البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
العاشوري
31-10-2022 - 03:35 pm
السلام عليكم روحمة الله وبركاته
تحية طيبة للجميع ...
اريد اسافر الى البحرين في ثاني ايام العيد
استفساراتي هي ***
1 - كم المسافة من دبي الى البحرين ؟؟؟
2- احلا الاماكن السياحية ؟؟؟
3- احلا الشقق الفندقية وكم قيمتها ...؟؟؟
4- زين لو تحطو لي اسامي الفنادق وسعارهم ؟؟؟
5- شو اسامي المناطق الحل وة ؟؟؟
6- احسن المطاعم في البحري ن ؟؟؟
7- اريد اشتري هدايا من اي اشتري الهدايا وتكون بسعر معقول ؟؟؟
اسف على الاطالة اخواني المشرفين والاعضاء
انتظر ردكم يا اهل الخير ...
وتفضلوا بقبول فائق الاحترام والتقدير


التعليقات (8)
eyesmax
eyesmax
و عليكم السلام ...
بما اني للحين اعاني من حالة ما بعد الفطور راح اجاوب على كم شي و الباقي بعدين
1- المسافه تقارب ال 950 كيلو
7- اغلب اهل الامارات تشوفهم في محلات الحلوى و الجلابيات في محرق
بس ياريت توضح كم عدد افراد الاسره عشان تلاقي من يساعدك في السكن.
و عندي نصيحه... الجو حار و مايسوى السفر في السياره هاليومين. تعال بطيران البحرين او فلاي دبي و خذ سياره ايجار.
و لا تنسى انك بعد سواقة الخط بتوقف في زحمة الجسر و انت تعبان

فوق الكل
فوق الكل
توقعون اخر يوم من رمضان الجسر مزحوم بعد اذن صاحب الموضوع

^بنت الشرقيه^
^بنت الشرقيه^
الاماكن السياحيه عندك المجمعات التجاريه واهمها ," سيتي سنتر - السيف - العالي "
والمطاعم الراقيه عندك مطعم " ليلو - نينو - واتر ليمون " وفيه الكثيره غيرها

ADEL24
ADEL24
الله يعينك على الزحمه في الجسر

العاشوري
العاشوري
تسلمون على المرور اخواني واخواتي

انت طيّب ؟!
انت طيّب ؟!
اهلاً اخوي ..
ام طيب بقول لك ..
الاسواق : سيتي سنتر كبير و روعه حق تمشي و تسوق و فيه مطاعم و مقاهي حلوه + السينما حقته حلوه و مريحه و قاعآته كثيره تعرض افلام واجد + فيه جوا السوق فوق عند المطاعم مدينة واآهوو المائيّه روعه صراحه مدينة مائيه مسكّره و فيها العاب مائيه حلوه زحلايق و كذا و تذكرة الدخول للكبير الظاهر 9 دنانير .
السيف : غني عن التعريف .. فيه محلات حلوه و مطاعم و سينما و قهاوي و جمبه برى في مطاعم حلوه + مجمع العالي جمبه برضو حلو .
الدآنه : المجمع عادي و كله هنود و اجانب بس ميزته السينمآ شركه ثانيه و تعرض افلام مختلفه عن السيف و السيتي سنتر روحوا له مره و شوفوا الافلام .
البحرين جيان : قبال السيف موجود بالجهه المقابله للهاي وي سوبر ماركت جيآن ماخذ الجزء الاكبر من السوق بس مافيه سينما .
برضو عندك جنة دلمون المفقوده ملاهي مائيه حلوه + منتزه عذآري حق تمشي و فيه العاب برضو حلوه للكبار يعني و للصغار بعد بس روحوا له ب يوم الجو حلو + منطقة العدليّه فيها مطاعم و كافيهات حلوه اسألوا عنه شارع العدليه اللي فيه المطاعم .
و بسس
موفقين

Bu.Rashid
Bu.Rashid
هذا رابط فيه مجموعه من الفنادق والشقق الفندقيه ..
https://artravelers.com/p/re/224975

العاشوري
العاشوري
تسلمو اخواني وخواتي على الردود الطيبة
وجزاكم الله الف خير


خصم يصل إلى 25%