كولومبو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ibraheem445
07-12-2022 - 04:51 am
  1. المشاركون : 2 فقط ولله الحمد ،، ومن الايجاز الى التفصيل

  2. قلت ابي مقاعد جنب بعض لو سمحتي

  3. قالت " وت "


السلام عليكم ورحمة الله وبركاته ،،،
هذه مشاركتي الاولى في هذا المنتدى الرائع ،،
تاخرت كثيرا في تسجيل هذه الرحلة او بالاصح المغامرة والتي في اصلها تسعة ايام (( ركز على تسعة وحط تحتها خطين)) الى بلاد الشاي ،،
بداية كان الجحز على الخطوط الاماراتية سعر التذكرة ذهاب واياب مع التوقف في دبي في العودة
( الرياض – دبي – كولومبو – دبي – الرياض ) 2127 ريال بالضبط .
المدة : تسعة ايام على الراجح قابلة للتمديد اذا اعجبتنا سيرلانكا؟؟؟

المشاركون : 2 فقط ولله الحمد ،، ومن الايجاز الى التفصيل

طلعت أنا ورفيقي للمطار طلعنا رفيقنا الثالث اللي طول الطريق وهو يتمسخر ( يستهزء) فينا
3" أجل سيرلانكا لا بعد سياحة ( خير ان شاء الله ) وكان الاقلاع من الرياض 9 م الساعة 6 حركت من البيت وادعت الوالد والوالده الله يحفظهم ومشيت وانا ورفيقي الثالث الى رفيقي الثاني عشان نطلع للمطار مرينا ابو الشباب وكالعادة لابد التاخر وهو طول الطريق مزعجني يكلم الو :صرفت دولارات واقوله لا يقول طيب متى نصرف اقوله في المطار او من دبي بنوقف 4 ساعات لا شغل ولا مشغله ن سكر الجوال بعد دقيقة دق الو نعم : يله تاخرنا قلت حنا بالطريق ، سكر بعد 3 دقايق دق الو نعم : جبت نظارتي قلت ايه قال طيب وجوازك قلت جاهز قال عجلوا تاخرنا قلت ياخوي برد تونا الساعة 6:15 الاقلاع 9 م حنا بالطريق المهم وبعد ما ركب ومشينا مرينا بقالة وشرينا بايسن ومشينا بعدها قال رفيقي وقف نشتري علووك عشان الضغط المهم وقفنا في الطريق يمكن 4 او 5 بقالات المهم وصلنا المطار باقي ساعة وحنا نمشي تحت مرينا بنك الرجحي قال رفيقي خل نصرف الراجحي احسن من غيره المهم صفينا يوم قرب الدور قال الموظف للي قدامنا التحويل فوق في الصالة ؟ اخذنا شناطنا ورحنا نركض بلاش صرف ومرينا الفرع الثاني طلع فاضي قلنا تحول قال ايه وحول لنا دولارات المهم رقينا ركض على الصالة وتقابلنا ذيك الزحمة كل العالم رايحة دبي ؟؟ وش السالفة يارجال صف مع الناس ونشوف موعد الاقلاع على الشاشة طلع 8:45 يله بسرعه ونروح للموظف تكفى تكفى عجلنا قال تونا بدري امسك سرى قلنا خلاص ويوم وصلنا الدور بديت اتميلح قدامه عساه يسوي ترفيع درجة او شيء شوي ناظرني وقال الطيارة فل وانتم تاخرتوا قلت يعني ؟؟ قال من هنا الى دبي بحط لكم مقاعد جنب بعض لكن من دبي الى كولمبو متفرقة ! التفت على خويي وقلت هاه قال الموضف ما عليك اول ما توصلون دبي روحوا عدلوها قلنا تمام ،، ركبنا الطيارة جنب بعض مبسوطين ،، من قدنا رايحين سياحه في سيرلانكا :8888: المهم وصلنا لدبي واول ما نزلنا طبعاً رحنا على تغيير المقاعد واصف سرى عند وحده المهم وصل الدور قالت يس

قلت ابي مقاعد جنب بعض لو سمحتي

قالت " وت "

