الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
تركي و بدر
06-12-2022 - 07:49 pm
  1. اول شي كل عام والجميع بخير


اول شي كل عام والجميع بخير

ثاني العيد عزمنا انا وحرمنا المصون زيارة الكويت عشان هي الدولة الخليجية الوحيدة اللي مازرناها ومن باب تغيير الجو وعشان حنة اخوي عبدالله النفيسي اللي تعرفت عليه من ايام الغزو والحمدلله لحد الحين متواصلين مع بعض والصراحة هو دايم اللي يزور اذا جا الخبر فحبيت اسويها مفاجأة له .(سويتلك دعاية بالمنتدى)
الموضوع مافيه صور بصراحة لأن فيني طبع مش طيب الا وهو الكسل وماعندي صبر للتحميل
ثالث العيد طلعنا من الدمام على الساعة 9 الصبح وعلى الساعة 1 وصلنا الكويت الطريق للكويت جيد الجمارك والجوزات السعودية كالعادة مفشلتنا في المباني المتهالكة
لفت نظري شي مأعرف وشو عند جوازات الكويت طلبوا مني النزول للصالة لعمل انشاء وشو مأدري ولاحبيت اسأل لأن الشغله ماخذت دقيقه وبعد ماتعدينا الحدود في الطريق الى داخل الكويت وانا غافل الا وبنتي تصرخ في اذني ودف انا من الخرعة بغيت اجيب العيد وشفيك تتوقعون شفيها
(مثلثات) مثلجات تأثير طيور الجنة الأخت شافت اللي يبعون الأيسكريم في الطريق وتذكرت طيور الجنة والا تشتري منهم
المهم كملنا الطريق لين وصلنا فندق رجنسي اللي حجزنا عنده بالتلفون قبلها بيوم كلمتهم ورد علي هندي وسئلته عن امكانية توفر الغرف وقالي موجود46دينار شامل الفطور وعملي الحجز ولاطلب اي شي يأكد الحجز وسألته قالي مايحتاج قلت طيب عطني اسمك وعطاني كلمني في الساعة 8 الليل واحد ثاني مصري قالي اكيد بتجي قلتله ان شاء الله المهم وبرضو سئلته مين حضرتك بتعرفون فايدتها بعدين بعد ماوصلنا الفندق رحت اعمل شيك ان واتفاجاء بالرد مافي حجز انا انبسطت لأني احب هالسوالف مع فنادق خمس نجوم لأنك في الغالب تاخذ حقك بزيادة
المهم قلتله شوف اللي عملي الحجز اسمه كذا قالي لاحظه جابلي الفلبينه رئيسة الحجز وقامت تعتذر عن عدم توفر الأمكانية بنفس سعر الحجز وانها بتحاول تدبرلي غرفة اكبر بس بسعر80 دينار قلتلها انسي الموضوع جيبي المدير وجاني واحد لبناني وقام يقول معليش احنا بندبر غرفه بس ترى انت غلطان لأنو المفروض تأكد الحجز بالبطاقة الأتمانية وقالي في اوربا مافي حجز بدون البطاقة الأتمانية يوم شفته بيتجادل معاي قلتله اول شي انا عارف اللي تقول عليه وبدال ماتعلمني علم موظفينك لأني قلت لهم هذا الكلام وهو قالي مايحتاج ويوم قلتله كذا وكاني معطيه كف وعصب وينادي الفلبينيه ويشرشحها ويقول جيبو ورقة الحجز وجابوها وجلسو يتناقشون وانا انتظر وجاني مبسوط يقول شوف احنا اتصلنا عليك امس الساعة 8 وكان جهازك مغلق وهاذي افادت الموظف وتوقيعه انا انبسط اكثر قلتله مدام الشغله كذا انا ابي مدير الفندق بكبره ليه وماليه وانا مصر المهم جاني واحد اوربي وقالوله السالفه ويوم خلصوا عطيته جوالي وفتحتله المكالمات الوارده وقلتله شوف رقمكم بنفس توقيت اللي مكتوب جهازي مغلق وعطيته اسم الشخص اللي اتصل علي وقلتله عيب الحركات هاذي تصير في فندق خمس نجوم ويحمل اسم الرجنسي كذا الأوربي قلب وجه طماطه قم قال استريح في اللوبي عشر دقايق وماكملتها الا واللبناني جايني يبي الجوازات عطيته و قالي تشرب ايش وزوجتي ماتدري شسالفه واستغربت وهي تشوفهم متجمعين معاي وقلتلها اني طلبت انهم يغيرون اطلالة الغرفة المهم جاني المدير وقالي اتمنا يرضيك اللي بتشوفه
وبصراحة كنت اتوقع غرفه اكبر كنوع من الترضيه بس المفاجاءة كانت اكبر ودونا جناح على كلام اللبناني بتجهيزات معاريس ورد وكيك وفواكه وعصير وعشا مجاني في الجناح ضيافة من الفندق زوجتي يوم دخلت فهت وانبسطت عاد انا استغليت الموقف وقلتلها شرايك بالمفاجأة وكأني انا اللي طالبها(خبث الرجال)
الفندق حلو وفيه شاطىء صغير وبرك سباحة ونادي صحي للنساء
اللوبي واسع وجميل والفطور متنوع والغرف جيده جدا بس يعيبها مافي غلاية الشاي
اماكن الزيارة
بيت ام عبدالله الله يحفظها ويطول بعمرها احرجتني الا تعشينا كثر الله خيرهم و حلفت الا تعطيني عيديه تقول حالك حال عبدالله كل واحد فينا اطول من الثاني وناخذ عيديه
0مشاء الله زحمه غير طبيعيه
الأفينوز زحمه اكثر واكثر
سوق شرق سوق هادي
سوق المباركية سوق شعبي عجبنا جدا
المركز العلمي انبسطت بنتي كثير بمحتوياته
الأبراج استمتعنا فيها
المطاعم
ميس الغانم حلو بس سالفة انهم ياخذون السيارة مسويه مشاكل لهم لأني شفت واحد جالس يهاوشهم عشن تأخرو على سيارته
برج الحمام المميز موقعه الأكل عادي
روبي تيوزدي من عائلة تشيلز وفرايديز
حضرنا فيلم عسل اسود ومن الزحمة مافي مكان الا بأول صف
وفي النهاية انبسطنا بزيارة الكويت وبطيبة اهلها ولنا رجعه ان شاء الله بس في وقت مايكون في عطله


