جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نايف الناصر
01-03-2022 - 01:22 am
السلام عليكم اخواني يااصحاب الرحلات الى اندونيسيا
انا ان شاء الله باروح شهر العسل في 11-2-2011 لكن عندي كم استفسار وياليت تساعدوني فيها وكم سؤال ابي تجاوبون عليها لاهنتم
1- ماهي افضل الاماكن للسكن هناك في جاكرتا او بالي او وين بالضبط ؟
2- ماهي افضل خطوط تنصحون اسافر فيها من ناحية الامان ؟
3- ماهي افضل الفنادق للسكن آمنا وهدوءا وتكلفتها متوسطة نوعا ؟
4- هل اجد مترجمين لان اللغة سيئة جدا وماادبر حالي بلغتي ؟ ومدري اذا متوفر ارقام مترجمين ويكون سواق ؟ ولو كان معاي المترجم السواق طول الوقت تقريبا كم بيكلف يوميا ؟
5- تقريبا كم بيكون تكلفة السكن + الاكل والشرب + والسياحة لمدة 15 يوم تقريبا ؟
6- وش تنصحوني اسوي او اخطاء صارت معكم وتفاديتوها عشان مانوقع فيها ؟
7- بالنسبة للسكن هل الفلل ارخص من الفنادق او الفنادق ارخص من الفلل يعني وش تنصحون نستأجر ؟
8- اخذ معاي من هنا فلوس سعودية او اصرفها دولار امريكي او ايش بالضبط الافضل لي ؟ وهل يتعاملون هناك بالدولار ؟
9- وهل تنصحوني اذهب بقروبات او اروح براسي كذا انا وزوجتي ؟
واي شئ زيادة اكون لكم من الشاكرين بانتظار اقتراحاتكم واجوبتكم


التعليقات (4)
ام عزيـــز
ام عزيـــز
السلام عليكم اخواني يااصحاب الرحلات الى اندونيسيا
انا ان شاء الله باروح شهر العسل في 11-2-2011 لكن عندي كم استفسار وياليت تساعدوني فيها وكم سؤال ابي تجاوبون عليها لاهنتم
وعليكم السلام و رحمة الله و بركاته
1- ماهي افضل الاماكن للسكن هناك في جاكرتا او بالي او وين بالضبط ؟
فندق جران ميليا ,, رائع للعرسان - جاكرتا
و سعره بحدود 320 - 360 ريال
2- ماهي افضل خطوط تنصحون اسافر فيها من ناحية الامان ؟
السعوديه و جارودا ميزتها دايركت من جده لجاكرتا
و الاتحاد اكثر رفاهيه ,, لكن ترانزيت
3- ماهي افضل الفنادق للسكن آمنا وهدوءا وتكلفتها متوسطة نوعا ؟
بالاظافه لجران ميليا , فندق ميركوري انشول بجاكرتا
و كلهم اسعارهم متقاربه
4- هل اجد مترجمين لان اللغة سيئة جدا وماادبر حالي بلغتي ؟ ومدري اذا متوفر ارقام مترجمين ويكون سواق ؟ ولو كان معاي المترجم السواق طول الوقت تقريبا كم بيكلف يوميا ؟
ما تحتاج مترجم , اهم شي تاخذ سواق يتكلم عربي
و سعره باليوم 500 - 550 الف روبيه باليوم , شامل البنزين و الضرائب
5- تقريبا كم بيكون تكلفة السكن + الاكل والشرب + والسياحة لمدة 15 يوم تقريبا ؟
انا اشوف من 9 - 12 الف ريال , بدون التذاكر و التسوق
مش أكيد ,,
6- وش تنصحوني اسوي او اخطاء صارت معكم وتفاديتوها عشان مانوقع فيها ؟
اطلع على التقارير , و اكيد بتستفيد من تجارب الاخرين
7- بالنسبة للسكن هل الفلل ارخص من الفنادق او الفنادق ارخص من الفلل يعني وش تنصحون نستأجر ؟
ماله داعي ابداَ تاخذون فله وانتو عرسان , الا اذا كان في بالي تبع منتجع معين
القندق اونس و اكثر امان ,, و لا تنسى تقولهم انك في الهوني مون ,
عشان يقومون معاكم بالواجب ,,
8- اخذ معاي من هنا فلوس سعودية او اصرفها دولار امريكي او ايش بالضبط الافضل لي ؟ وهل يتعاملون هناك بالدولار ؟
اصرف الفلوس لدولارات ,, و اصرف جزء روبيات , مالا يقل عن 3 - 4 الاف ريال
و خلي جزء آخر في الفيزا
9- وهل تنصحوني اذهب بقروبات او اروح براسي كذا انا وزوجتي ؟
نسق انت برنامجك ,, افضل من الارتباط بقروب
واي شئ زيادة اكون لكم من الشاكرين بانتظار اقتراحاتكم واجوبتكم
رحله موفقه
واي استفسار ,, نحن متواجدين
,,

jakartabarat
jakartabarat
أفادتك أم عزيز7 إجابات شافيه وواضحه الله ينور عليك دربك

أبن السعودية
أبن السعودية
أضافة بسيطة جدا جدا لما ذكرته أختنا أم عزيز بخصوص السكن بجزيرة بالي
أنصحك بشاطى نوسادوا وتحديدا بفندق جراند حياة أو فندق الويستن نوسادوا
بارك الله فيك ياأم عزيز وجزاكي الله خير الجزاء ...

الكوكب الطائر
الكوكب الطائر
أم عزيز وأبن السعودية
ماشاء الله عليكم
الله يعطيكم العافيه ماقصرتوا


خصم يصل إلى 25%