- نسال الله ان يتقبل منا ومنكم صالح الاعمال
بفضل من الله ونعمته اعتمرت وقضيت كم يوم في مكه
نسال الله ان يتقبل منا ومنكم صالح الاعمال
حبيت افيد اللي ناوين العمره بكم ملاحظه وان كان الكثير من الاخوه يعرفها لكن البعض مايعرف
1_المسعى الجديد بالادوار العليا الكثير لايعرف عنه شي يوجد مصاعد وسلالم كهربائيه واللي خلاني اقول هالكلام بالادوار السفلى من المسعى زحام شديد اتجهت للادوار العليا وكان شبه خالي كان معي صديقي افترقنا عن بعضنا وكان سهل الوصول له من قلة عدد المعتمرين لكن اللي معه نساء اعتقد فيه منع لاني بالمسعى ماشفت الا كم حرمه
2_اللي مايلحق على الحرم قبل الصلاة او يكون وصوله متاخر ويحب يصلي مرتاح ومكيف يتجه لفندق الصفوه اوركيد جزاهم الله خير تقدر تصلي هناك حتى لو ماكنت ساكن وموصلين سماعات يصل صوت الحرم والغالب من المصلين بملابس نظيفه(للي مايتحمل الروائح ) ويوجد مصلى للنساء .
3_المطاعم بوقف الملك عبدالعزيز كثيره ماشاء الله والخيارات متعدده يعني لا احد يشيل هم بالنسبه للفطور بعد مايفطر بالحرم ويحب ياكل وجبة عشاء ويكون قريب من الحرم حتى يرجع لصلاة العشاء واللي يبي الخصوصيه والهدوء وعنده استعداد يدفع فيه بوفيه مفتوح اسمه ريتاج الحرم بدور المطاعم بالوقف انا شخصيا جربته رائيي انه مناسب وحلو وسعر الشخص 150 ريال فيه مكان للعوائل لاني شفت بمطاعم الوقف المطاعم العامه ماتصلح للي يحب الخصوصيه والهدوء وخصوصا العوائل .
4_ اللي يبي يصلي الظهر او العصر ولا يتحمل الحر فيه باب الملك فهد فيه تكييف والواحد يرتاح اكثر من الاجزاء الثانيه بالحرم بس يبي الواحد يجي بدري مايجي قبل الصلاة بوقت قليل وهذا كان الافضل بالنسبه لي طبعا العشاء والمغرب والفجر مافيها كلام بالسلالم الكهربائيه الى السطح يقدر الواحد يتنفس وتصلي بكل راحه .
5_اللي يحب يفطر بالحرم ويحب يوزع تمور او قهوه نصيحه يتجه للسطح للعلم السطح خالي من النساء والاطفال يعني اللي معه اطفال ماراح يدخلونهم حتى لو كان الطفل كبير شوي.
6_الحلاقين للي انتهى من العمره ويحب يحلق بدون زحمه ويمسك طوابير يتجه لبرج الصفوه اللي مقابل لباب الملك عبدالعزيز فيه نزلة مثل القبو فيها محلين للحلاقه بجنب بعض كل منهم فيه مايقارب 6 كراسي بس لاتنسى تكاسر السعر .
7"_اللي معه سياره وجاي من السيل الكبير من جهة الطائف راح يتوجه لمواقف الشرايع الدخول لمكه بالسياره من هاذي الجهه ممنوع انا عن نفسي وقفت السياره بمواقف الشرايع واخذت تكاسي فيه ناس كثير يوصلونك بالاوقات العاديه ومتوسط اسعارهم من 30_40 ريال يوصلك لعند الحرم وبعد ماخلصلنا عمره قربنا السياره ووقفناها بمواقف محبس الجن
