هلابك اختي ,
راهية دوم

waleed8818
الف شكر لك اخي الكريم على الرد السريع,, حاطه فبالي اتكون السفره في حدود 20 يوم, ولايمنع ان كانت اكثر بقليل, والتخطيط المبكر افضل لان ماعرف شي عن امريكا ابدا فاكيد يبغيلها تخطيط دقيق علشان مايتعكر مزاجنا بالذات اني انا الي بكون مسئوله عن هذه الرحله وابغي بياض ويه جدام زوجي واولادي, شفت تقارير امباكت ولكن للاسف الصور مو طالعه الان بدخل عليها على التحديث الجديد اختمال تطلع, اشكرك مره اخرى واذا تقدر تنصحني ببرنامج عائلي يستمتع به الصغار والكباروالازواج.
انا طماعه شوي اسمحلي,,,

http://www.vistacayholidays.com/location.html
شيكي اختي على السكن هذا قد يكون مناسب لعائلتكم الموقرة , تحياتي

1. شوفي


2. ميامي آآآآآآآآه على ميامي


3. ياحسافه فلوسنا عليها


4. وع والدزني فيها مايقارن بالي في اورلاندو مو حلو زي حق اورلاندو...


5. بعدها نيويورك صدمه هالمدينه وانا جالسه بس اخبي تسوقي لها

اهلين فيكي اختي,,,انا توني راجعه من امريكا ,,,اقمت فيها شهرين بالضبط وكان المخطط شهرين وثلاث اسابيع لكن بصراحه طال البعد عن السعوديه واهلها فقدمنا الرجعه ثلاث اسابيع,,,

شوفي

انا سكنت في كيسيمي ضاحيه قرب اورلاندو وهي منطقه دزني كمان,,,اورلاندو مشبوكه فيها يعني ماتحسين انك طلعت من مدينه لاخرى...المنطقه رائئئئعه جدا,,, وهناك فيه مجمعات سكنيه كثيره ومافي احسن منها ,,, يعني امان ومسابح وملاعب وغيره,,, انا اعتبرها رخيصه جدا,,,ومع رخصها هي راقيه جدا...آآآآآآآآآه ومنطقة الدزني هي مدينه كبيره بحد ذاتها رائعه فيها اربع حدائق الماجيك والانيمال كينقدوم وابكوت وهوليود شوفي نصيحه لوجه الله حديقة هوليود الغيها ماهي حلوه ابد ومتستاهل فلوسها,,, وعلى فكره ترا الدزني مو حلاتها في العابها لانها العاب عادية جدا لكن حلاتها في فن اعداد اللعبه والجو الي يعيشونك فيها...لكن تبين العاب صح ومنطقه اقل مايقال عنها انها مذهله فهي اليونيفيرسال ياربي عليها حلوه قد ماقول ماقدر وخاصه الجزء الخاص بمدينة هاري بوتر اله فيه هناك اروع لعبه تشوفينها في حياتك,,, على فكره ترا اليونيفرسال حديقتين مو وحده فانتي ان قدرتي عليهن كلهن فخير وبركه والا قولي لهم ابغى الى فيها مدينة هاري بوتر,,,
انا زرت تقريبا ثمان مدن في فلوريدا ... بس بصراحه عجبني فيها طبعا غير كيسيمي مدينة بالم كوست وفيها منتجع رائع هناك تعدين المسابح فيه ماتخلص على انه كورنيش كمان على المحيط
وكمان اعجبتني قرية الجولف هناك وفيها شقق فندقيه ياربي عليها,,, البالم كوست وقريه الجولف قريبه من جاكسون فيل,,,

ميامي آآآآآآآآه على ميامي

على انها مليانه يهود الله يكفينا شرهم ويزيحهم عن طريق المسلمين ... بس بصراحه حلوه خاصه طبعا الكورنيش,,, الكورنيش اربع مناطق احلاهن طبعا الساوث بيتش وكمان منطقه الصني مادري ايش اسمها بالضبط لكن ان بغيتي اسم المنطقه بالضبط اجيبه لك... النورث بيتش مو ذاك الحد... بس عموما كلها على شارع واحد...وشوفي ان بغيت التسوق ترا مافي احلى من اسواق ميامي فيها مجمعين واحد للماركات العالميه والثاني سوق امريكي حلو وكبير ...
على اي حال فلوريدا كلها جنه من جنان الارض ينقصها بس الجو الحلو,,, خضار وسماء شكل آآآآخر وأمطار عجيبه لكن حر.
هذي عن فلوريدا
بعدها كاليفورنيا
لوس انجلوس لوعة كبدي

ياحسافه فلوسنا عليها

وع والدزني فيها مايقارن بالي في اورلاندو مو حلو زي حق اورلاندو...

