روي ات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
qaqw
17-07-2022 - 07:19 am
السلام عليكم
رحنا تايلند لاول مره بهدف التجاره
سكنا بزينيث
وطلعنا لشارع العرب لقينا الشنط التقليد على حسب ما يقولون انها كوالتي 3000الى 5000 باستثناء ليلى تبيع
ب1300 الى 1200 المهم
رحنا لمكان اسمه الباتونام لقينا محل فيه بالدواعيس المهم شفنا جناط من 3000 الى 6000 بعد الخصم
طلعنا ووداني سايق التاكسي الى منطقه لا اتذكر ما اسمها عدل مقابل فندق وبعيده قليل عن شارع العرب
ورحنا للبازار وهم بعد اسعاره من 1300 الى 2000 بس مو نفس اللي شفتهم باسعار 5000 و6000 الصراحه شنط
شنط متعوب عليها
وعلى طريق السريع المهم لقيت بالفين ولقيت شنط على 7000 بات منها مياو مياو الفرو؟!!
طبعا انصدمت باسعار تايلند والاختلاف بينهم بالاسعار
السؤال كالتالي
هل اسعار الكوالتي فعلا تصل الى 7000 بات وال6000 الاف بات
واللي قاعد نشتريه الحين من الف الى الفين الى ثلاثه ليس بكوالتي فعلا
نرجع للبخور سالت عن البورمي
لقيت بمحل يقول انه بورمي النص كيلو ب9000 ومحل ثاني يقول 14000 ومحل ثالث يقول 13000
ليش الاختلاف والفارق الغير بسيط بالاسعار بينهم ؟؟؟
ترا يا اخوان هذي اول رحله لي لتايلند
اتمنى التفاعل منكم يا اخوان


التعليقات (8)
ولد_البحرين
ولد_البحرين
الاسعار مبالغ فيها بالنسبة لشنط كوبي..
لازم تفاصل معاهم ،، بانكوك اسعار الشنط غالية وصعب يخفضونك يعني تشتري ب 1000 الى 1300 يكون مناسب ..
شانقماي الشنط رخيصة طبعا بعد المفاصل كنا ناخذهم ببين ال 500 - 900 وجودة عالية
البخور والعود لازم تشوف احد ثقة او تكون خبرة لانه اغلب البضايع مضروبة وبيغشونك فيها.

qaqw
qaqw
ولد_البحرين
هلا اخوي ولد البحرين
اخوي في شنط 1000 وفي 1300 نفس ما قلت بس كل ما بغيت الجوده لقيت السعر يرتفع معاك
وللأمانه انا شفتها بعيني اخذت وحده 1300 ال في الزقا الكولكشن الجديد اللي تجي ثلاث الوان
ورحت محل ثاني وقتله اخذتها ب1300 ووراني اللي عنده 4000 الصراحه تفرق عن اللي اخذتها عشره صفر
انا اقول اللي شفته بتايلند واحد محلات التقليد الكوالتي قالي اللي عندي كوري وانت الضاهر تبي صيني روح البازار تلقى عنده الصيني

فواز29
فواز29
نصيحه للكل
لا احد يشتري شي من حي العرب سواء فريده علي او فريده حسنين ههه .. والله ابعدوا عن المحلات الي تبيع داخل نانا حي العرب وتكونون بخير نصابين واستغلال
انا شريت شناط ما تفرق بينها وبين الاصليه وثقيله وبداخلها شنطه صغيره تبع الشنطه الكبيره وكلها ماركات مثل شانيل وقوتشي وفيندي ولويس فيتون وخذيت 8 شناط ب 8000 بات فقط
وبرا محصلها اقل شي ب 3000 و4000 وانتبهوا تاخذون من الي يبيعون على الارصفه هالشناط مخيسه وخفيفه ..صحيح شكلها من برا حلو لكن مو عمليه وواضح انها تيرلي ..
المهم الي يبي هالمحل الي شريت منه بعطيه الوصف
يخلي مطعم الخيمه على يمينه ويروح قدام عند الاشاره وبيجي على يمينه مجمع صغير وبداخله ستار بوكس وبرضو برا .. ويطلع فوق للدور الاول وفيه محل بالزاويه اسمه p@p وفيه عجوز اسمها ساره طيبه مره وتعطيك سعر ممتاز ..
اول سعر عطتني ب 3000 للشنطه وكسرت راسها الى 1000 بات ههه

حسن الحمادي1
حسن الحمادي1
فواز 29 شكرا على النصيحة و كلامك صحيح 100 *100 .
تحياتي لك "

mohluv
mohluv
كل شي في تايلند على هالحال
تلاقيه في مكان غالي و في مكان ثاني نفس الشي بسعر مختلف جداً

بو سالم السعدي
بو سالم السعدي
عن الشنط اكثر من 2000 بات لا تاخذ
بس في ماركات بتحصلها اكثر مثال جيفنشي او هرمز
واذا عن ديور وايه اغنر وشانيل وفندي والخ تتراوح ما بين 1000 ولين 2000
وعلى حسب الجودة والمكان اللي بتشتري منه وشطارتك
ومثل ما قال ولد البحرين
شنغماي وايد رخيصه خذ من عندهم احسن

BO aziz
BO aziz
مشكور على النصيحة وصج مثل ما قلت كل شي غالي في منطقة العرب

أم المهــى
أم المهــى
ما شاء الله الاخوان ما قصروا


خصم يصل إلى 25%