلب الكتب 4 وفوق
يعني مثلاً: ترمي بشرر (شاريتها ب 600 ليره سوري) عندهم ب 6:250 ! لهالدرجه يعني!
ونسيان com (ب 400 ليره) عندهم ب 5 !
انا ما اقارن بين اسعار سوريا والكويت ولكن ...اسعار تعوّر القلب
ومكتبة العجيري:حولي
كلمتهم ابي (عندما تشيخ الذئاب) قالو مافيه
ولما سألته عن نوعية الكتب اللي عندهم قال: نوعا ما محدوده!
مع انه في كرت العنوان مكتوب (مفتوحه 24 ساعه) فرحت وقلت شكلها مكتبه جنان
كذلك:جرير
و شارع المثنى:حولي
يمدحونه كله مكتبات
بس للحين مارحت له
وولا اعرف هل بحصل كل اللي ابيه ولا لا؟
و virgin
ماحس عنده تشكيله كبيره
.
.
من لخبطتي اللي فوق
وشهي المكتبات اللي تتعاملون معاها وتوفر كل الروايات جديدها وقديمها وبأسعار معقوله
إنتظاري وإحترامي لكم
مكتبة ذات السلاسل
السالمية ، شارع سالم المبارك
22466266-22437220
مكتبة العجيري
حولي ، شارع قتيبة
5- 22613749
شركة دار الكتاب الحديث
شركة المكتبات الكويتية
مجمع المثنى ، السرداب
22424266-22424289
شركة دار الفكر الحديث
7فيرجن
مارينا مول ، شارع سالم المبارك ، السالمية
5مكتبة جرير
حولي ، شارع تونس
1مكتبة العروبة
حولي
6مكتبة صالح المسباح " للكتب النادرة و القديمة و مجموعة متنوعه جدا من الكتب "
" المكتبة الكويتية التراثية "
حاطين رقم فاكس : 22510603
و رقم تلفون أ.صالح المسباح 99606121
الاشراف وايد غالين يمكن علشان ايجارهم وايد. اذا مالقيتي بكل هذيل روحي سوريا احسن لج