أرجنتيني للابد
10-08-2022 - 07:58 am
السلام عليكم ورحمه الله وبركاته
ياخواني ان حاليا في باريس تحديدا بالاديفانس فندق ريناسنس الفندق متيمز وعيبه ضيقه الغرقه قليلا
ولكن والشهاده لله فندق رائع وقريب من محطه المترو والاستقبال في اخ عربي
وموظفه عربيه بالامن ساعدوني كثيرا جزاهم الله خير وماقصروا
والافطار رائع بنظري والامن عال العال ولا توجد مشاكل ولا تلتفتوا للاشاعات
الشعب راقي ويساعد الكل رغم انني لا اتكلم الانجليزيه الا كلمات بسيطه
ونصيحه للاخوان اللي يبون يجون في تاكس المطار غالي ب90 يورو ورفضت
وانا خذيت المعلومه من المنتدي ان التوصيل 50 يورو
ولقيت ببوابه 15 تاكسي علي العداد وهو الخير الافضل
يومياتي اليوم او يوم طبعا الباص الاحمر
مرينا ايفل
واللوفر والشانز
وبعد ساعه ان شاء الله ابي اروح اكتشف الشانز ومحلاته
الجو بارد ليلا والصبح مائل للبروده
طبعا الصور
موجوده
وان رديت للكويت باذن الله ارفع وانزل لكم الصور
ولن انسي الاخوان اللي ساعدوني
وابشرك انك راح تنبسط في باريس
وبالنسبة للجيه من المطار 90 يورو مرة غالى
انا في 2009 اخذت قطار الايروير ere
من وسط مطار شارل ديغول الى باب الفندق ب 8 يورو فقط تخيل !!!
رحلة سعيدة و تجى بالسلامة ان شاء الله