سلوم حداد
17-12-2022 - 12:11 am
السلام عليكم ورحمة الله وبركاته
انا مسافر للنمسا ان شاء الله 20 سبتمبر وعندي كذا سؤال لو سمحتو اجيبوني مأجورين:
عن التأشيرة شروطها ووضعها ووين أحصل النموذج وكيف اعبيه؟
انا مسافر مع الزوجه لازم اعبي نموذجين والا واحد يكفي؟
الصور لو سمحتو 3 او 2 الصور الشخصية؟
هل الهوية الوطنية ودفتر العائلة مطلوبان؟
الجواز اصور كم صفحة والتوقيع وين يكون بالنسبة للجواز السعودي؟
رسوم التأشيرة كاش والا شلون؟
تأمين السفر ماماهيته أنا عندي تأمين طبي من الشركة أرامكو هل هو المقصود وهل هو كافي والا لازم شركة تأمين زي التعاونية 000الخ؟
عطلة نهاية الاسبوع في السفارة النمساوسة بالسعودية خميس وجمعه والا ايام ثانية؟
الفنادق ارسلو لي الحجوزات pdf ماعدا فندق واحد ارسلها jpg هل هي مقبولة او فيها اشكال؟
تكفون جاوبوني
أبو عمر والشباب تكفون لاتقصرون!!
تقبلو تحياتي ولكم مني جزيل الشكر
بالنسبه للنماذج اثنين لك شخص نموذج
الصور اثنتين مكشوف الراس للرجل
صوره الهويه وكرت العائله غير مطلوبه
اعتذر عن التقصير
وان شاء الله الاخوان ماراح يقصرون معك
وراح يجاوبون لك على كل الاستفسارات
فقط الجوازات وحجز الطيران والفنادق والصور وتعريف من العمل باللغه الانجليزيه بالاضافه الى كشف حساب و التامين الطبي
الدفع بالسفاره كاش او بطاقه
التامين الطبي الي معك هذا داخل المملكه
لازم تامن من احدى الشركات من 80 الى 120 ريال قيمته
والاريح لك عط مكتب الاوراق وهو يخلصها لك ب850 ريال
ويسوي كل شي التامين وحجز الفنادق والطيران