بالتوفيق وان شالله تتسهل امورك

موعدي ان شاء الله الساعة 7.30 صباح الغد
هل هناك مشكلة اروح بالثوب ولا لازم بدلة ولا وش النظام (( من باب الاحتياط يعني ))
لا مافيه اي مشكله كل الناس يروحون بثيابهم وشمغهم ما عليك الا العافيه
انا مااعتقد اني راح اقدر انام يعني بروح مواصل ، يعني متى ممكن اجراءاتي كلها تخلص من هناك ؟؟ تقريباً
تقريبا ان رحت بوقتك من 9 ونص الى 10 ونص وانت مخلص وان جيت بلغهم ان موعدك 7 ونص لان ممكن يكون في الطابور ناس موعدهم بعدك فيقدمونك عليهم
الحين انا متاكد انهم بياخذون جوازات عيالي الثلاثه وانا باخذ احد الكروت .ليه من غير شر
بس كيف النظام بيكون اسدد الرسوم حقت التوصيل للفيدكس حق ثلاثه ولا اربعة الرسوم 65 ريال
ان كان ما فيه مشكله بيقول لك الموظف كلهم سواء وان كان لا سمح الله فية شي بيقولك حط كل مجموعة لحال
بعدين الجوازات هل راح توصل لمكتب خاص لفيدكس واروح استلمها ولا بيوصلونها للبيت ولا كيف ؟؟؟
انت تبلغ موظف الفيدكس عن اقرب فرع لبيتك ولما تطلع الفيزا راح يدقون على جوالك تجي تستلمها من فرعهم
وش باقي يارب في بالي
ايه صح الحين انا بيعطوني جوازي شلون ارجع اسلمه لهم ارسله بالبريد برضو ؟؟
ليه يعطونك جوازك عندك سفره ثانيه؟ عموما ايه ترسله لهم بالفيدكس

كابايان تسلم الله يوفقنا وياك
اخوي مسافر مع الحيرة الله يرحم والديك واخوك عن النار
مشكور على اجاباتك
انا اقصد الي اشوفه واقراه دايم الرجال اجراءاتهم الادارية في امريكا تاخذ وقت
يعني ماعني وعن احد الكروت هذا قصدي .
انا قصدي باخر فقرة الحين لو عطاني كرت اكيد بيرجع لي الجواز وبيقول تابع الموقع
وبعدها اذا صدرت الموافقة بيقولون ارسل الجواز .. صحيح او لا
شاكر ومقدر

لا طبعا هم بيخلون الجواز عندهم الى ان تصدر الفيزا حتى لو قعدت 5 شهور الحاصل كالتالي:
ان كانت اموركم سليمه بيقولون لك عط هالاوراق لموظف الفيدكس واطلب منه التسليم سواء
اما ان كان فية ملاحظه بيقول لك بلغ موظف الفيدكس ان الاولاد لحال وانت لحال
هنا تعرف ان فيه انا في الموضوع
بس الجواز يقعد عندهم مالم تطالب انت باسترداده مثلا انا اخوي له شهر ونص ما طلعوا الفيزه واخوي الثاني طلعت في خمس ايام هم كانت مقابلتهم سواء بس قال لهم الموظف نفس الكلام اللي شرحتة لك
اللي ماطلعت فيزته للحين جته سفره مفاجئه ارسل لهم ايميل انه يحتاج جوازه للسفر فارسلوه له بالفيدكس وقالوا له عندما تصدر الموافقه سنطلب منك ارساله ثانيه
اتمنى ان يكون الموضوع واضح الان