وعليكم السلام ورحمة الله وبركاته
اخوي اول شي تشوف لك قبول في اي معهد للمدة التي دراستها
بعدين تعبي طلبات نموذج الفيزا ( تطلب فيزا سياحية )
التطاليف تختلف من معهد الى اخر
المدن عندك الولايات الوسطى مثل مانيتوبا او البرتا ( لان اكثر سكانها يتحدثون اللغة كلغة ام )
والمعاهد الافضل انك تشوف معاهد الجامعات ( لقوة الدراسة فيها )
التذاكر تختلف من مدينة الى اخرى وحسب الموسم
ااذا عندك اي استفسار لاتتردد في السؤال
وفقك الله
"عاشق الليل"

مرحبا https://artravelers.com اقدر اروح لكندا بفيزا سياحية واذا وصلت هناك ان شاء الله ادور على معهد زين و ادرس فيه .. وهل يقبلني المعهد اذا جيتهم بدون قبول لان راح ادرس 4 شهور لغة فقط وبعدها راجع ... لان بصراحه هاليومين بقدم على الفيزا بصراحة مافكرت اجيب قبول من معهد .. نورني الله يحفظك

طيب ايش بتكتب في الفيزا
اذا كتبت انك بتدرس بيقولون لك وين القبول
واذا قلت سياحة بيقولون لك وين حجز الفنادق وفي المطار بيشوف التذكرة متى العودة واذا شافها بعيدة بيشك انك تريد الهجرة
الا اذا كان تحجز فنادق وتصير العودة بعد حجزك للفنادق . ممكن
لكن الافضل انك تبحث عن اي معهد وتدفع وتروح على طول تدرس
الله يوفقك

بيض الله وجهك .. والله ودي ادرس بهاليفاكس لكان لي زميل قبل دارس فيها ومدحها لي لكن الحين مااعرف احد هناك يجيب لي قبول معهد مؤقت ولا ودي اغامر بمعهد مااعرف عنه شئ وكانت خطتي اني اروح هناك و ادور على معهد زين مع العائلة وعلى راحتي والحين والله ورطنا ماادري وش الدبرة .. تحياتي لك

السلام عليكم
طيب انا سمعت انى نقدر نكلف مكاتب سياحسيه عندنا بالرياض هى اللى تتكلف فى قبول المعهد ووالفيزا وكل شئ وهى اللى ترتب كل شئ لكن السؤال هنا نفترض انى ما ارتحت مع العائله او المعهد اللى قدموا لى فيه ماهو تمام ايش السوات بعدين طبعا بكون هناك

الشمالي
افضل معهدين في هاليفاكس هي east coast ومعهد جامعة ساينت ماري
اختار احدها وقدم عليه
الله يوفقك

"عاشق الليل"
صحيح بامكانك
لكن الدعوة مايبغالها شي اذا تعرف شوية انجليزي بامكانك انت تخاطب المعهد وترسل لهم المبلغ وهم يرسلون لك القبول
واجراءات الفيزا سوها انت بنفسك
اذا ما ارتحت مع العائلة بامكانك تغيرهم
لكن اذا مارتحت مع المعهد مادام انك دفعت خلاص مايمكنك التغيير
الله يوفقك

wooden
الاخ wooden
لو تكرمت، ممكن الموقع الالكتروني للمعاهد
وجزاك الله كل خير