ابها المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
shlyah
09-10-2022 - 04:15 am
السلام عليكم ورحمت الله وبركاته
قررنا السفر انا واخويائي السفر هذي الصيفية لمنطقة باردة وكان ودنا نروح لصلالة ولكن أغلب العيال مامعهم جوازات وقلنا مالها داعي نكسر خواطرهم وقلنا ما لها الا ابها ومشينا مع طريق الرياض الحوطة الافلاج الوادي ....ابها طبعا الطريق سيء في أغلبه وأغلبه رايح جاي وشاحنات وحاله صعبة المهم وصلنا أبها واستأجرنا شقة في الفرعاء ب 120 الليلة (شقة لك عليها بس عشان تناسب القطة ) وصلنا الصبح الساعة 8 وحطينا الفرش والملابس في الشقة وبأت اول فصوول الرحلة
الحبلة
من المناطق السياحية في أبها فيها تلفريك يننزلك لغابة ومطعم وعيون وحركات
في الحبلة تلقى مخيمات شباب ويتفننون الشباب فيها عاد تفننهم هناك موب تفحيط زي شباب الرياض
لا ولكن من نوع اخر وهو

ثم بعد هي المنطقة وصلنا لم المطل الي عند التلفريك وصورنا

ثم نزلنا تحت مع التلفريك

ثم اتجهنا لم عين تنبع تحت في الحبلة ولكم صورتها

مجرى العين

مجرى العين ومن هنا توضينا وشربنا منها والله باردة وطعمها حلو مررة

ثم جى مطر وبرد

ثم جت شلالات

المطر في طريق الرجعة للشقة

هذي كل تفاصيل طلعتنا للحبلة وان شالله اكمل الباقي بعدين


التعليقات (8)
shlyah
shlyah
صورة لقرية قديمة بالقرب من الحبلة

Awal_7abib
Awal_7abib
مشكور على الصور الجميلة عن ابها البهية
وبنتظار البقية
تحياتي

أحمد العين
أحمد العين
ياسلام عليك يا shlyah صور رائعة وبانتظار البقية، شوقتنا لأبها .

ساز نور
ساز نور
الأخ الفاضل / shlyah
مساك الله بالخير ، والحمد لله على السلامة ، ولا تعبتم
صور رائعة ، تسلم يدك عليها ، وما قصرت ، وعقبال ما تزورها في فصل الشتاء والربيع ، فإن الوضع سيكون مختلفاً كثيراً .
تقبل تحياتي ولك الشكر والتقدير
أخوك المحب
ساز نور

shlyah
shlyah
Awal_7abib
مشكور على الرد ونتشرف بمرورك يامديرنا
أحمد العين
مشكور على الرد
ساز نور
مساك الله بالنور والله يسلمك وان شالله تكون لنا زيارة في الشتاء او الربيع
ريان الرزين
الله يعافيك

سلطان الشرقية
سلطان الشرقية
الحمدلله عالسلامه أخوي اهم شي انبسطتو , والله احب رحلات الشباب مع انهم مساكين وين مايروحون ( عوائل فقط)
لكن زين انكم استمتعو, والله كان ودي اشوف الصور لكن مادري ماشوفها طلعت!!, وفتحت الصفحة طلع لي مغلق!!
ياليت تحاول تشوف من موقع ثاني او شي لاني والله خاطري اشوفها
تحياتي لك: سلطان الشرقية

shlyah
shlyah
سلطان الشرقية
الله يسلمك وأبشرك انبسطنا اما مشكلة العوائل فالشكوى على الله
والصور طالعه عندي الحين مدري وش المشكلة واشكر على مرورك

shlyah
shlyah
هذي صورتين من بيوت قديمة

وان شالله في أقرب فرصة أنزل صور طلعتنا لمنتزه سحاب وهو اعلى قمة في أبها


خصم يصل إلى 25%