جنوب افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
موظف
01-12-2022 - 01:32 am
انا حاليا في جنوب افريقيا و واجهتني مشكلة
اخذت معي دولارات و يوم جيت اصرفها اكتشفت ان البنوك تأخذ نسبة على حواليا 40 ريال لكل 100 دولار
وش الحل لها هل اسحب من حسابي مباشرة او ارضاء بنصب بنوكهم.
موظف


التعليقات (9)
foxx109
foxx109
هلا حبيبي موظف ... والحمد لله على السلامة
وان شاء الله البلد عجبك (الكيب تاون) ؟؟
بالنسبة للصرف غريبة ما اتذكر انه كان يأخذ مبلغ ..!!!
شوف امريكان اكسبريس احياناً كثيره يكون سعر الصرف عندهم افضل ...
والا مالك الا تدفع ال 40 ريال ..
ويمكنك الصرف من الصراف بس برضوا الصراف يأخذ عمولة + فرق السعر
بس العمولة للسحبة بغض النظر عن المبلغ المسحوب ....
الله يوفقك يا شيخ وييسر امرك وترجع لنا بالسلامة ..
الحقيقة انبسطت لما شوفت سؤالك لانك بخير ..

موظف
موظف
الاخ العزيز المبدع فوكس الله يجزاك بالخير على كل ماتقوم به
ونسيت اقول لك تقبل الله منا ومنك صالح الاعمال وحج مقبول وانشالله انك ماتعبت
بالنسبه لموضوعي عن الصرف بشرح لك اللي صار بالضبط سعر الصرف بالنسبه للدولار 6,9 راند
يعني الميه فيها 690 راند بس المشكله لما رحت اصرف من كذ بنك ومحلات صرف يقولون فيه عموله على التحويل
وبكذا يطلع ال 100 دولا مابين 550 راند و570 على حسب البنك وبكذا اخسر شي كثير
والسحب من الصراف ياخذ عموله عباره عن 40 ريال ماهي فارقه معي لكن ماعرف كم سعر الصرف اللي ياخذه الراجحي
واذا عندك فكره او اي احد من الشباب عن كم ياخذ الراجحي سعر الصرف ممكن اشتغل على الصراف واترك الدولارات معي
وبالنسبه للديره اول يوم كان مره خطير بس خبرك وصلت الصباح مواصل ونمت شوي وقمت وخليتها يوم بالوترفرونت واحب انصح كل الشباب اللي بيروحون انهم يسكنون بالوترفرونت مارينا بشقق اسمها لوهيل موجوده ببوكنج
سعرها مايعكس اللي شفتها لما شفت ششق المراينا بالنت واسعارها شوي مرتفعه ونصحني واحد من الشباب بهذي قالي هي نفسهم بس سعرها ارخص بالنصف وفعلا لما شفتها خطيره مره والامن اربعه وعشرين ساعه متواجدين
وعندي سوال وش رايك بالباص الاحمر اخذه والا اشغل سيارتي الماي باخ عفوا قصدي الافيو
واي حاجه انا في الخدمه

foxx109
foxx109
بالنسبة لفرق العملة على حسب اليوم فهو يختلف من يوم الى اخر
والاختلاف يكون بسيط جداً (هللات) ... ويمكنك مشاهدة السعر من خلال
موقع الراجحي الرسمي (محول العملات) ...
او اجراء عملية بسيطة مثل سحب 1000 راند وشوف كم يسحب من رصيدك ...
ملاحظة : احياناً البنك يقوم بحجز المبلغ المسحوب كنوع من التأمين والاجراء الامني
يعني اذا سحبت 500 ريال راح يحجز 500 ريال اخرى ... فانتبه ,, خصوصاً الراجحي
بالنسبة للباص الاحمر اذا تحب تجربة يمكن يكون حلو ... انا لم يسبق لي تجربته
بس بالسيارة تقدر تروح اي مكان تبغاه ....
انتظر تقريرك بفارغ الصبر ... وعندي احساس انه راح يكون مميز للغاية
لا تنسى تلتقط اكبر عدد من الصور والمناظر ...

موظف
موظف
اخوي فوكس
خشيت على موقع محول الراحجي وعطاني الدولار ب 6,8 راند مره خطير
والريال ب 0,51 وبرضو معقول لكن هل انت متاكد ان هذا السعر اللي يتعاملون به في الصرفات في حال السحب من برا
واشكرك بخصوص التامين اللي دايم يسويه الراحجي النصاب

foxx109
foxx109
فالحقيقة ماني متأكد 100% بس مثل ما قلت لك
حاول انك تصرف مبلغ بسيط 1000 راند وشوف كم يحسب عليك
لان الراجحي صحيح انه بنك كبير بس عليه حركات تلعب في الاعصاب
بخصوص السحب من الصراف كن حذر واسحب من صراف يكون في مكان امن مثل سوق
او داخل فرع بنك لانه حصلت بعض السرقات من بعض السياح والحذر واجب ...

asim151
asim151
موظف
هل يمكن رابط الموقع أو الحجز على البوكينق لهذه الشقق ؟؟؟

نجمة النجوم
نجمة النجوم
انا معلوماتي مو مرة اكيدة بس بقول الي عندي ،،، اذا سحبت كاش من الصراف ياخذ عليك 36 ريال عمولة ايا كان المبلغ كبير صغير ...

موظف
موظف
مساكم الله بالخير وعذرا على التاخير
بس خبركم انا مشغول وهذا وقت الراحه
اهم شي اشكركم على تجاوبكم معي
وبخصوص اسم الشقق
lawhii apartments v&a waterfront
تقدر تبحث عنها في البوكنق
وبالنسبه للصرف احسن صراف نصحني خويي من منتدى ثاني من بنك ستاندر تقدر تسحب 5000 راند مره وحده وعمولة الصرف ماتتجاوز 40 ريال للعمليه بس مابعد شيكت سعر الصرف مع بنك الراجحي هل هو نفس اللي في محول الراجحي اويختلف ولاقدرت اشيك عن طريق الهاتف المصرفي لازم رقم العميل او العضويه وانا نسيته
المهم بخصوص الموضوع حق الصرف كنت انا فاهم الموضوع خطاء
لما كنت اسالهم كنت اقول لهم بصرف 100 دولار علشان اقدر اقارن ولا كنت اعرف ان عندهم شي اسمه اقل عموله
يعني اقل مبلغ ياخذونه منك هو تقريبا 120 راند حتى لو كان دولار واحد وكل مارتفع المبلغ ياخذون عليك 3 % على كامل المبلغ وانا برضو اشوف انها سرقه يعني في ال 1000 دولار بدل مايعطوني 6600 راند على سعر اليوم يعطوني 6300 بعد خصم العموله وتعادل 150 ريال سعودي .
وتقبلو تحياتي

foxx109
foxx109
هناك بنوك عديدة ...
من اهمهما واكثرها انتشار هو ستناندر
وهذا شعاره


خصم يصل إلى 25%