فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Black Tulip
24-08-2022 - 02:16 pm
موضوع للنقاش
لمن عنده تجربة سابقة ولمن تراوده الفكرة ولم يجرؤ حتى الآن على تنفيذها _ مثلي _
السفر مع الأطفال ممتع صحيح لكن يقيد الوالدين
خاصة لو كانوا بسن صغيرة بحيث يصعب تركهم لوحدهم
أفكر أجرب خدمة ال بيبي سيتنق المتوفرة في الفندق ولكن الخوف من المجهول يمنعني
خاصة ان اطفالي من النوع اللي ينامون بدري + بعض الأماكن لا تناسب الأطفال او انهم لا يفضلون الجلوس لوقت طويل في مطعم او مقهى
أحيانا افكر ان اترك لهم رسالة وجوالي واطلب منهم ان يتصلوا علي !
بس تظل فكرة تركهم لوحدهم في مكان كالأوتيل ولو لساعتين كحد اقصى مرعبة بالنسبة لي
مع ان ممكن اروح وارجع ولا دروا عني !
أحد فيكم جرب يعملها في السفر ؟
ياليت يحكي عن التجربة ..
قد تعطيني بعض الشجاعة لأفعلها


التعليقات (8)
um.abody
um.abody
والله رايي مافيه شي يحدك تخليك اولادك مع بيبي ستينق
مهما كان ماتدرين وش يصير وانتي المسؤله
لو في بيتك وخدامتك اللي انتي ضامنتها وبديرتك مو حلو تخلين صغار معها لا لضروره ي الدوام
فما بالك برا وناس ماتعرفينهم
ياخذيهم معك ولا بلاها السفره
انا هذا رايي لاتفرطين بعيالك

missed daad
missed daad
^^^
صح
بلاشي السفررا الي بتضييع اولادي ,,,
نصيحه لاتحطين الفكرا في بالك >>ماادري اصلا كيف جاات الفكراا
بس عيالك امانه في رقبتك وكمانا براا مرا لا لا لا
موفقه

فيصل
فيصل
عيالك بالفندق أمان
لكن هل قلبك يطاوعك
ألرجل يمكن يسوويها صراحه لكن الأم مدري
تدرين اهل مكه ادري بشعابها
جربي مو من اول ليله اذا تبين علشان المكان ما يتغير عليهم ولا يتوحشون
وياليت عقب تعب تجربينهم وانتوا خذوا راحتكم

bsafer
bsafer
والله انا رايي جيبيها يوم و خليك معاها اذا حسيتي انك ارتحتي و لا عندك قلق من ناحيتها و حسيتها تحب الاطفال و تعرف تتعامل معهم ليش لا!!
الحين الخدامه الي عندك في بلدك ما تدرين عنها مثلها مثل الي من الفندق يعني وين المشكله!
بالعكس عندهم يمكن اضمن و احسن لان عندهم امانه و خوف من العقاب مو مثل خداماتنا الي نجيبهم من الشرق و اغلبهم جاينا و كلهم حقد و كره
جربيها يوم و انتي معها بالفندق و خلي احساسك هو دليلك و استخيري...بعدين صحيح ان عيالك امانه بس انتي ما سويتي شي يضرهم او خطر عليهم انتي دفعتي و جبتي شخص مسؤل يقوم بنفس مهمتك بالعكس هي تكون افضى منك و وقتها كله لهم...انا ما اشوف ان هذا فيه تقصير بالعكس هذا نوع من الاهتمام التقصير لو كانو لوحدهم بالاوتيل

Black Tulip
Black Tulip
  1. مع ان ممكن يحصل وهي معهم

  2. عشان كذا فكرت اترك لهم تلفوني واكتب لهم رسالة يتصلون علي


للتوضيح : انا اقصد جليسة خاصة بالساعات ولا اقصد الكيدز كلوب اللي ممكن يكون متوفر في الأوتيلات برسوم
لو كان كيدز كلوب واقتنعوا _ اهم شي ! _ ممكن اتركهم وانا متطمنه بعد !
لأن هذا سيرفس يوفره الأوتيل وفي مكان مجهز للأطفال
لكن اللي اقصده اني انومهم واطلع
لوقت لا يزيد عن الساعتين كحد اقصى ..
الأخوات أقدر مشاعركم وقلب الأم ما يتحمل وادري اني ممكن اروح ولا انبسط طول الوقت بالي مشغول ..
الأخوان .. يعجبني تفكير الرقاله
ستريت ودايركت وبدون مشاعر
متفقه معاكم ان الخدمة ما دامت متوفرة في الأوتيل فهي راح تكون ممتازة لأني ما راح اكون ساكنه في اوتيل عادي اوتيل معروف 5 ستارز عشان كذا السيرفس لازم تكون ممتازة ..
والأخ بسافر اتفق معاك ميه بالميه بخصوص الخادمات في المنزل انا اش يدريني عنها وعن نيتها !
انا _ لو حصل _ لازم اقابلها من قبل ما اتركهم معها واتكلم معها هذا شي مفروغ منه
بيكون وجودها خلال نومهم تحسبا لأي طاريء والطاريء هنا انهم يصحون ويستوحشون

مع ان ممكن يحصل وهي معهم

عشان كذا فكرت اترك لهم تلفوني واكتب لهم رسالة يتصلون علي

عموما اطفالي مش رضع هم بالمدرسة والفكرة مجرد فكرة لحد الآن ممكن اوصل هناك ولا تجيني الجرأة اني اسويها بس لأني الحين وانا ما بعد سافرت افكر في كذا مكان نفسي اروق فيهم لو ساعة بدون اطفال والسبب انهم ينامون بدري ولا ابغى اسحبهم بالليل بالبرد
شاكرة لكم تفاعلكم ولازلت ارغب بسماع المزيد من الآراء وخلونا نستفيد من خبرات بعض ..
ياليت يشاركنا احد سبق وجربها !

فيصل
فيصل
شكلك ناويه وتبين بس أحد يجزمك شويه
والله صراحه حاس بكلامك تبون ساعه بهدوء
ان شاءلله تفلونها وتنبسطون
ما أتوقع أحد جربها خ

مسافره 27
مسافره 27
مدري احسها مغامره من جد
الافضل تركهم عند الاهل ان امكن اريح لك ولهم
عموما المساله على قلب الام ولاتزعلين من كلامي
اختي مثلك سافرت ماليزيا العام الماضي ومعاها اطفال ومن كثر التنقلات اضربوا عيالهاعن الطلعات
تقول صرت اتركهم في الفندق واطلع وما اطول ساعتين بالكثير وارجع واقول لهم اي احد يطق الباب لاتفتحوه ولاتتكلموا
وعدت بسلام لكن موكل مره تسلم الجره
لو انا مكانها قطعت السفره ورجعت والا قضيتها طلعات خفيفه ولا اترك عيالي بروحهم او مع احد غريب
استخيري والله يكتب لك الصالح

The universal
The universal
والله ياقلبي انا سافرت كذا مره طيب وتعرفت على ناس ماشاء الله يطلعون من الصباح يتنزهون هم وعيالهم وخدامتهم معاهم واذا جاء المغرب رجعو للأوتيل وحطتهم بالسويت الخاص فيهم وطلعت هي وزوجهاا يعيشون اجواءهم الرومانسيه المليئه بالهدوء ..
بس بالنسبه لي مستحيل اسويهاا لسببين :
الاول: ابنائي في ذمتي بمجرد اي اصابه تجيهم لو زكام فبال شي اكبر من كذا
ثانياا:قلب الام مايقوى على هالشي


خصم يصل إلى 25%