رحلتي الى الكويت
التعليقات (7)
لـــنـــدنـيـه
لـــنـــدنـيـه
ههه
ياحليلهم زين رضيتوا
حلوه هذي سويت لج مفاجأة ههه
شكلها تحفه لما شافتهم متجمعين عليك
و شي طبيعي المجمعات اللي ذكرتهم بالويك اند زحمه فما بالك بالعيد ..؟
تقرير ممتع والله ضحكت واسلوب جميل
الله يعطيك العافيه
و ان شاء الله مو هذي اخر مره
اختك

تركي و بدر
تركي و بدر
لندنيه
الله يعافيك اختي لندنيه

تركي و بدر
تركي و بدر
قصة حب تايلندية
الله يحيك والكويت منوره بأهلها

violetq8
violetq8
ألف الحمد الله على السلامة
و ترى ميس الغانم في مواقف قبل دخلتة ب 5 امتار مواقف لروادة بس الناس تحب تكشخ
عشان الخدمة ب و عبدالله النفيسي الكاتب اذا كا قصدك
فهو اشهر من نار على علم با وطن العربي مو باكويت بس و هم من المهاجرين الكويتين
و كاتب قدير

تركي و بدر
تركي و بدر
violetq8
الله يهديك انا وين وعبدالله النفيسي الكاتب وين هذاك كبر جدي
عبدالله اللي اقصده توه شباب مثلي والله
ومأدري اذا بينهم قرابه اولا

Noura86
Noura86
حياكم الله
نورت الكويت بوجودكم
و الحمدلله سالفة الحجز كانت في صالحكم

تركي و بدر
تركي و بدر
noura86
منوره بأهلها


خصم يصل إلى 25%