هلا اخوى المغوار بالنسبه للسفر لمصر بالعباره اول شى تشحن سيارتك لتبوك لوكنت بتروح بالطياره او تسافر بر لتبوك وهذا ما انصحك فيه لان الخط مايصلح وغير امن ومسافته من الدمام 1700 كلم عموما اول ماتوصل تبوك تروح ضباء وهى مدينه صغيره تبعد عن تبوك 280 كلم طبعا تروح بر لان مافيها مطار مكاتب العبارات موجوده بكثره بتبوك او انك تروح وبتلاقى بضبا عشرات المكاتب بس للاسف ماعندى ارقامهم عموما فى مكتب بتبوك للعبارات عند شركة البسامى لشحن السيارات بتبوك وفى مكتبين عند شركه الحاج حسين على رضا للسيارات جنب فندق العادل تروح طال عمرك وتاخذ تذاكر لك ولسيارتك الاسعار تقريبا تتراوح بين 500 و700 ريال لك ولسيارتك طبعا فى شركتين اول وحده هى عبارات شركة البلاغه وهاذى بواخر ضخمه تشيل عدد ركاب كبير وباصات وشاحنات وفيها غرف للنووم لركاب الدرجه الاولى وهاذى توصلك لميناء سفاجا المصرى يبعد عن القاهره 600 كلم لكن المشكله انك ببتعطل فيه بسبب الزحمه وعدد الركاب والسيارات الكبير والزحمه تكون بالجمارك لان الجوازات مافيها مشكله لان فى ضابط للجوازات يختمها لك بالعباره قبل ماتوصل الميناء الى هنا حلو طيب نكمل العباره الثانيه هى لشركة ناصر ترافل وهى توصلك لميناء الغردقه المصرى وها العباره تشيل 100 راكب بس و12 سياره وهى عباره عن يخت صغير ويوصلك لمصر فى 3 ساعات وله مقاعد زى الطياره وانا انصحك فيه والاسعار متقاربه ويمكن تزيد شوى بس يعنى مو اكثر من 200 ريال اهم شى انك تحط فى حسابك انك فى المينا المصرى سواء سفاجا او الغردقه راح تدفع 500 ريال للسياره 4 او 6 سلندر و1000 ريال للسياره 8 سلندر اوكى يعنى لا تنسى الدراهم ولكن الشى اللى مو حلو ان اى واحد فى الميناء يشوف سعودى يبى ياخذ نصيبه والا الله يعينك على اللطعه بالميناء وانا جربت مينا سفاجا ولو كنت بتروح على عبارة البلاغه مايحتاج حجز قبل فتره طويله يعنى قبل يومين كفايه لكن العباره السريعه لازم حجز مسبق قبل اسبوعين على الاقل لانها عدد ركابها قليل والسيارات محدوده وانا سمعت ان فى مكاتب وكلاء لها بالريباض واتمنى انك تستفسر واتمنى انى اكون افدتك تحياتى لك اخوكابومضاوى

أخوي المغوار
أبو مضاوي ماقصر عطاك المفيد وزياده بس إذا سمح لي بهالجزئيه وهي لاتنسى دفتر التربتك للسياره وإستخراجه من المكاتب السياحيه قبل مغادرتك بلد إقامتك.
وحاول إنك ماتدخل سيارتك في العباره إلا آآآآآآآخر سياره لكي لاتتعرض إلى إحتكاك أو صدمه من السيارات الأخرى داخل العباره أثناء الدخول والخروج وأيضا تكون أول سياره يتم تفتيشها ولاتنلطع بالسرا وأذكر أن تفتيش السيارات التي يقودونها سعوديين تقف طابور لوحدها.تحياتي لك.
إذا حصل لك أي طارئ لاسمح الله في مصر أو مشاكل مروريه إرسل لي خاص وأنا أقولك وين تروح وجميع أزماتك نحلها لك بإذن الله كما رغبت إليك أن تخبرني إذا كانت رحلتك عائليه أم شبابيه فإذا كانت عائليه أنا مستعد بتقديم برنامج كامل متكامل للأولاد
هديه مني طيلة مدة الرحله وأنت تأمر ياغالي.قاصد

على شكر على المعلومات الحلو وياريت تعطينا اكثر .........ان امكن

asyerاخوى عطنا نوع المعلومه اللى تبيها وابشر لو اطلعها لك من تحت الارض حسب معرفتى وامكانياتى تحياتىلكاخوكابومضاوى

مشكورين والله يا اخوانى وانا ادرى ان الرد جا متاخر شوي وبالنسبه لاخى قاصد هل انت مصرى والا عندك شركة سياحيه وبالنسبه لمخالفات المرور يعني فى مصر اذا فى مصر انا عندى سؤال الله يخليك اذا تعرف احد بالجمارك المصريه انا عندى استفسار ولا لقيت احد يعرفه راح ارسلك الاستفسار على بريدك ياريت لو تشوفه

أخوي asyer
حياك الله
أتمنى تقول وش بغيت تستفسر عنه
أخوي المغوار
العفو وهذا واجبي ..........لا أخوي أنا سعودي وأفتخر أني من نجد
وبخصوص المخالفات نعم أقصد المخالفات بمصر أو أي مشاكل قد
تصادفك
ومن ناحية الجمارك المصريه فأنا لاأعرف أحد فيها ولكن وش تأمر فيه
تحياتي

مشكورين اخوى على هذه الردود الجميله والوافيه جدا

العفو أخوي المغوار وهذا حقك علينا
تحياتي

ما شاء الله منورين الساحة اخواني قاصد وابو مضاوي والمغوار .....
وبالنسبة للجمارك المصرية فمن خلال زيارتي لها ، ما حد يفتش عفشنا
ولا يقبل علية .
تحياتي .