ابتدي معاكم الحلقة الثانيه من رحلتي الاوروبية في مدينة فرنسية جميلة تتوسط الريفيرا الفرنسية
ك ان
18-7 الى 22-7
البداية كانت في الرحلة القادمه من اسطنبول الى مطار نيس الدولي و ذكرتها في تقريري في البوابة التركية و هذي الرابط
https://artravelers.com/p/re/428241 اما الآن وصلنا الى نيس الحبيبة و قمنا نسمع تغريد الفرنسيين باللغة الفرنسية اللي احس ان قرت عيوني فيها " غرامي اللغة الفرنسية" و طبعا اخذنا سيارتين تاكسي من نيس الى فندقنا في كان و طبعا سيارتين لانهم ياخذون 4 كبار فقط و يحسبون البيبي شخص حتى لو كان طفل عمره لا يتجاوز السنتين ماعلينا كل سياره خذت علينا 150 يورو بس ترا شي متوقع في كان لانها مدينة الغلاء والكشخه و الشو ,,, بعد اقل من 45 دقيقه وصلنا الى الفندق و كان السكن فندق خمس نجوم يطل على البحر مباشره و هو
Le Grand Hotel
وكان نظام الفندق يا تاخذ غرفة تطل على البحر او تاخذ جونير سويت و الصراحه فضلنا السويت و كانت الغرف روعه واليكم الصور
مدخل الفندق الخلفي المكان اللي تصل اليه السيارات الامامي ماتوصله السيارات
اللوبي متواضع بس الفندق تحت التجديد وفيه انترنت وايرلس مجاني بس ماقدرت اشبك منه ما رضى يشبك
المطعم و فيه بوفيه الافطار " غير شامل سعر الاقامه "
وجلسه خارجية للمطعم مواجهة البحر
و السرير الكبير " بعد السرير النتفه اللي في تركيا"
واحلى شي ان كل الكريمات و الصابون و الشامبو بعد بولغااري