الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أم الياسمين
15-10-2022 - 09:55 am
الأعضاء الكرام
احتاج المساعدة في معرفة المحلات اللي تبيع عبايات كويتية ( على الراس ) مو الكتف نوعية زينه وخياط زين واسعار معقوله
ارجو توضيح اسم المحل والمنطقة الموجود فيها او اسم الشارع والعبايات في حدود كم ؟؟؟
شاكرة ومقدره لكم تعاونكم


التعليقات (8)
أبــوعبدالله
أبــوعبدالله
أم الياسمين
أختى الفاضله حياكم الله بين أخوانكم وخواتكم تفيدون وتستفيدون بالنسبه العبايات تحصلين فى مجمع العربيد
فى الفروانيه
وإذا عن التفاصيل الاسعار بشوف أم عبدالله وأرد عليج
لنا عوده أن شاءالله

shjen
shjen
عبايات الراس موجوده فقط والافضل في سوق المباركيه عند محل السعيد او القطان اللي بجنب محلات الصيرفه روحي اهناك بتلاقين اكثر من محل عنده اما الفروانيه متخصصين بعبايات الكتف

انصارى
انصارى
أختى الفاضله حياكم الله بين أخوانكم وخواتكم تفيدون وتستفيدون بالنسبه العبايات تحصلين فى مجمع العربيد
فى الفروانيه
وإذا عن التفاصيل الاسعار بشوف أم عبدالله وأرد عليج
لنا عوده أن شاءالله
سلمت ايدك منقذنا.. ابو عبدالله العربيد في الفروانيه خاص للعبي والملافعوالاسعار من 20 الي 40 دينار...

أم الياسمين
أم الياسمين
أخواني أبو عبدالله و shjen و انصاري
شاكرة ومقدرة ردودكم السريعة وتجاوبكم
سلمتم مع أطيب تحياتي ،،،

بيت الكويتى
بيت الكويتى
افضل محلات للعباءات بالكويت:
الوشاح الذهبى
حناين (بالنقرة الشمالى منطقة حولى)
بدون اسم (الافنيوز)
الفيصليه(الجابرية)
المحجبة(الافنيوز)
العباية الشرقية(المهلب)

ولد خمس نجوم
ولد خمس نجوم
محل المشعل مجمع النمران الفروانية
أو بدون اسم

أم الياسمين
أم الياسمين
بيت الكويتى
شكرا على الرد بس حبيت أتأكد انهم يبيعون عبايات على الراس لأني ما ابي عبايات الكتف ؟؟؟ لأن اللي اعرفه بدون اسم والمحجبة حناين ( نفس اللي عندنه في البحرين ما يبيعون على الراس او انا غلطانه ؟؟؟
مع أطيب تحياتي

اصول2
اصول2
أم الياسمين
نورتي الكويت حبيبتي مالج الا عبايات السعيد اللي بالمباركية يم الصرافين اسعار حلوة وشغل مرتب وماراح تندمين بالنسبة لعبي الراس آنا شارية منهم


خصم يصل إلى 25%