- انا كنت ابيه يمشي عني بس
السلام عليكم ورحمة الله وبركاته
اشكر جميع الاخوان في المنتدى على المعلومات والمساعدة التي حضيت بها من المنتدى قبل الذهاب وفي اثناء تواجدي في ماليزيا وقد حدث لي موقف احب ان انبه عليه جميع المسافرين وبالخصوص على الخطوط الماليزية
اول ما وصلت المطار استقبلني موظف او عامل وقالي تعال اطبع لك البوردنق المهم قالي انه تابع للخطوط الماليزية قلت تمام ماشاء الله خدماتهم رهيبه
عطيته رقم التذاكر الالكترونية وطبعلي البوردينق واخدني على الكاونتر الخاص باخطوط الماليزية
وهنا تم الاتفاق علي
ادخلت الحقائب عدد 4 حقائب (2 عفش 40 كيلو // بالضبط الوزن المسموح للعفش لشخصين)
( 2 حقائب يدوية ( هاند باق ) متوسطة الحجم )
اخبرني موظف الماليزية ان الحقائب يجب ادخالها في الشحن
قلت له هذي حقائب يدوية تطلع الطيارة ليش تبيني احطها في الشحن
قالي مسموح لك 5 كيلو للحقيبة اليدوية بس وانت حقيبتك اليدوية اكثر من 10 كيلو
المهم بعدما حاولت فيه اني ادخلهم الطيارة قالي تدفع عليهم مبلغ 2100 رنقت وزن زايد
يوم شافني مو راضي وقلت له ان مامعي اي مبلغ ادفعه شحن هنا بدا فلم النصب
قالي انا بدخل لك الشنطتين الكبار حق العفش لان وزنهم مزبوط وانت روح مع الموظف او العامل الي طبعلك البوردينق يمكن يشوفلك حل
المهم دخليت الشنطتين واخدت اوراق العفش ومشيت ماشفت الا العامل الي طبع لي البوردنق يقولي جيب 800 واخلص لك الموضوع لان الان بس تروح وتمر عند الامن حق المطار بيرجعونك وادا رجعوك بياخد عليك دبل السعر ومافيه تخفيض وانا مسلم مثلي مثلك وماباخد عليك ريال واحد بس ابي اساعدك
قلت في بالي ايه هين
المهم قلت له شوف 200 ريال مافيه غيرها قالي مايصير وماراح يوافقون قلت له ماعندي الي هيه مارضي مشيت عنه قالي تعال نجرب يمكن يوافقون ب 200 قلت له روح انت ادا وافقو تعال خبرني انا انتظرك
انا كنت ابيه يمشي عني بس
المهم راح علشان يرتب موضوع النصبة والفلم الهندي الي كانو بيسوونه فيي وانا اخدت الشنطتين وعطيت المدام وحدة وانا سحبت وحدة واتجهنا الى الامن ومرينا بسلام وبعدها الجوازات وبعدها الامن الي قبل الطيارة واخدو من عندي علبه مويه لان السوائل ممنوعه واخدو علبة كريم شعر قريب تخلص اساسا
ومرت الامور بسلام من غير ماادفع ولا ريال
شفت احد الاخوان ام قبل لا يصعد الطيارة اخدو منه عسل وكم شغله لان السوائل ممنوعه فأنتبهو يااخوان
حبيت انبه الاخوان بالنسبة الى هذي النقطة واتمنى للجميع سفرا سعيدا
والله يجزاك خير
تحياتي لك