الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عبدالعزيز الدوسري
17-10-2022 - 03:56 pm
السلام عليكم كيفكم ياهل الكويت وزوار الكويت عندي استفسارات ابي لها اجابات لاهنتو
الاول : يخص السكن , محتار بين فندقين وهم : 1. فندق هيثرون 2. فندق بالازو
والافضل بين المنتجعات ويكون سعرها متوسط
ولكم الشكر


التعليقات (6)
Q8i_Cute
Q8i_Cute
اخوي الفنادق اللي ذكرتهم اعتقد كلهم نفس المستوى وكلهم بمطقة مزدحمه نسبيا .. لكن الحلو فيهم اسعارهم بس
اما اذا تبي نظام منتجع عندك النخيل لا بأس فيه .. حسب اللي شفته من صور وسعر

soud321
soud321
ياهلا و مرحبا
منتجعات عندك النخيل بامز
و موفمبك البدع
و هيلتون المنقف
و منتزه الخيران بس بعيد عن مدينه الكويت

كويتي1968
كويتي1968
ما انصحك بالنخيل
موفنبيك البدع وهلتون المنقف افضل

عبدالعزيز الدوسري
عبدالعزيز الدوسري
شاكر لكم اخواني ع الردود ..
بس اخوي كويتي النخيل لية ماتفضلة ..!
وبالنسبة للموفنبيك ووالمنقف الشاطئ مفتوح امامك ولا .!

bint elQ8
bint elQ8
و عليكم السلام و رحمة الله و بركاته
ما جربت ولا واحد فيهم لكن سبق ان بحثت عن فندق هاثورن اللي في حولي من الصور اللي في موقعهم لا باس به مقابل السعر .. لكن الصراحة موقعه مو حلو .. عز الزحمة و منطقة ما احس حلوة للسكن .. و بعد ما كانت اراء النزلاء مشجعة وايد
اما بلازو .. اللي في حولي بعد قرأت عنه تقرير في المنتدى و كانو ما يمدحونه !! مع انه جديد
عموما ما انصح في حولي ...
جرب ايبيس السالمية ... او هوليدي ان اللي في السالمية او هوليدي ان الداون تاون على دوار دسمان
و كورت يارد الراية تابع للماريوت و متصل بمول الراية .. و في عندك المريديان اللي على البحر .. او المريديان تاور اللي على شارع فهد السالم .. و بعد في بجانبة الفور بوينتس اللي تابع للشيراتون ... هذي فنادق جيدة و باسعار مناسبة
و المنتجعات ارشح موفنبيك البدع و هيلتون المنقف
موفق ان شاء الله

بيت الكويتى
بيت الكويتى
اخى الكريم انتة حدد المبلغ المراد دفعة راح اساعدك
اما بالنسبة للشواطىء ممنوع السباحة باى فندق على البحر واذا تريد اسباحة تكون على مسؤوليتك لانة فى تلوث
بالبحر هذه الايام بالكويت.


خصم يصل إلى 25%