وعليكم السلام ورحمة الله وبركاته
تفضل هذا الرابط
مرجع كامل عن معاهد اللغة النيوزيلندية https://artravelers.com/p/re/248838
وهذا الرابط فيه أغلبية المعاهد في نيوزلندا .. ما عليك ألا اختيار المدينة
http://www.english-schools.co.nz/
وراجع تقارير الأعضاء .. راح تفيدك بحول الله
موفّق
بعد أذك .. تم نقل موضوعك للقسم المناسب

^
^
الله يعطيك العافيه الموقع هذا عندي وبحثت فيه لين مامليت لكن نبي تجربة الواقع من الي جربو المعاهد وابد خذ رحتك بالنقل لو حاب تنقلني بعد انقل

هلا wolf-chubby
برائي انك تشييك على تقارير الاعضاء وتقرر بنفسك بعده تسأل وتقارن بين معهدين او ثلاثه .
اتمنى لك التوفيق .

اخوي .. انا الحين في روتروا .. وادرس في معهد ريلا ( rela ) المعهد والله حلو
المدينه لك على شعبها
بس يعني حلوه وفيها ترفيه
المعهد شرحهم حلو وشرحهم بطيء يعني غصب تطفش من القواعد والمحادثات وتحفظها غصب

شرق وشرق يعطيك العافيه
مسافر نيوزلندا
زكيف المدرسين معاك وشو جنسياتهم ؟
وكم سعر الكورس للجنرال انجليش؟

المدرسات لانهم كلهم حريم كبار
والله شوف فيه بعضهم ما استصيغهم وفيه بعضهم وربي ما تمل منهم
مثل الحين انا مع مدرسه اكرهها صراحه وهي تكره السعوديين
بس فيه محاولات اقدم على اختبار واغير مستواي
يعني المدرسات الشينات يمكن 3 كلهم بس
جنسياتهم والله مدري بس فيه اللي اكرهها هنديه هي الوحيده
الباقي بعضهم من نيوزيلندا ، وبعضهم بريطانيين
وعلى فكره نيوزيلندا ، مستعمره بريطانيه .. يعني اهل لغه
~~~~~~~~~~~~~
جنسيات الطلاب :-
والجنسيات فيه 6 سعوديين
وفيه الفرنسيين 8 او 9
والباقي يابانيين وصينيين / بس ما اعرف افرق بينهم ههه
سعر الكورس للجنرال انجليش
مثل ما قلت لك سابقا ، ماني عارف وش هو الجنرال ولا اكاديمي
بس باقول لك الاسعار
رسوم تسجيل 200 ( مره وحده )
رسوم بحث عايله 200 ( مره وحده )
الدراسه الاسبوع ب 370 ( فل تايم )
الدراسه الاسبوع ب 255 ( بارت تايم )
العايله الاسبوع ب 205
وطبعا في 2011 ، بتختلف الاسعار
العايله بتكون ب 215 الاسبوع
والدراسه الاسبوع ب 390 ( فل تايم )
والدراسه الاسبوع 275 ( بارت تايم )
واي خدمات امرني

ما قصر معك أخونا مسافر وأن شاء الله يرجع بالسلامه ويعطينا تقرير يبرد التسبد
أما الفرق بين الجينيرال والاكاديمية
الجينيرال .. هي اللغة اللي تفيدك بالتواصل مع الناس .. في البنوك .. السفر .. المطاعم والمواقف اللي زي كذا
الأكاديمية .. تساعدك انك تدرس في جامعة تستخدم اللغة الأنقليزية .. يعني تعتمد على المفردات العلمية
وما أنصح أبدأ الواحد ياخذ الكورس الأكاديمي ألا إذا اتقن أو شبه اتقن اللغة الجينيرال
موفقين

المظلوم يعطيك الف عافيه يارب على الشرح ، وهذي معلومه جديده لي
وانا يا اخ ( ذيب ) .. ادرس جينيرال انجلش
لانه مثل ما قال ، صعبه تدرس مفردات علميه وانت مو عارف الفردات العاديه

كل عام وانتو بخير جميعا
مسافر نيوزلندا
ربي يوفقك وماقصرت يالحبيب اتعبتك معاي
اكيد انا راح اخذ جنرال انجلش لكن بيني وبينكم ابحث عن معهد يكونون المدرسين يابريطانين او امريكان اي جنسيه لغة الام انجليزيه لان بصراحه ماحس ان وحده هنديه ولا من جنسيه اخرى متعلمه انجليزي وتعلمني !!
2- ملاحظة على الاسعار اشوفها متجاوزه جدا بين nz و usa و canada !! لاني اشوف ارخصهم كندا اذا هاذي اسعارهم !!! ماتوفقني الراي اخي مسافر نيوزلندا وياخلي المضلوم الله لايجيب الضلم لحد !