عنود الرفاع
16-12-2022 - 11:39 am
مرحبا بالجميع
الرحله الى امريكا كانت امنيه قديمه جدا بس الله ماكتب لي هالروحه الا الحين
وسبحان الله التخطيط لها صار بسرعه وتم تقديم الفيز والحمدلله وبدا التخطيط في اقل من شهرين تقريبا من خلال منتداي العزيز وخبرات الاعضاء اللي ماقصرو معاي واكيد اولهم اخوي العزيز امباكت اللي احب اشكره وايد على نصايحه وتقاريره الممتازه والشكر موصوول
لاختي هدي عبدالله والاخ نجم البوابه الامريكيه فهد و اخواني boshhayeb و abuasm
ويعذروني اللي نسيتهم واستفدت من تقاريرهم
طبعا المده كانت قصيره 21 يوم قسمتها بين الشرق والغرب خاصه ان عيالي مو معاي يعني اللي معاه اطفال ينسى يروح هالمسافات ههه في هالمده القياسيه حاولت اشووف ااهم الاماكن في كل الولايات اللي زرتها
يعني هالسفره كان القصد منها اخذ فكره عامه
الطيران كان
البرتش ايرويز
الطياره كانت من نوع الجامبو وتقيمي لها;
الطيران ممتاز
دقه المواعيد 9/10
الاكل 6/10 لاتدخلون الطياره وانتو جوعانين
المعامله 7-8-9 من 10 حسب المضيفات بعضهم عنصريات شوي
الراحه 9 /10
وهاذي صور الرحله
وعطونا هالهديه من منتجات elemis
وهذا محتواها
الرحله من البحرين الى لندن كانت حوالي 7 ساعات وطرنا بالليل متاخر فنمت وماقدرت اكل شي الا بعد ماصحيت عطونا وجبه خفيفه صورتها لكم
بعد ماوصلنا مطار هيثرو خذت لكم هالصور للسوق الحره وباين محل هارودز حبيب الكل عالسريع وحنا رايحين القاعه
رحلتي الى امريكا
رحلتي الى الولايات المتحد
وبعد انتظار 3 ساعات وتنقلات من مبنى الى اخر وصل وقت رحلتنا الثانيه وكانت الوجه الى :
.
.
.
.
.
.
.
.
.
.
.
.
.
.
.
.
مدينه التفاحه الكبيره نيويورك ستي