مرحبا لجميع الأعضاء من غير إستثناء
اليوم لكم عندي تقرير عن رحله صيد السمك في الجنوب البريطاني
وتقريري اليوم غير عن تقارير بقيه الأعضاء
تقريري عن رحله كانت من أروع الرحلات اللي مرت علي ببريطانيا
كان يا مكان في قديم الزمان...... كان في عضو وحبوب من أعضاء المسافرون العرب يدرس في بريطانيا
وصارله سنتين يدرس فيها ويبي الفكه منها بأسرع وقت
المهم قرر هالعضو الحلو يا أنا أنه يروح ويا ربعه إلى رحله صيد السمك (( حداق))
المهم ضبطوا الرحله وأتصلنا على واحد يأجر طراد أو مركب ويأجر معاه معدات الصيد
وحرك يا حلو يا انا صباح يوم السبت17/9/2005 من بيته اللي يقع في مدينه بورتسموث Portsmouth إلى منطقه شيشستر Chechster والى تبعد من بورتسموث حوالي 12 ميل
وكان الموعد مع الربع أو الاصدقاء في مارينا الشيشستر واهي منطقه تقع على الساحل الجنوبي للجزيره البريطانيه
وصلنا المارينا وهذي الصوره أول ما وصلنا
وهذا يا حلو يا أنا بسيارته على اليسار لابس تي شيرت أبيض وصديقه في السكن
كان الجو حده قوي وجميل
وركبنا المركب ..... وقاعد يا حلو يا أنا يغني مايهزك ريح يامركب هوانا لأبو بكر سالم.... يعني مستانس
وأستقبلنا ذاك الأشقر Mike مايك صاحب الطراد بو 27 قدم ورحب وعطانا محاظره أو شورت بريف عن شروط الأمن والسلامه وقلناله أوكي......... أوه نسيت شي مهم عدد أعضاء الرحله كان سته وسابعنا مايك صاحب الطراد
وهذي صوره من قمره القياده وتشوفون أجهزه الملاحه GPS موجوده أعرف منهم 2 والثالث ما اعرف حق شنو
واحد لقياس الاعماق وبين لك السمك اللي تحت الطراد
والثاني جي بي اس عادي يدليك الطريق نفس المستخدم في السيارات
الثالث لاتحرجوني وتسألوون؟؟
وهذي صوره عده الصيد والسنارات
وهذا صوره يا حلو يا انا وأهو مندمج بالصيد ولابس شماغ..... نفس الشماغ اللي كان لابسه في اسكوتلندا
وهذا منظر انا مصوره من الطراد للمارينا
وهذا صوره صيدنا...... والله شي
وهذي صوره مايك صاحب الطراد واللي يبي إيميله علشان يحجز يقولي
وبالأخير سوينا غدانا داخل الطراد والله شي كان فيه مطبخ وجوله وأنتم بكرامه حمام
وصوره الغدا مربين
أنا اللي طبخت العيش والدقووس ورفيجي سوا الربيان وحمسته
بالعافيه علينا
وبعدها كملنا صيدنا واستانسنا وياليتكم ويانا
وتوته توته خلصت الحدوته
أخوك ابوعبدالله