قلت ما اعرف انقليزي :baaa2: اللي يعرف انقليزي عند العفش تحت المهم بالاشارات فهمت وحطت لنا مقاعد في نفس الطابور وراء بعض يعني انا 24A ورفيقي A25 مافيه فايده المهم قعدنا نتفرج على المطار العالمي ونتمشى في السوق وحنا نتمشى لقينا لوحة مكتوب للمواصلين على طيران الامارات او كذا المقصود فيه اكل لنا مجانا دخلنا عطيناه البوردنق ودخلنا ونشوف ذاك البوفيه المفتوح ، وتنفتح بطوننا للأكل (( طبعا رفيقي ما يعرف عن سيرلانكا ولا حرف انا الدلولة طبعا دلولة من الشباب ماقصروا اللي في المنتدى هم اللي حمسونا وعلمونا : اخص بذلك ابو عمر ( المهم قلت لرفيقي كل ترى ما قدامك اكل يفتح النفس تعشينا الحمد لله ،، اعلنوا الاقلاع للرحلة ركبوا الركاب صفينا عند البوابة لقينا واحد رهيب اوي يقطع البوردنق قال لي هذا البوردنق لك قلت يس قال سويت لك اب قريد بزنس كلاس ، انا ما ادري وش يقول قلت عادي قال رفيقي وانا قال لا بس هذا المهم خويي طرطع تكفى حاول قال له ذاك وت قال رفيقي لو سمحت يالطيب حاولي قال يله وانت بعد المهم تشققنا من الفرحة ،، واكتشفنا بعدين ان الطيارة من دبي – كولمبو – سنغافورة – جاكرتا ومافيه احد رايح لكولمبوا المهم ركبنا وبعد الاقلاع قال الكابتن الان بنرش بخاخ معقم عشان بنمر كولمبوا :thumbdown ههه خويي التفت علي وقال اجل سياحة في بلاد الشاي قلت يارجال وسع صدرك هونها وتهون قال الدعوة فيها امراض ،، قلت لا ما عليك الا العافية المهم بعد ما وصلنا كولمبو ؟؟؟ ؟؟؟ ؟؟؟ ؟؟؟
" تابع الجزء الثاني " ( عذراً اول مرة اكتب وتعبت )


رحلتي الى سريلانكا
التعليقات (9)
KABAYAN
KABAYAN
هلا بك اخوي ibraheem445
وش دعوة يا خوي شوقتنا الين الوصول ووقفت ،،،
بداية ممتعة و أن شاء الله يكون فيها صور و حنا بأنتظارك لا تتأخر
تحياتي
كبيان

big_evil77
big_evil77
مشكور اخوي
ومنتظرين الجزء الثاني
بفارغ الصبر

سكوربيون
سكوربيون
الحمدلله على السلامه يا ابراهيم
ههه
والله رحلتك مشوقة
وننتظر الجزء الثاني
وشكرا لك

الأنيق
الأنيق
الحمد لله على السلامة ومنتظرين البقية

AlSahab
AlSahab
بسلموا والله يا ابو خليل
صراحه مع البدايه دعني اسجل اعجابي باسلوب سردك لا هذا وانت اول مره تكتب بعد
المهم عجل علينا وانا لدي احساس ان الرحله مليئه بالمفاجأت ... والتي هي ملح السفره العزابيه
اتمنىان نجد منك التفصيل والاسهاب
تقبل ارق تحياتي
اخوك ... السحاب

ibraheem445
ibraheem445
  1. نزلنا طبعا من الدرجة الاولى اول ناس ورحنا نركض للجوازات قبل الزحمة

  2. قلت افاا

  3. سالت ثاني قال زهراني ما يداوم اليوم ولا يجي للمطار

  4. التفت انا ورفيقي على عطالله وقلنا له نمشي قال تم ،


نتابع الجزء الثاني بعد حمد الله
المهم وصلنا لمطار كولمبو وكل المعلومات اللي عندي تقول ان الاخ زهراني موجود في المطار ،،

نزلنا طبعا من الدرجة الاولى اول ناس ورحنا نركض للجوازات قبل الزحمة

وصلنا عند حق الجوازات الغبي والناس كلها تختم وتدخل وحق الجوازات الى الحين يدقق يقول لي رفيقي وش السالفة الناس راحت وحنا واقفين ، ،
بعد شوي قال الموظف " اوو سعودي ريتش ماان " قلنا اقول ورا ما تخلصنا الناس وصلت وحنا تونا المهم ختم واخذنا العفش بعربية طبعا ونمش وكل خطوه اوقف واسال وين مكاتب السياحة وكلهم يقولون قدام المطار فيه تحويلات ( تذكرني في مطار ابها )
المهم مشينا قدام بدت الزحمة وانتهت التحويلات جت البنوك صرفنا من عندهم جت المكاتب ؟؟؟
التفت خويي وقال لي ما تخلي حركاتك وش الحل قلت الله يسلمك ادامي ادور على .... ادخل مع راعي ذا المكتب اللي غاثن من خلصت التحويله وهو ناشب فينا ادخل واسال كنك فاهم ،،
المهم سالت واحد قلت وين مكتب زهراني ؟
قال ما اعرفه

