فرانكفورت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
zezo0500
12-04-2022 - 11:26 pm
بعد التحية
تكفون ابغى الفزعة منكم فيه عندي نية أن شاء الله لأوروبا الصيف القادم
ونبغى نسوي برنامج حليو كم دولة بجنب بعض
وأبغى منكم بعض الاستفسارات
ماهي العوصم الي أقدر أزورها من فرانكفورت بالقطار أو الباص يعني مثل بروكسل عاصمة بلجيكا
أو أي دولة أخرى أقدر أجيها من فرانكفورت من الدول المجاورة لها وتكون المدة والمسافة معقولة
وكم المدة تقريبا بالقطار او الباص أن أمكن


التعليقات (5)
ALI_Q8_77
ALI_Q8_77
هلا فك اختيار فرانكفورت ذهاب وعوده .. يقلل من فرص عمل اكثر من جدول ...
ولو افترضنا ان العوده من باريس .. لانك اعتقج تقصد انك تود السفر على الخطوط السعوديه
ممكن عمل الجدول الاتي فرانكفورت ثم بروكسل ثم باريس ...
ولو كانت كما ذكرت فرانكفورت ذهاب وعوده .. ممكن من فرانكفورت الى بروكسل 3 ساعات ونصف تقريبا بالسياره
لكن بالقطار في اكثر من رحله بصراحه وافضلهم الرحله المباشره 3 ساعات فقط وفي تبديل واحد وفي انواع اكثرها واصعبها 4 تبديلات والمده 5 ساعات ..
عموما ممكن عمل جدول كالاتي فرانكفورت بروكسل دوسلدروف فرانكفورت .. والعوده منها ..
ملاحظه .:
يعتمد كم شخص انتم ؟؟؟ كم مدة السفر ؟؟؟

zezo0500
zezo0500
تسلم أخوي على الرد
احنا الأكيد شخصين شباب وفيه احتمال كبير يزيد معنا واحد ونصبح ثلاثة فقط
فعلا كلامك سليم أحنا ودنا السفر على الخطوط السعودية
والمدة والله لسى ما حددنا بس تقريبا من 12 إلى 14 يوم تقريبا
أنت تعرف هذه بداية التخطيط فعشان كذا الواحد لسى مابنى صورة كاملة عن المدة وترتيب المدن ومن هذا الكلام
أشكرك مجددا على المساعدة

ALI_Q8_77
ALI_Q8_77
هلا فيك ...
اذا كان الذهاب والعوده من فرانكفورت . وشباب ارشح لكم فرانكفورت 4 ايام بروكسل 4 ايام امستردام 4 ايام ثم فرانكفورت يوم والعوده منها بالقطارات .
ولو جعلتوا العوده من مطار باريس ..
يكون المخطط فرانكفورت 4 ايام بروكسل 4 ايام باريس 5 ايام
تحياتي وبنتظارك

zezo0500
zezo0500
يعطيك العافية
وما قصرت
كيف المسافة بالقطار كثيرة والا لا يعني كم المدة تقريبا بالتنقل بين كل مدينة وأخرى
أعذرني
تعبتك معاي شوي

ALI_Q8_77
ALI_Q8_77
ذكرت لك من فرانكفورت الى بلجيكا متنوعه الرحلات
ومن بروكسل الى باريس ساعه ونصف على القطار السريع
ومن بروكسل الى امسترادم بعض الرحلات ساعتين
اما من امسترادم الى فرانكفورت تختلف الرحلات كثير ..
الخط المناسب لكم فرانكفورت بروكسل باريس ..
تحياتي


خصم يصل إلى 25%