السلام عليكم
اول شي اشكر الجميع على تعاونهم وخصوصا خبراء عمان اللي ما قصروا مع الاعضاء،
وانا إن شاء الله رايح صلاله في العيد انا وزوجتي وبنتي اربع سنوات، وهذي اول مره اروح لصلاله، وما لقيت حجز الا على الخطوط العمانية ولا فيه دايركت ما لقيت الا ترانزيت (الرياض - مسقط - صلاله) ، وعندي استفسارات لو تكرمتو :
1- رحلتي : الوصول الى صلاله الساعه 3 في الليل ، هل القى مكاتب تأجير السيارات في المطار مفتوحه في هالوقت المتأخر؟ وهل صحيح انه ما يأجرون الا ببطاقة فيزا؟
2- ابغى تسمون لي منطقه في صلاله فيها شقق نطيفه اروح لها اذا وصلت ، وما ابغى فنادق عشان معنا عزبة الطبخ ونبغى شقه بمطبخ. وياليت اذا احد مجرب شقق نظيفه يعطيني اسمها اروح لها على طول.
3- مدة اقامتنا في صلاله خمسة ايام باذن الله، وانا ما احب المتاحف ولا المناطق التراثيه ، ابغى طبيعه وبس ، وحسب ما قريت في المنتدى مناطق الطبيعه هي : جبل اتين ، وشاطئ المغيسل ، ووادي دربات ، وظلكوت. هل فيه مناطق اخرى ؟ بس تكون قريبه بحيث اني اروح لها وارجع في نفس اليوم للشقة في صلاله.
4- هل ضروري يكون معي جهاز قارمن؟ او تكفي الخريطة اللي باخذها من المطار؟.
ولكم الشكر والتحية . وجزاكم الله خير.