قلت افاا

سالت ثاني قال زهراني ما يداوم اليوم ولا يجي للمطار

والله النشبة ما نعرف في هالديرة الا هو ،، رجعت لرفيقي وجلست معه واقلقنا ذاك السيرلانكي هو يعرف انقليزي كويس ورفيقي يعرف كويس وما عرفنا نتفاهم معه المهم جاء خويه يعرف عربي وبدا يتفاهم معنا وبعد ما خلص ونظم لنا برنامج قال هذا يكلفكم تسعة ايام 2000 دولار بس قلنا كويس رخيص انت اقول لا يكثر حنا نعرف في هالديره ونعرف اسعارها وبعد المفاوضات نزل الظاهر نص السعر ،،
المهم قلت لرفيقي امش نطلع طلعنا واخذنا عربية العفش مشينا شوي قال رفيقي انت وجهك وافكارك اجل سيرلانكا وزهراني وسياحة ورخص .
قلت وسع صدرك وتنفرج
التفت علي وقال ما كتب ابو عمر في المنتدى رقم زهراني
قلت الا ( بغا يذبحني )
دق عليه ياغبي
طلعت الجوال ودقيت رد ابو الشباب
الوو زهراني
يسس
وينك الله يقلعك
انا نفر سعودي يجي سيرلانكا انا موجود مطار كولمبو انت وين ؟؟؟
قال انا مكتب من اللي جنبك قلت فرانك ،،
" فرنك هذا هو اللي يعرف عربي وجاء يقنعنا ناخذ برنامج سياحي من المكتب الاول واذكر اني سالته عن زهراني قال هذا بعيد مافيه يجي مطار "
قال زهراني عطني فرنك المهم كلم فرنك وتفاهم معه انه يجيبنا لمكتب زهراني المهم خلال دقايق طلعنا من المطار شوي وقفت ذيك الكورلا بوكس دركسون يمين ؟؟ ركبنا
ورحنا عند مكتب زهراني رقينا ذاك الدرج المكسر طبعا ما انسى ذاك الكلب الواقف عند الدرج اللي جلسنا ساعة انا ورفيقي نحتريه يوخر عن الدرج جلسنا عند زهراني في المكتب الخاص داخل طبعا المكتب كله متر في متر ونص وفيه على الاقل خمسين سيرلانكي انا الى الحين افكر وش يسوون هناك
جلسنا اخذ زهراني علومنا وعرف اننا دلوخه ما نعرف شي وقال هذي فرصتي المهم جلسنا عنده ثلاث ساعات كامله بدقائقها وتوصلنا الى الاتفاق التالي
( ادري انه ملعوب علينا لكن وما حيلة المضطر الا ركوبها )
الاتفاق هو : سيقيريا يوم كاندي يومين نوراليا يوم سفاري يوم البحر ( دامبولا) يومين ،،
اهم شيء السيارة مكيفة والغرف اللي نسكنها مكيفة والفنادق نجمة او نجمتين مع السواق طبعاً .
السعر (625) دولار
يمكن البعض يقول رخيص لكن الفنادق اللي سكنها او بالاصح الغرف المفروشة توضح انه ملعوب علينا ،،
المهم السعر هذا بعد المكاسر وحذف يومين هي كانت تسعة ايام وصارت سبعة ايام المهم زهراني عطانا سواقنا قلت لزهراني مسلم قال ايه قلت وش اسمه قال عطالله