لكن لو اصريتي وحبيت تشوفينها فبفرلي هيلز منطقة فلل حلوه طبعا لانها تخص المشاهير واصحاب الاموال وهوليود شارع النجوم الي متكسر ههه بس مع الناس والزحمه يعني مو بطال فيه على الجبل فلل حلوه كمان بس شوفي تطاوعين نفسك وتطلعين لعلامه هوليود على الجبل تراها ماتستاهل ونيوبورت بيتش كلها سفن ومراكب وسانتا مونيكا منطقه هادية نوعا ما حلوه ومرتبه بس طبعا تبعد عن لوس انجلوس تقريب ساعه الا ربع... فيه هناك شاطئ هو احلى منطقه شفتها في كاليفورنيا كلها وبصراحه سعة صدر ووناسه وناس لجه وضجه وعزايم وعروس وكل شئ طريقها زحمه وهي منطقة لاقونا بيتش ,,, انا بصراحه استغربت انه مافي احد كتب عنها في المنتدى مع انها تسوى كل المناطق الي ذكرتها من قبل ,,, ماشفت الا تقرير لوحده كويتيه نسيت اسمها كتبت عنه وكانت ماتعرف اسم البيتش...
سان دييغو حلوه ومو بطاله فيها السفاري تجربه جديده وعندهم السي ورد زي الي في اورلاندو ياسلام خذي جاكتات وملابس احتياط لو رحت لها,,, وجوها براد ,,, .
بعدها لاس فيغاس ياسلام فن عماره رائع هناك ,,, من جد هو فيها شارع واحد بس بس فيه كل البلاوي المتلتله,,, فنادق كل واحد يقول للثاني انا احسن منك التقارير عنها كثيره وكلها صادقه,,, بس ماتصلح لاولادك لانه لو رفعوا روسهم كلها شاشات على طول الفندق وفيها دعايات لمسارح ياسلالالالالالام شويه ويكونوا عراه ولو نزلوها ياربي كروت لنساء عاريه طبعا فيها العناوين وارقامهن ولو مارفعوا روسهم ولا نزلوها راح تكون قدامهم صور دعائيه استغفر الله بس على الشاحنات وهي تمشي بالشارع ,,, لكن كل فندق هو بحد ذاتيه منتجع كامل سوق وملاهي وغيره ,,, وطبعا النافوره الراقصه الي تعتبر من اكبر النوافير الراقصه في العالم هي بحد ذاتها ابداع...وطبعا لاس فيغاس لا خضار ولا يحزنون...
الحين سان فرانسيسكو اله مدينه هي بحد ذاتها قطار الموت من شوارعها الي تروع وانتي تطلعين عليها بالسياره لالالالالالالا والمصيبه اذا وقفتي لانه الاشاره حمراء وانتي متعلقه في الجبل,,, بس من جد وناسه عماير طويله وغابات وبحر وفيه الرصيف 39 على ماعتقد حلو ووناسه جلسات وبياعين وناس ,,, انا ماشفت مدينه زيها ناسها كلهم يمشون في كل ساس ,,,تمشي في كل مكان,,, اعجبتني من جد بس مصيبتها في المتشردين فيها كثر التراب.

