fahad123456
وعليكم السلام
اخوي فهد
فيه طريقيين مؤديه للفجيره
مثل ماهو واضح الخريطه
اختر اللي يناسبك
الاحمر - والاصفر

طريق الاصفر
طريق المطار
طريق الخوانيج
طريق دبي الخارجي
طريق الشارقة كلباء
طريق السيب
طريق الاحمر
طريق المطار
طريق الخوانيج
طريق دبي الخارجي
طريق الذيد
طريق الفجيرة
واذا معاك جهاز ملاحه ممكن ازودك بالاحداثيات

اخوي الكريم aktd
الله يجزاك خير
ما قصرت
اي والله معي قارمن
الاحداثيات الله يطول عمرك ولا يهينك
وأي الطرق تنصحني به؟؟

fahad123456
تطمن القارمن راح يوديك اقرب مسافة
ابششر بالاحداثيات
بس ابغي اي صيغة احداثيات
ثلاث خانت ولا خانتين
ووين تبغي في الفجيرة بالضبط
والقارمن راح يقوم بالواجب تطمن

الله يطمن قلبك بسلامة احبابك اخوي AKTD
ثلاث خانات اخوي الكريم
نوفي 205
والوجهه بحول الله الى فندق ومنتجع جال الفجيره
وهذا رابط لتقرير الاخ لويار الله يعطيه العافيه
https://artravelers.com/p/re/143134

fahad123456
مثل ما توقع المنتجع شمال مدينة الفجيرة معناته
الطريق الاحمر افضل شي واعتقد القارمن راح يمشي عليه
تفضل
منتجع جال

N 25 36 01.7
E 56 20 23.0
واذا احتجت احداثيات ادخل هذا الموضوع
https://artravelers.com/p/re/326856

هلا اخوي لا تحاتي ان شاء الله الطريج مايضيع
وان شاء الله شوي وايب لك الاحداثيات

ابوحمد ما قصر ويابلك الاحداثيات
بس بحط لك وصف الطريق
هو وصف لمنتجع قريب من جال ونفس الطريق من دبي
ب. مِنْ مطارِ دبي: اتبع طريقَ الخوانيج
قُدْ مباشرة 16 كيلومترَ من المطار
سَتَصِلُ الى دوّار، اتبع اليمين نحو العوير، ويَقُد مباشرة 4.5 كيلومترَ
سَتَصِلُ دوّارَ ثانيَ، اتبع اليسار باتجاه الذيد و الشارقة
قُدْ 14 كيلومتراً مباشرة، وخُذْ الخروجَ الصحيحَ إلى اليمين: طريقِ الذيد (ستجد أمامك مصنع إسمنت كبير)
اتجه مباشرة إلى مسافي
في نهايةِ طريقِ مسافي، (يوجد دوار بيضوي) اَتّجهُ يساراً نحو دبا
قُدْ 45 كيلومتراً بالضبط مباشرة، موقعنا في جانبِكَ الايسرِ.
بس حط في بالك منتجع جال مب في الاماره داخل بل في دبا الفجيره والشاطيء يسمى العقه

ابو حمد ,,
بنت الشيخ زايد
يا جماعه الله يهنيكم
ادخلتوا السرور على قلبي وقضيتوا حاجتي
واسأل الله انكم ممن قال فيهم رسوله عليه الصلاة والسلام
(احب الناس الى الله تعالي انفعهم للناس , واحب الاعمال الى الله : سرور تدخله على قلب مسلم , تكشف عنه
كربه او تقضي عنه دينا او تطرد عنه جوعا ولأن امشي في حاجة اخ لي احب الي من اعتكف شهرا ,,,) الحديث
عيد الجميع مبارك يارب

fahad123456
اخوي فهد
بصراحه الواحد في هالدنيا مايبغي شي منها الا شخص يدعيله في ظهر الغيب
والله ياخوي الله يسلمك ويخليك وان شاء الله تكون دوم مستانس
واذا في خاطرك شي نحنا تحت امرك وفي خدمتكم دوم