التفت انا ورفيقي على عطالله وقلنا له نمشي قال تم ،

نزلنا قبل ذلك تذكرت قال فرانك لزهراني انا اللي جبتهم قال لنا زهراني هو اللي جابكم
قلنا له لا هو يقول ان مكتب زهراني بعيد وزهراني ما يجي للمطار المهم الظاهر انه ما اخذ ولا حق التوصيل من المطار ، المهم طلعنا من المكتب رايحين لسيقيريا طبعا المسافة 5 ساعات وحنا نبي نمسك الخط السريع الا نمر على ماكدونالدز قال رفيقي خل نرجع ناكل قلنا عطالله ديور نبي المطعم ام الاصفر ونزلت وطلبت من المطعم طبعا الموسيقى تفقع الراس في المطعم ميب موسيقا برنامج ازعاج عشان ما احد يطول بالمطعم المهم عشان اختصار الوقت قدامنا خط سريع 5 ساعات ناخذ سفري ركبنا ومعي طبعا اكل للسواق عطالله المسلم وشغل عيا الباص لايشتغل ؟؟؟؟؟؟؟؟ جرب مرة ثانية عيا ؟؟؟؟ بداية موفقة المهم السواق مامعه جوال اخذ جوالي ودق على زهراني وقاله السالفة قال الحين اجيكم المهم وحنا نحتري زهراني اشتغل الباص ومشينا وطلعنا من المواقف وطفا مرة ثانية المهم جاء زهراني وعطانا باصه (الخاص ) مظلل ومكيف ومسجل وحركات خلنا اجل خيره التفت رفيقي وسالنا السواق سيقيريا وش فيها قال الصخره الكبيرة قلنا شفناها بالصور وش فيها غير قال ما فيه شيء
التفتنا على بعض والتفت بعض علينا وقلنا اقول قوو كاندي قال نوو الجدول حقكم سيقيريا قلنا الوقت متاخر وكاندي اقرب يعني 4 ساعات المهم اقتنع ورحنا كاندي وصلنا الساعة 6م ،،
0((نتابع الجزء الثالث ))0

ابو مبارك
ابو مبارك
المهم ركبنا وبعد الاقلاع قال الكابتن الان بنرش بخاخ معقم عشان بنمر كولمبوا ههه خويي التفت علي وقال اجل سياحة في بلاد الشاي ههه
الحمد لله على السلامة اخوى ibraheem445
وسرد رائع وننتضر البقية

big_evil77
big_evil77
مشكور الف شكر علي الجزء الثاني
وبرضو مستنين الجزء الثالث
بس بسرعة
ويعطيك العافية

ibraheem445
ibraheem445
  1. نتابع الجزء الثالث ،، واشكر الجميع على مرورهم ،،

  2. قلنا تعال ، قال : بس شكرا

  3. ويوم مشينا اكتشفنا انه بوذي وسميناه من عطالله الى علف ،))

  4. واذكر ابوعمر موصيني عليها قلنا قوو الفنت


نتابع الجزء الثالث ،، واشكر الجميع على مرورهم ،،

وصلنا كاندي الساعة ستة ورقينا ذيك الطلعة اللي كان اخرها فندقنا الكريم ابو نجمتين ** :bounce8: وقف السواق عطالله ونزل يكلم الرسبشن ومن الوناسة ( الوناسة جت لأن لنا في الخط 5 ساعات تقريباً )
نزلنا معه لفندقنا الكريم ولك أن تتخيل شكلنا أخي الكريم عندما قال لنا موظف الرسبشن أن حجزكم غدا اليوم الفندق فل :111: ( يا حرام واصلين سيرلانكا ترى الساعة عشر صباحاً والحين الساعة 6 م ومادخلنا الفندق) المهم قلنا للسواق وش السالفة قال ازهلوها عندي لكم فندق ثاني دزينا للفندق الثاني ونزلنا والحمد لله استقبلونا استقبال حافل :x1: وشال شناطنا عامل نظافة وحارس الامن المهم دخلنا الغرفة طلعت لا بأس المهم بخششت العمال وقلت ابي نغير الغرفة قال ما اقدر لكن بحاولك ما تمت دقيقة الا وهو يطق الباب قوو وين ؟؟
قال غرفة ثانية
قلت لرفيقي شفت الذيب
رحنا لغرفة ثانية افخم واحسن من الاولى ( طبعا افخم بالنسبة للاولى )
ولله الحمد نمنا بدون عشاء الساعة 8 تقريباً
ما تمت 3 الا وحنا نتمغط :36_1_33: رفيقي يقول قمت قلت لا وانت قال حتى انا
المهم قمنا وصلينا ،،،
(( نسيت اقول لكم السواق عطالله وحنا بالطريق لكاندي قلنا وقف بنصلي ما صلينا وقف في مطعم توضينا وقلنا تعال بنقيم قال هاه

قلنا تعال ، قال : بس شكرا

ويوم مشينا اكتشفنا انه بوذي وسميناه من عطالله الى علف ،))

جلسنا شوي تمت الساعة 6 طلعنا نتمشى بالفندق خاصة الجوو حلو مرة في كاندي :097: تمشينا رحنا المطعم قال الوعد الساعة 7 رحنا المسبح ما لقينا احد المهم بعد الفطور قلت لرفيقي وين علف قال مواعدينه 8 قلت تخيل يسحب علينا والله لا مكتب نعرف ولا ديره ولاهرج ولا حرف :baaa2: :
قال رفيقي هذا هو جاء ركبنا قال وين ؟؟
قلنا انت الدلولة ودنا نتمشى قال تبون ألفنت ؟؟
قلت لرفيقي وشي الفنت ؟ قال فيلة قلت وش نسوي بالفيلة قال تتفرجون وتركبون وفلة حجاج قلنا ادام الدعوة فيها ركوب

