((سندباد))
11-11-2022 - 04:41 pm
السلام عليكم ..
ودي أغير مع العائلة واوديهم مكان جديد ، لنهم وانا بعد مليت من المجمعات فقلت أغير مكان ، قلت باروح حديقة عذاري (علمي بها من أكثر من عشر سنوات) ، وقلت أوديهم لمحمية العرين بس قلت هي بعيدة جداً ومشوار ، وسمعت هنا في المنتدى البعض ما يشجع عليها ، فقلت يمكن لأن الجو دائماً يكون حار في الصف ، لكن الآن الجو ولا أحلى فليش ما أجرب أوديهم هناك نغير جو ؟؟؟؟
أيش رأيكم ،،، بس ياليت تذكرون أيش فيها بالضبط عشان أتشجع ..
دمتم بالف ود ...
أول شي منتزه عين عذاري تم تطويره بشكل كلي وأصبح مدينة ملاهي للكبار والصغار وهناك ألعاب داخلية وخارجية ..
أما بالنسبة لمحمية العرين , بكل تأكيد تستحق الزيارة وليش المجاملة يا الغلا , بالعكس احنا حريصين على قضاءك وقت ممتع مع العائلة ومن بعد ذلك ترجع لنا بانطباعك اللي ان شاء الله احنا واثقين بأنه راح يكون إيجابي ..
خاصة مثل ما تفضلت هذي الأيام الجو خيالي وأصلاً من المعروف أن زيارة محمية العرين في الفترة من شهر أكتوبر حتى شهر أبريل شي أقل ما يقال عنه روعه .. خاصة إذا كنت من محبي هذي الأماكن المفتوحة والحيوانات أكرمكم الله والتعرف عن قرب عن الطبيعة في المحمية ..
المحمية تقع على مساحة 8 كيلومترات مربعة ويتم التجوال فيها عن طريق الحافلة , وبالإمكان التمتع في قسم المنتزه بالمحمية وذلك للوقوف بجانب بعض الأحياء البرمائية والطائرة الواقعة حول البحيرات الموجودة في المنتزه وإطعامها أو التصوير معاها أو حتى الجلوس بقربها ,
محمية العرين تقع في منطقة ( شبه نائية ) هادئة جداً وبعيدة عن صخب المدن , هي قريبة جداً من حلبة البحرين الدولية ( فورملا وان ) + المدينة المائية ( جنة دلمون المفقودة ) وبالقرب كذلك من منتجع قصر العرين ,
صور من محمية العرين ,