بعدها نيويورك صدمه هالمدينه وانا جالسه بس اخبي تسوقي لها

منهاتن طبعا احسن شئ,,, واحسن منطقه في رأيي الوول ستريت الي كان فيها مباني التجاره الي انهدموا,,, الحين حاطين مكانها مزار وجلسات على البحر حلوه ,,, اما منطقه التسوق صدمه قويه وع زحمه على غير سنع ومحلات على الشارع مافيها اي فن وشارع هذا فايف افنيو ناس تمشي بالهبل فيه بس مافيه شئ يستحق,,,يعني بحسب طبعا رأيي سمعتها تفوق الواقع الف مره.طبعا اماكن السياحه فيها معروفه مايحتاج اذكرها هنا... وعلى فكره هي قريبه من نيوجيرسي بينهم بس نفق يعني تشوفين عمايرها وانتي في نيويورك وتحسبينها تبع نيويورك.حتى انه عند تمثال الحريه يكون فيه سفن لنيوجيرسي وفيه سفن لنيويورك.
واشنطن دي سي ,,, الطريق من نيويورك لواشنطن بالسياره رائع رائع جدا,,, المهم واشنطن هاديه ورايقه وحلوه...
بس الي اجمل منها ولاية فرجينيا طبعا للي يحب الخضره بينهم بس نفق,,, طبعا واشنطن دي سي ماتتبع اي ولاية وهي قريبه جدا من فرجينيا ومن ولاية ميريلاند...
انا ذكرت لك المناطق الي جلست فيها وطولت والا فيه مدن غير هذي بس ماتستحق الذكر
وانا هنا ماقولك انه هذا جدول حلو,,,بس انا حبيت تعرفين بعض المعلومات عن المدن حتى تقررين حسب ميزانيتك...
باقي شئ لازم تعرفينه عن امريكا ان كنتي اول مره توزورينها ,,, اللغه هناك هي الاسبانيه ,,,الانجليزيه ماتسمعينها الا في التعاملات الرسميه اما بينهم فهي الاسبانيه الا في سان فرانسيسكو فبالاضافه تكون هناك اللغه اليابانيه والايطاليه,,,يعني بصريح العباره امريكا كلها اسبان ومكسيك,,,الشئ الثاني دولة تحكمها النساء يعني ماتلقين رجال هناك يعني دوله كارفه حريمها لابعد درجه,,,الشئ الثالث مافيها تكنولوجيا مذهله... الاتصالات رديئه جدا وتحكمها اي تي اند تي وهي الي محتكره السوق كله حتى ابل ماتبيع الاي فون الا الي تشتغل بس مع تي اند تي وتنافسها تي موبايل ...انا لا انكر انه فيه طريقه اتصالات داخل المحلات داخليه حلوه جدا وكمان طريقة حجوزاتهم الذاتيه وقص الكروت في المطارات ,,,وكل شئ يعمل ببطاقة الفيزا وبس ,,, مافيه ابدا تنوع في التكنولوجيا عندهم.الشئ الرابع مافيها فن معماري ابدا بس لاس فيغاس هي الي بصراحه عجيبه من عجائب الفن المعماري اما غيرها فمافيها شئ زود... الشئ الاخير الامريكان يبرعون في الشئ الي متخصصين فيه وبس وغيرره مافيه بس بصراحه رائعون في التعامل ولطيفيين جدا وبصراحه فيهم مجاملات كلاميه مرهقه...
امريكا وسيعه صدر صح وفيها اماكن خياليه بس مع ذلك سببت رحلتي لها صدمه لان سمعتها اكبر من حجمها...
انا اعرف اني طولت عليكي
لكن ماحبيت تشعرين بالصدمه زيي
وطبعا في الاخير هو رأيي انا,,, وربما لي اهتمامات غير عن الاخرين...

واو كل هذا ردي ,,, معليش
بس باقي اقولك الافضل تستاجرون سياره,,,---لانه تبين تعرفين مدينه تزورينها ضيعي نفسك فيها فتعرفينها زين---,,, صح ان الانظمه هناك غير وكمان الاشارات بس بسرعه تتعلمون وخاصة ان القيادة هناك مريحه جدا,,, انا اقول القياده لان غالبيتهم ملتزمين بالانظمه لكن طرقهم مافيه طريق مريح ابدا الازفلت حقهم رديء جدا...

rodeen
أختي رودين الف الف شكر لك عزيزتي, بالعكس والله اني مستمتعه بكل كلمه كتبتيها عزيزتي ويالسه اقول وانا اقرى كلامج ان شالله معلومات كثيرة ووافيه, لان الي ايروح اول مره وبالذات اني انا الي بكون مسئوله عن الاقامه والاماكن والرحله
والله ايعين,,
عندي استفسار, بما انه عندي اولاد هل اروح هالمره بس اورلاندو وميامي يعني اقصر رحلتي فقط على فلوريدا ونيويورك فقط؟ واذا واشنطن قريبه منهم؟ والغي كاليفورنيااذا مو هذاك الزود؟ ولا الي ماراح كاليفورنيا كانه ماسافر امريكا؟
وبعدين انا زوجي من النوع الي مو اي شيء يعجبه, يوم انسافر من اول يومين يقول,,, يالله بعد بنتم اسبوعين اهنيه؟ هاي (.......) الي يمدحونها ؟طبعا انا شو يستوي فيني
ههه.
لذلك اختي الكريمه انا بسافر نصف يوم كامل فهل الرحله تستحق العناء. لان في بعض السفريات الي كانت 6 ساعات او 8 ساعات, قالولي الرحله طويله والمكان مايستحق؟؟؟
واذا فلوريدا فعلا فيها اماكن حلوه مثل اسواق مولات مطاعم اماكن اكشن مثلا؟يعني الواحد مايمل فيها,, ابا سكن بعد ايكون اوكي وممكن يتونس الواحد فيه ومايمل,ويكون راقي,
طبعا طلباتي كثيرة, والله ايعينج وايعين كل من بيتفاعل معاي؟
عموما ابا نصيحتكم وتوجيهاتكم ولكم جزيل شكري وتقديري..