واذكر ابوعمر موصيني عليها قلنا قوو الفنت

المهم مشينا والناس زحمة رايحة مدارس اللي على رجلينه واللي على توك توك واللي بباص المهم الناس كلن في حاله
المهم مشينا خمس دقايق عشر دقايق ربع ساعة قلت علف وين انت مودينا وين الفنتك قال ما بقى الا ساعة ونوصل قال رفيقي وجع :112: قلت يارجال وسع صدرك نتمشى ونتفرج وين تبي ؟ المهم بعد ساعة وصلنا نزلنا قال الحارس قصوا تذاكر يارجال اي تذاكر قلنا كم قال الدخول بألف روبية ( 40 ريال تقريباً) قلنا عمى غالي حديقة الحيوانات بالرياض ارخص المهم كاسرناه عيا قلنا طيب كم فيل عندكم قال خمسة ،، قلنا الاف شاملة الركوب قال ايه قال خويي يله ضربنا المشوار خل ندخل المهم دفعنا ودخلنا الا ونشوف ذيك العجوز الاوربية راكبة فيل وخايفة وخذ ياضحك عليها المهم قلت ابي اركب قالوا بعد شوي يفضى واحد ونركبك ركبت وصار حلوو الفيل قلت لرفيقي اركب قال لا ، علف اركب قال لا قلنا ليش ؟ قال خايف :icon_lol: المهم طلعنا قلنا هاه وين علف قوو ناو قال فيه 61 مدري 67 فيل قلنا قريب قال ايه بس ساعة الا ربع قلنا اقول ارجع كاندي وخلك عاقل نفس الي بحديقة الحيوانات الرياض بالضبط رجعنا كاندي
وقلنا وش فيه بعد قال خلاص قلنا بس كذا كاندي قال لا باقي الحديقة بوديكم بكرة ( الحين الساعة 10:30 تقريباً ) قلنا والحين وين نروح قال للفندق قلنا وش نسوي ،، قال تريحون قلنا لو نبي الراحة ماجينا هنا قوو الحديقة المهم دخلنا الحديقة وانواع الباصات الكبيرة عند الباب انواع طلاب المدارس هناك بس الحديقة كبيرة وحلوة مرة مرة مرة مررة مرة :smile125:
( عفوا تصويرنا للحديقة بايخ واذكر شفت في مواضيع غيري تصوير روعة للحديقة )
المهم وحنا بالحديقة لاحضنا اننا وحنا نمشي نمر من عند بعض الشجر يكون تحتها واحد وصديقته واذا مرينا ارتبكو وتباعدوا عن بعض شوي المهم كننا مانشوف ومرة ثانية نفس الموقف المهم الحديقة كثير فيها زيك كذا والظاهر عندهم اعتقاد ان الحب ينمو في الحديقة او شيء زي كذا
المهم جلسنا نخطط انا ورفيقي وين نروح بعد الحديقة لأن علف ما عنده ولا مكان يبينا نروح للفندق وبعد التشاور واخذ المشورة اتفقنا اننا نتغدى في بيتزاهت اللي مرينا امس من عنده وندعس على نوراليا الجميلة قلنا لعلف رح لبيتزا هت اكلنا وكالعادة صكت روسنا الموسيقى المزعجة في المطعم طلعنا من المطعم قلنا لعلف ادعس نوراليا قال لا الحين انتم حذفتوا يوم سيقريا يعني بتمشون من كاندي بعد يومين على حسب الجدول ::::
المهم تهاوشنا حنا واياه قلنا وش نجلس نسوي ،، قال اجلسوا في الفندق
كلمنا زهراني وقلنا له حنا شفنا كاندي وتمشينا ونبي نمشي الى نوراليا قال خذو راحتكم واستمتعوا باجازتكم
قلنا دارين بس علف عيا :36_11_13: :36_11_13:
قال عطني اياه اكلمه المهم كلمه وفهمه :36_13_1:
رحنا الفندق واخذنا الشناط ومشينا نوراليا
(( نتابع الجزء الرابع بعد الفاصل )) :36_15_17: :36_1_50: :36_7_9:
بسوي فيكم الف ليلة وليلة :sofa: في ذا الرحلة لكن ارجوا المعذرة :36_11_3:
والصبر مفتاح الفرج :36_13_5:


خصم يصل إلى 25%