الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
bass911
31-03-2022 - 05:46 pm
السلام عليكم ياشباب
انا رايح بأذن الله الكويت يوم الاربعاء واحتاج مساعدكم في بعض الامور:-
1- شرح بالتفصيل الممل افضل واسرع الطريق من الدمام من عند الكورنيش بالضبط الى الكويت
2- هل العمله السعوديه تمشي في الكويت او لازم اغير العمله وهل تغير العمله في الكويت احسن اوفي السعوديه احسن (تغير من ريال الى دينار)
3-ماهو احسن فنادق الكويت من حيث الراحه والموقع والخدمه ويكون قريب من كل شي وياريت يكون الجواب بالعنوان وشرح بالتفصيل الممل
4- ماهي افضل المجمعات التجاريه التي تستحق الزيارة مع شرح العنوان بالتفصيل
5-وماهي افضل الاسواق الشعبيه لبيع الاقمشه الرجاليه بالسعر ممتاز والسبح والغتر والجلابيات النسائيه الرخيصه مع الشرح بالعنوان بالتفصيل
6-ماهي افضل المطاعم الكويت التي تستحق الزياره مع الشرح العنوان بالتفصيل
7-اين موقع مسجد الشيخ راشد العفاسي وهل يصلي الجمعه وياريت شرح العنوان بالتفصيل الممل
8-هل يوجد عرض الان للمسرحيات وماهي افضل المسرحيات الموجوده
9-اين احصل محل يبيع المسرحيات والمسلسلات الكويتيه القديمه بالسعر رخيص
10-ماهي الشوارع الرئيسه والتجاريه المهمه في الكويت
وياريت تنصحوني لو كان في شي مهم وارجوا ان تكون الاجوبه بالتفصيل الممل مع العنوان لاني اول مره اروح الكويت وشاكر لكم تعاونكم معي


التعليقات (8)
nice_man
nice_man
ياهلا فيك اخوي bass911 حياك الله في بلدك الثاني الكويت ...
1- اخويbass911 بخصوص الطريق فهو طريق واحد - طريق بوحدرية تمسكه لحد الخفجي وتدخل الكويت
2- للاسف العملة السعودية غير متداوله
3- كل الفنادق الموجوده في السالمية او حتى العاصمة قريبه من اماكن التسوق
وهذا رابط للفنادق واماكن التسوق والشقق المفروشه وايجار السيارات ان شاء الله يفيدك
http://www.kuwaitpictures.net/new_page_2.htm
4- افضل المجمعات المارينا مول - سوق شرق - الراية - البستان - ليلى جاليري - الفنار وهناك مجمعين في منطقة الفحيحيل جنوب الكويت ( مجمع الكوت واجيال)
5- البلوكات عند المباركية وشارع فهد السالم
6- المطاعم كثيره اشهرها ميس الغانم وهذا رابط جميل جدا فيه صور لمطاعم شارع الخليج
http://www.hamaden73.com/rest.htm
7- للاسف كان ودي افيدك بس ماعندي فكرة
8- حاليا لاتوجد عروض مسرحية واغلب العروض اتكون في المناسبات والاعياد
9- مسلسلات ومسرحيات كويتية بسعر رخيص ماظن اتحصل
واذا كنت تبي المسرحيات والمسلسلات عندك النظائر في منطقة حولي وهي قريبه من مجمع الرحاب اذا سالت هناك عنها راح يدلونك وعندك بعد بيت الفنون ويقع على الدائري الخامس
0-
  • شارع سالم المبارك بالسالمية
  • شارع احمد الجابر في منطقة شرق - الكويت
  • شارع فهد السالم في الكويت مرتبط بدوار الشيراتون
  • شارع الخليج العربي يطل عليه المارينا مول وسوق شرق

ارحب فيك مرة ثانية اخوي bass911

bass911
bass911
يعطيك العافيه يا nice_man

Kuwaity2
Kuwaity2
1- العملة السعودية ولاغيرها غير مقبولة بالكويت من الأفضل تحويل العملة في السعودية او في الكويت او استخدام بطاقات الائتمان
2-جميع فنادق الكويت ممتازة وحديثة ولكن يعتمد على السعر المطلوب حيث هناك فرق بالأسعار بين فناق 5 نجوم و 3 نجوم.
3-المجمعات التجارية بالكويت كثيرة وموزعه تزيع جيد على حسب المناطق وااشهرها سوق شرق الرايه الصالحية المارينا مول ومجمعات شارع سالم المبارك في السالمية ومجمع الكوت ومجمع اجيال في الفحيحيل ومجمع المهلب مول في حولي.
4 - افضل الأسواق الشعبيه المحببة لدى الزوار هي اسواق المباركية داخل مدينة الكويت حيث التنوع في البضائع واسعرها مناسبة مع انتشار المطاعم والمقاهي ومحىت الصرافه وغيرها وافضل محلات بيع الأقمشة هو سوق الأقمشة في البلوكات خلف مجمع البنوك.
5-المطاعم بالكويت على حسب التصنيف واعدادها بالآلاف اما المطاعم السياحية فهي لاحصر لها ومعظمها على شارع الخليج العربي واذا تحب الماكولات البنانيه والشيشة هناك مطعم ميس الغانم بجانب السفارة السعودية على شارع الخليج.

bass911
bass911
مشكورين ياشباب بس باقي اشياء ماعرفتها
1-شرح بالتفصيل الممل افضل واسرع الطريق من الدمام من عند الكورنيش بالضبط الى الكويت
2-اين موقع مسجد الشيخ راشد العفاسي وهل يصلي الجمعه وياريت شرح العنوان بالتفصيل الممل

الباب العالي
الباب العالي
الاخ bass911
الله يعطيك العافية
تصحيح لرد الاخوه الاعزاء نايس مان وكويتي 2وهو قد يلتبس عليك الموضوع
هو انك تستطيع صرف العملة السعودية اذا كانت معاك عند احد محلات الصرافة سواء في العاصمة بالقرب من منطقة الصفاه وحديقة البلدية المقابله لقصر العدل
او في منطقة الفروانية شارع المخفر
او في السالمية سوق السالمية القديم
او في منطقة الفحيحيل في شارع مكه
كل تلك المناطق تستطيع صرافة العملات الصعبة بالاضافة الى العملات الخليجية وبعض عملات العمالة الاسيوية في الكويت .
ام كتداول في المحلات مثل مملكة البحرين لا تستطيع التداول فيها ومثل ماقلوا الاخوان تستطيع الدفه بواسطة الشبكة الخليجية او احدى البطاقات الائتمانية العالمية كالماستر كارد او الفيزا الو الداينزكلوب او الفيزاليكترون او الفيزا بلاس

bass911
bass911
يعطيك العافيه يا الباب العالي

Honey
Honey
هلا اخوي حياك الله بالكويت
المسلسلات راح تحلصها باغلب محلات الفيديو
واذا تحب مسلسلات ومسرحيات عبدالحسين عبدالرضا تقدر تزوره بمحله مركز الفنون تحصله بالسالميه بشارع عمان
وباججي المسرحيات لكويتيه الحديثه والقديمه تحصلها باي محل واذا تبيها بسعر رمزي عندك محل اسمه دريم موفي بالسالميه بشارع لبلاجات مايبيلعك النسخه الااصليه يبيلعك نسخه وواضحه وبسعر رمزي
وشكرا

bass911
bass911
شكرا اخوي Honey
بس ممكن تعطيني وصف المحل حسين عبدالرضا و محل دريم موفي بالتفصيل الممل من فندق جي دبليو ماريوت لاني اول مره اجي الكويت


خصم يصل إلى 25%