بشرى سارة
لكافة اعضاء ورواد منتدى العرب المسافرون
حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب
وقد تم نشر
400,000
ألف موضوع
3,500,000
مليون مشاركة وأكثر من
10,000,000
مليون صورة ما يقرب من
30,000
ألف GB من المرفقات
وهي إجمالي محتويات العرب المسافرون
للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.
لمزيد من التفاصيل يمكنكم مراسلتنا من خلال نموذح الاتصال
شلوونكم شخباركم شباب ( بنات وصبيان ) اتمنى تكونون بصحة وعافيه وعيدكم مبارك وتقبل الله طاعتكم متأخره :)
هالمره كويتية متنقلة و البنات اتجهوا الى ارض الابتسامة تــــــايــــلنــــــــد وهذي اول مه نروح الى شرق اسيا وبالتحديد تــايــلنـــد ..
رحلتنا كانت من الكويت بتاريخ 08/09/2010 لي 17/09/2010 عددنا 10 بنات ما شاء الله :) وكانت وجهتنا الاولى بوكت وبعدها بانكوك . طرنا من الكويت الساعة 5 الفير وصلنا الدوحة 6 والساعة 8 الصبح طرنا من الدوحة وصلنا بانكوك الساعه 6 المغرب وطلعنا من بانكوك 8 بالليل وصلنا بوكت 9 تقريبا يعني من الاخير انهد حيلنااا :))
هذا مطارنا من الداخل
وهذي بعض من جوازاتنا
الناقل الرسمي لنا في هالرحلة السريعة والخفيييفة الخطووط الجوية القطرية وكان سعر التذكره 130 دينار .. والرحلة كانت ممتازه ..
وصلنا مطار بانكوك بس سامحوني ما صورت لان مافي وقت على طيارتنا الثانية متجهين لبوكت وعلى ماشلنا جناطنا :) بس هذا اللي قدرت اصوره
الطيران الداخلي كان من نصيب اير اسيا وخذينا سعر التذكره 20 دينار ،، في نقطة مهمة لما تحجزون بالسايت لازم تشترون كيلوات للجناط لان مايعطونكم وزن .. الطيران كان ممتاز والحمدالله توفقنا فييه
صبحكم الله بالخير اكمل معاكم باجي التقرير بما انه وصلنا بوكت يوم الخميس بالليل على 9 و على ما وصلنا الفندق ما رحنا مكان لان تعبانين بس رحنا مطعم القاهره ميتين من اليوع كلينا ونمنا ويوم اليمعة قعدت انا واختى من الصبح على شان نشوف لنا رحلة وما يروح علينا اليوم ..
بس انا اليوم بحط لكم صور الفندق راح تشوفون صور بالليل وبالنهار عاادي :) وعلى ما اخلص من الفندق راح ابتدي معاكم في رحلتنا يوم اليمعة وتشوفون وين راحوا المجندااات :)
الفندق كان مدة 4 ليالي في هوليدي ان باتونغ بيتش خذينا مع الريوق 150 دينار ،، تقييمنا للفندق :
الخدمة 5/5 الموقع 5/5 النظافة 5/5 الاكل 5/5
والحين اخليكم مع صور الفندق :
وهذا اللوبي والاستقبال
الحين الغرف
واهني عزكم الله الحمام والكبت ( خزانة الملابس ) :)
هذا المكان عند اللوبي ومن وراه مطعم الريوق يطل على المسبح الثاني اللي عند الباب اللي يوديكم على البحر على طوول
هذا الممر يودينا على السبا والمسبح ومطاعم الفندق اللي على الشارع الداخلي يطلعنا على المطاعم العربية والمكاتب السياحية والقهاوي العربية ،،
هذا حوض السباحة اللي من جهة الشارع الداخلي
هذا اهني واحد من المطاعم اللي بالفندق ومن ورا الكراسي مكان السبا نسيت اصوره :)
وهذا الحوض اللي يطل علية مطعم الريوق ( الفطور ) نتريق وكل شي مكشووف والجو ياحلوه ،، هذا على اتجاه البحر
q8ya metnaqla
