مرحبا.....اشلون توصلين من فندقج للدام سكوير ما اعرف الصراحة بس اهم شي عرفي شنو اقرب محطة مترو يم الفندق..لأن محطة القطارات بالمطار ممكن تاخيذين التذاكر من المكاين الي بالمطار وتنزلين تحت للمحطة وتروحين لأقرب محطة للفندق..وبعدين تاخذين المترو او الترام للدام سكوير..واول ما تنزلين السنترال ستيشن(جدا قريبة من الدام سكوير 5 دقايق مشي) من المترو او محطة الدام من الترام(يوقفج جريب من كنتاكي وماك الي عند الدام) في مكتب اسمه تور اند تكت بداية الشارع اذا انت جايه من المحطة رقمه 34 روحي اخذي لج رحلة معاهم انه طلعت معاهم معظم الرحلات اخذي رحلة الطواحين ومصنع الجبن وقرية السماكين ومصنع الاحذية الجولة كاملة ب 32 يورو من 10-2 الظهر واظن في ثانية تبدي من بعد الساعة 2 ....رحلة جدا جدا جدا جميلة وبعدها رجعي تمشي بالدام وممكن تدخلين المدام توسو اظن يسكر 7 او تتمشين بالسوق لكن السوق يسكر الساعة 6 ما عدا الخميس يسكر 9 والسوق بالضبط عند الدام سكوير بس سألي عن كلافرسترات..والثاني ما اعرف اسمه يصير بظهر c& a...شارعين يفصل بينهم الساحة المفلبلة لتمثال الدام سكوير.....الديرة وايد حلوة وأمان بس من بعد الساعة 7 ما فيها شي ماعدا المطاعم وبعض المحلات الي تبيع السوفونيرز ....كل واحد بحاله محد له خص بالثاني .

عندهم هالمكتب وهو مكتب اظن شبه حكومي لأن في منه بكل مكان بهولندا رحلة الباص السياحي ما عجبتني وايد ودونه م صنع الالماس ما كان وايد حلو بعدين يفرونج على المتاحف اذا انت من عشاق المتاحف وتنزلين بلي تبين وتردين تركبين الباص الي بعده....بس بالنسبة ليوم واحد فقط روحي الرحلة الي قلت لج عنها وايد بتعجبج....بس إذا وصلتي والمكتب مسكر وتبين تحجزين في بقالة قبل المكتب بشوي فيها واحد صيني مع زوجته تروحين تحجزين من عندهم ويعطونج رصيد تسلمينه للمكتب يوم ثاني قبل الرحلة ويعطونج البطاقة الاصلية للرحلة لأن معظم الرحلات تكون مليانة فلا تخلين روحج للحجز بآخر لحظة ...مع ان ممكن في مجال بس لازم تكونين عند المكتب قبل ال9 ونص .لأن الباص يمشي على الوقت بالضبط .البقالة والمكتب نفس الاسعار بس ممكن تكون البقالة أرخص بسبب الاوفر يعني الباص خذت البطاقة من البقالة ب 10 يورو ومن المكتب 12 يورو مع ان الباص تبع المكتب!!!!تأكدي من العروض الموجودة . وبعد اخذر الرحلة النهرية يا تاخذين التذكرة من المكتب الو مك المكتب الي على النهر بالضبط عند محطة القطار السنترال ستيشن رحلة لمدة ساعة كامموة بالنهر و القنوات المائية بس كل ما رحتيها بالنهار احلى الرحلة متوفرة كل ساعة من الصبح الي 10 بالليل اظن .النصيحة النهائية اخذي رحلة الطواحين الصبح ورجعي تغدي واخذي الرحلة النهرية .......رحلة موفقة بإذن الله

ألف شكر على المعلومات

اهلين اختي
بالنسبة للمدينة بشكل انتي ممكن تتمشين فيها بشكل عام وتقدري تاخذي تاكسي من مطار شيبول-امستردام
اما بالنسبة لاماكن اللي تبتعدين عنها هو ال Red Light District موقعه في وسط المدينة و على بعد امتار بسيطة من ال Dam Square.
بالنسبة لطريقة الوصول للدام سكوير انتي ممكن تاخذين الترام من شارع Overtoom اللي هو بيكون امام ال Vondel Park وحياخذك على Dam Square ووسط المدينة بشكل عام وحسب ماتذكر رقم الترام 1و7
والاماكن اللي ممكن تزوريها كالتالي:
1- Dam square موقعها في وسط امستردام وفيها القصر الملكي وهي منطقة حيوية
2- Rembrandtplein square بردوا في وسط امستردام وفيها اغلب المطاعم والمقاهي
3-Leidseplein (square) وفيها صالات السينما والمسارح واماكن العروض الترفيهية والمطاعم
4-The Canals اللي هي القنوات المائية اللي ممكن تاخذي رحلة نهرية عبرها
5- The Albert Cuypmarkt من الاسواق القديمة في امستردام ويجيها كثير زوار بالذات ايام السبت وفيها مايقارب 200-300 محل يبيعوا اشياء كثيرة
6- Amsterdam ArenA اللي موطن فريق Ajax Amsterdam (هذا اذا لكم في الكورة لوول)
7- Kalverstraat من اهم مناطق التسوق وهو شارع موجود فيه متاجر التسوق للملابس والاحذية والاكسسوارات الى اخره,,,, الشارع طوله حوالي الكيلو ويبدا من ال Dam Square ومايضيع.
ان شاءالله المعلومات تكون مفيده ,,,,, وتوصلين بالسلامة

ألف شكر اخوي ما قصرت
ربي يجعلها في ميزان حسناتك

ايوه نسيت اذكر لك انو اسم محطة الترام هي J.P.Heijestraat بيكون موقعه في شارع Overtoom امام ال فوندل بارك بتاخذي رقم واحد الى الدام سكوير

مشكور اخوي
فعلا ترام رقم 1 انقذني اليوم وسهل جدا امام الفندق اللي انا فيه جدا
بارك الله فيك وجزاك كل خير