السلام عليكم ورحمة الله وبركاته
انا كتبت موضوع من فترة وطلبت فيه المساعدة عن الاماكن بلبنان ... انا الحمد لله رجعت بالسلامة وحبيت اشارك معاكم .
اولا الفندق كان بالم بيتش .. فندق كويس جدا وأسعاره كويسة اوي وموقعه ممتاز بيطل على البحر و علي المرفأ
رحت كمان فينيسيا كتير فخم وشيك أوي بس كلاسيكي شوية .
زرت مغارة جعيتا وركبت التليفريك وبجد المغارة سبحان الله روعة .... والمناظر الطبيعية جميلة جدا ومنظر الجبل كمان
بس لفت نظري غلو أسعار التاكسيات بطريقة فظيعة ... التاكسي من المطار للأوتيل 25 دولار ومن الهوتيل لجعيتا رايح جاي 60 دولار حسيت ان ده سعرة كويس مقارنة ب ال 100 دولار اللي طلبها سواق تاني .
العشاء كان ب grand hotel كان حلو اوي كانت ليلة ظريفة اوي والغذاء كان بموال مطعم لبناني بعد كدة رحنا السوليدير اسعارها غالية جدا بس موجود هناك كل التوكيلات العالمية اليوم التالت كان سوق برج حمود السوق ده اسعارة حلوه جدا جدا والتاكسي اخد 20 دولار رايح جاي واستني لغاية لما خلصنا شوبينج وموجود هناك كل شيء مارحناش الحمرا لان مكنش في وقت ... اللي عايز ياخد تاكسي هناك ويكون سعره معقول يبعد شوية عن الأوتيل وياخد تاكسي قديم شويه بيكون سعرة ارخص ....
رحت ايضا علي صخرة الروشة منظرها اكتر من رائع ... بجد كانت رحلة جميلة