مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ولد_الإمارات
10-12-2022 - 11:18 pm
مرحبا اخواني خبراء ورواد بوابة الفلبين
ان شاءالله انا ناوي اسافر الفلبين بعد عيد الفطر مباشرة يعني بتاريخ 14 سبتمبر اذا الله اراد
ومدة السفرة كلها في حدود ال 8 ايام
ونحن 2 شباب
حبيت تعطوني فكرة هل من المناسب اني اجلس في مانيلا يومين وبعدها اروح على جزيرة معينة
وفي مانيلا هل منطقة مكاتي هي اللي قريبة من المولات يعني اسكن فيها تنصحوني بستانس كل شي قريب ومنطقة حيوية ولا وين افضل مكان مع العلم اني اهتم انه الفندق يكون نظيف وفيه نسبة فخامة يعني 4 او 5 نجوم
وهل تنصحوني في جزيرة بوراكاي او بوهول
انا زرت بوكيت في تايلاند واستانست فيها وايد يعني يعجبني في الجزيرة الاسواق والازعاج والناس والفعاليات والمطاعم وهذي الامور عالشاطى، اي جزيرة تعتبر اقرب الى بوكيت وشو الفندق اللي تنصحوني فيه
وهذي اسئلتي اتمنى تفيدوني يا اخواني وشاكر لكم


التعليقات (9)
Sniper.Qtr
Sniper.Qtr
دامك رايح في العيد ف عندك هالموسوعتيين اللي كتبها أخونا قناص السعودية
https://artravelers.com/p/re/133409
رحلة سعيدة مقدما
دمت بحفظ الله

talaga
talaga
ولد_الإمارات
هلا بالشيخ
أنا أفضل تكون يومين مانيلا تزور فيه الكافيهات و الحدائق + يومين بوراكاي + يومين سيبو (ماكتان) و بعدين ترجع لمانيلا للمولات و الهدايا
بمانيلا فيه فنادق كثير جميله .. خذ جوله بالمنتدى و شوفهم بنفسك و أسعارهم و اسألنا اذا فيه اي ملاحظه..
و بالنسبه لبوراكاي عندك الماندرين و عندك ريجنسي و منتجعات حلوه و كذلك في سيبو .. بعد الجوله اللي راح تاخذها نتفاهم
و لا زال فيه وقت لموعد الرحله
و أجازه سعيده مقدماً

ولد_الإمارات
ولد_الإمارات
مرحبا اخواني ،، اشكركم على التفاعل، بس حبيت استشيركم، الصراحة دخلت موقع travelblog.org وكان في سؤال عن السفر خلال اغسطس وسبتمبر، وشفت انهم يحذرون من السفر خلال هالفترة لانه اغلب الشوارع تكون مسكرة والمواصلات ملغية بسبب الامطار وعادي رحلة الطيارة بعد تنلغي لايام بسبب هطول الامطار الشديدة على الفلبين والرياح، شو رايكم في هالكلام؟

كلومينا السعودي
كلومينا السعودي
مرحبا اخوي ولد الامارات .. لاتخوفنا وانا اخوك ترى سفرتي بسبتمبر

ddd591
ddd591
تقطع هالمسافه هذي علشان 8 أيام ، امركم غريب جدا ، شلون تاخذ راحتك
حتى لو انتو شباب
ساعات الطيران تكفي اكثر من 8ساعات في الجو ؟!!!!!!!!

ولد_الإمارات
ولد_الإمارات
والله ياخوي ddd591
المشكة انه رفيقي فالسفرة ما عنده اجازة اكثر من هذه الفترة عشان كذا انا ملزم بهذه المدة ولا انا احب اقل مدة تكون 15 يوم للسفر
اخوي كلومينا السعودي لا تخاف ان شاءالله الخبرة في الفلبين يفيدونا بالخبر الاكيد ونتطمن

ولد_الإمارات
ولد_الإمارات
مرحبا شباب
طبعا حصلت موضوع مثبت فالبوابة عن حالة الطقس والوصلة https://artravelers.com/p/re/212312
والصراحة الواحد يقدر ياخذ فكرة عن حالة الطقس انه اعلى مستوى امطار في شهر سبعة وثمانية وتبدأ تنخفض تدريجيا من تسعة وعشرة

talaga
talaga
هلا اخوي
انا ذكرت نفس الجواب لأحد الأخوه بموضوع منفصل عن سفرتي بشهر ديسمبر و ايضا سبتمبر
كلما كان التوقيت بالصيف كان الطقس سيئ .. ولكن بعد ذلك يصبح أفضل
حتى الأمطار المزعجه تخف تدريجيا بعد خروج فصل الصيف .. و ذلك حال كل الدول الأستوائيه
و لكن أيضا كن على أطلاع على حالة الطقس دائماً
مع تحياتي لك برحله موفقه و أمنه

ولد_الإمارات
ولد_الإمارات
مشكور اخوي العزيز talaga على التفاعل والاهتمام وربنا يكتبه في ميزان حسناتك لما تعطيه من وقته الثمين لنا
وحصلت الصراحة موضوع يوضح الفرق بين جزيرة بوكيت وجزيرة بوراكاي والوصلة كالآتي https://artravelers.com/p/re/148714
واتمنى الاستفادة للجميع


خصم يصل إلى 25%