مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
a7lawld
17-12-2022 - 05:33 am
  1. انا سجلت خصيصا عشان هالموضوع ورجائي منكم المساعده


السلام عليكم ورحمه الله

انا سجلت خصيصا عشان هالموضوع ورجائي منكم المساعده

انا بحول الله مسافر للفلبين يوم الثلاثاء 26 اكتوبر .. ولقيت الحجز على الخطوط الفلبينيه ب 2570 وعندي شويه استفسارت بسيطه ودي تساعدوني فيها لان مامعي وقت الله يعافيكم
  • بالنسبه للسكن .. انا ماحجزت .. لكن الكثير من اللي راحو قالوا اول ماتوصل المطار اركب التاكسي واطلب منطقه مقاتي وبتلقى فنادق بالهبل .. ف ما ادري ابغى اسماء معينه لفنادق 4 نجوم تكون امنه ونظيفه لو سمحتو
  • الامر الاخر .. حنا اثنين .. وحاطين ميزانيه تقريبا عشر الالاف من دون تذكره الطياره .. وبنجلس 15 يوم .. هل هالمبلغ يكفي .. انا مابي اسكن في فنادق غاليه .. 4 نجوم كويسه .. وتكون امنه ونظيفه .. طبعا مع باقي الامور الثانيه .. الطلعات والروحات والجيات والسهرات وكل شي .. هل 10 الالاف تكفي شخصين لمده 15 يوم
  • بالنسبه للمناطق اللي اروح لها .. انا ما عندي فكره الا عن مانيلا وبوركاي .. هل فيه مناطق ثانيه تستاهل اروح ..

يعني مثلن مانيلا وش الاماكن السياحيه الحلوه اللي فيها .. وسبق اني سافرت تايلند وكان نظامي لاحجزت فنادق ولا شي ولقيت شي حلو ورخيص هناك .. وحتى البرامج والرحلات السياحيه اخذتها من مكاتب سياحيه صغيره اللي تلقونها منتشره في كل مكان وباسعار ممتازه
هل الشي ذا متوفر في الفلبين .. يعني اروح لمكتب سياحي واسأله وش البرامج السياحيه عنده .. وبالنسبه لل 15 يوم وين اقضيها .. يعني مانيلا مثلن كم يكفيها .. وبوركاي .. وغيرها ؟
  • الامر الاخر .. كيف الاجواء عندهم اللحين .. حر والا برد .. يحتاج نكثر ملابس والا بنلقى كلش رخيص هناك لاني من النوع اللي املى الشنطه ..

اللي عنده شور والا فكره يمحط بها هنا بعد اذن المشرفين .. انا والله التقارير منيب احبها لان فيها صور وتعقيد وكلام كثير انا في غنى عنه .. كل هالامور ودي اخذها من هناك وامخمخ على راحتي
الله يخليكم تردون علي بسرعه وبتفصيل عشان اجهز اموري ولكم جزيل الشكر
فيه امر مهم .. لقيت موقع حلو للحجز .. بس السعر مكتوب وجنبه usd .. وش معناته بأي عمله ذي يعني


التعليقات (5)
alsafeer&Klchenk
alsafeer&Klchenk
اخوي بتوفيق لك فى سفرتك .. ارجو تدقق فى المشاركات السابقة وراح تكون عندك الفكره المناسبة يعني لزم تتعب شوي لزوم السفر وبنسبة للميزانية ما التوقع لشخصين راح تكفي يعني حاول تزيد المزانية شوي وشيء الثاني لا تتعب عمرك مع مكاتب السياحة ففى المنتداء ما يكفي لمليون مكتب سياحي .. وبنسبة للعملة هذي هى الدولار الامركي.
ارجو ان توفق فى رحلتك وترجع بالسلامة ..... ولا ننسئ الدعاء لك
اخوك . السفير & كلشنك

saammm911911
saammm911911
تروح وترجع بالسلامه
بصراحه ميزانيتك ماتكفي علي فنادق اربع نجوم و15 يوم انا اول مرة ابروح للفلبين في تاريخ 25 اكتوبر قبلك بيوم الي 5 نوفمبر وحاجز فندق 3 نجوم 85 دولار والفلبين حلوة تصدق لي شهر وانا اقراء في المنتدي الجميل واستفدت اشياء كثير ة علما اني مو طالع من مانيلا والمكاتب احسن لك لا تروح لها انت خلص امورك بنفسك احلي ....

حمودي حماده
حمودي حماده
a7lawld
عندك موقع اقودا افضل الاسعار راح تلاقيها فيه ...ولك جزيل الشكر ووالطيران الداخلي سيبو باسيفك من الارخص والافضل
ارجو اني افدتك
حمودي حماده ..........سكر زياده

sab1380
sab1380
تروح وترجع بالسلامه اخوي .ماقصرو الاخوان افادوك بارك الله فيهم.

سفير البدو
سفير البدو
ياشباب الرجال ماعاد عنده وقت يقرأ في المنتدى ويجمع معلومات من كل المشاركات. انا من رأيي تساعدون الرجال وكل واحد بالمعلومات اللي يشوف انها بتخدمه على الاقل الاماكن اللي يروحها والسكن, غيرها كل شيء ممكن يجي من غير ترتيب مسبق. وعندك الموقع هذا ممتاز جداً يعطيك مقارنة بين أسعار كل مواقع الحجز من الارخص الى الاغلى: http://WWW.hotelseeks.com
من وجهة نظري شوف لك فندق في مكاتي لان المنطقة نظيفة ومرتبة وقريبة من كل الخدمات.
شوف وانا أخوك الافضل تحجز السكن على الاقل اول يومين ومن هناك ممكن ترتب أمور سكنك ,اذا شفت الاسعار اللي تناسبك. بالنسبة لمانيلا اشوف يكفيها 3 أيام في اول السفرة و3 في آخرها وباقي الايام طقها من وين ماتبي.
زي مانت قلت بوروكاي وغيرها بالاوان وسيبو وبوهول وغيرها كثير, مناطق حلوة وتستحق الزيارة


خصم يصل إلى 25%