سائح قطري
20-06-2022 - 10:56 pm
انا ان شاء الله رايح ابوظبي يوم الجمعة والسبت...وعندي كم سؤال اذا تكرمتوا
ابي فندق خمس نجوم وراقي ويكون موقعه حلو..وحبذا لو كان ملاصق لمجمع تجاري ان وجد
وين تقع بورصة ابوظبي واي شارع..ومن ايساع يبدا التداول
هل البنوك تفتح في الليل خصوصا للمكتتبين...اولا..ومتى مواعيدها صباحا..متى تفتح ومتى تسكر
مارينا مول هل هو بعيد عن كاسر الامواج..واي شارع
ابي اعرف وين موقع صالة زايد للافراح...في ابوظبي او برا..واي شارع..
وياريت تنصحوني ببعض المطاعم والمجمعات الراقية...
ومطار ابوظبي كم يبعد عنها..........
اتمنى الرد منكم واكون شاكر لكم
السلام عليكم ورحمة الله وبركاته
اول شي نرحب فيك في دار زايد الله يرحمه ، ونتمنالك طيب الإقامه ...
بالنسبه للفندق اللي طلبته .. مالك غير روتانا بيتش .. وهو ملاصق لمركز بوظبي مول ... وهذا موقعهم
http://www.rotana.com/aspx/Hotel.aspx?HotelId=5
الفندق فخم وماعليه كلام احجز فيه ولا تتردد ...
بخصوص البورصه .. سوق بوظبي للاوراق الماليه في شارع حمدان برج الغيث .. تقريبا مجابل كراون بلازا ... والتداول يبدا من الساعه 10 لين الساعه 1 .... يوميا عدا الجمعه ... والاكتتاب في الفتره الصباحيه ..
هذا اللي اقدر افيدك فيه ، والسموحه عالقصور لاني مش من سكان بوظبي