النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
chocolate cake
27-12-2022 - 05:25 pm
السلام عليكم و رحمة الله و بركاته
تقريري عن رحلتي الاوروبية الاخيره
في اخر يوليو و اول اغسطس 2010
munich
kaprun
vienna
وقعت في حبهم فعلا
حبيت الأجواء .. الأماكن السياحية .. امتزاج الطبيعة الخلابة و المدن التاريخية العريقة
في هذا التقرير ان شالله راح اتكلم عن الأماكن اللي زرتها و عن رأيي الشخصي في هذه الأماكن
و ان شاءالله يعجبكم التقرير و يكون عند حسن ظنكم
اختكم
تشوكليت كيك - ام فهوودي


التعليقات (8)
ثامر2007
ثامر2007
الحمدلله على السلامة أختي وفي أنتظار التقرير .

chocolate cake
chocolate cake
الرحلة كانت على طيران الإمارات

الكويت - دبي - ميونخ
و الردة
فيننا - دبي - الكويت
اول ما وصلنا مطار ميونخ و خذينا اغراضنا رحنا مكتب
avis

نستلم سيارتنا حاجزينها من الكويت
نوع السيارة : مرسيدس
اهني سافطة بالباركينق

و بعدها حطينا عنوان الفندق
anna hotel

طبعا الفنادق كانت من اختياري سويت search و على الأسعار و الاهم من هذا موقع الفندق لانه بالنسبة لنا جدا مهم
و الحمدلله الفندق الاول كان اختيارنا فيه موفق
موقعه استراتيجي
غرفته زينة و مريحة
ليلته كانت 65 او 70 دينار كويتي ما اذكر بالضبط بس كان بهالحدود
يستحق هالمبلغ لانه موقعه عجيب
و بالنسبة حق مواقف السيارات في موقف قريب منه حيل تابع لثلاث فنادق قريبه و من ضمنهم (اننا هوتيل) صج كان شوي غالي بس اهم شي انه المكان سيفتي
هذه صور من الطريق إلى الفندق

كان الجو عجيب
غيم و هوا بارد يرد الروح
و هذا ملعب نادي بايرن ميونخ شفناه بالطريج

قربنا يم الفندق

و بعد ما وصلنا الحمدلله حطينا اغراضنا و نزلنا على طول
تمشينا لي المارين بلاتز
و تسوقنا و اكتشفنا المناطق اللي حوالينا

مارين بلاتز

chocolate cake
chocolate cake
طبعا احلى شي الكافيهات
استمتع بالكافيهات الاوروبيه و كانت الاجواء عجيبة ماشالله

صوره ثانية من مارين بلاتز

تمشينا و تغدينا
لين سكر السوق و ردينا الفندق نرتاح من بعد تعب الطيارة و اللوية
سوقهم يسكر 8
اليوم الثاني
قررنا نروح الاوتلت اللي بانجلوشتاد
تقريبا يبعد ساعه عن ميونخ او ساعه الا ربع
رايي الشخصي : انه ما يسوى العنوة
رحناله و ما شرينا الا من محل واحد
ما حسيته انه مميز او فيه شي
ما طولنا و ردينا
كان الجو ممطر عجيب

عقب رحنا معرض بي ام دبليو .. حلو
و رحنا ملعب بايرن ميونخ
اليوم الثالث رحنا انجليش قاردن english garden


تمشينا فيها
و باقي اليوم خليناه حق التسوق
كانت ايام حلوة الجو حده كان حلو اول يومين و كان برد لكن اخر يوم صار حر
و بعد ما قضينا ثلاث ايام في ميونح توجهنا إلى كابرون

سهم..
سهم..
الحمد لله على سلامتكم
ومنتظرين الباقي
الله يسعدكم دنيا وأخرى

ALI_Q8_77
ALI_Q8_77
اختي ام فهودي بدايه جميله وصور حلوه
بنتظار الباقي .. لاتتأخرين علينا
تحياتي لج

ابو نزيه
ابو نزيه
بدايه قويه لتقرير من الطراز الرفيع
صور أكثر من رائعه وننتظر الباقي على أحر من الجمر

عذبة
عذبة
ام فهودي
الحمدلله عالسلامة
وينج .. منتظرين الباقي

أمنيتي السفر
أمنيتي السفر
اهلين ام فهودي
ما شاالله بداية موفقة
والصور جداً رائعة, شنو كاميرتك؟
عندي استفسار:
انتي رحت اليوم الثاني على مااعتقد للتسوق ولملعب ولمعرض بي ام دبليو
انت تشوفينها حلوة كبداية في السفر ؟..


خصم يصل إلى 25%