تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
amro18
21-04-2022 - 07:43 am
انا حاجز على تركيا 15 سبتمبر الى 24 سبتمبر والحجز انا وزوجتي وولدي يبلغ من العمر سنه الله يحفظهم لي ان شاء الله
استفساري
1- كم المتوقع ان تكون الميزانيه
2- كيف سيكون الجو في سبتمبر
3- هل الذهاب متعب مع الطفل او عادي
4- الاماكن المفضله للذهاب
وياريت تنصحوني بكم مكان او جدول وياريت ماتكون استطانبول لحالها
ومشكور مقدما


التعليقات (8)
زوجة المهاجر
زوجة المهاجر
السفر بطفل يحتاج ترتيبات خاصة
مثلا ان تضمن توفر اكل جيد ونظيف له
بتركيا ميزة ان اكلهم لذيذ ونظيف وطازج فبسهولة تلاقي فواكه او منتجات الابان للاطفال
للبس اتوقع الجو بيكون متعدل لكن للطفل تاخذ له لبس خريفي يعني بنطلونات او علاقي او كادريجان يعني اشياء تغطي الذراعين بالذات
والباقي تشترونه من هناك لو انكم ناوين على التسوق على حسب الجو ولبسهم للاطفال حلو
لازم تكون عندكم عربة كويسة وخفيفة ويكون بها غطاء للمطر لاني اتوقع الجو يمطر عليكم وتاخذون بطانية للعربة لتغطوا الطفل بحال النوم
تاخذون ادوية اساسية للطفل مثل خافض الحرارة وميزان حرارة دواء ضد لسع الحشرات قطرات للانف رغم انه ولله الحمد ادويتي الي رحت فيها رجعت فيها وبنتي كانت اصغر من طفلك
المعذرة اجابتي غير مرتبة لاسلئلتك
لكن الجو خريف واتوقع يكون حلو وتمنيت اني خططت الرحلة لسبتمبر
الميزانية انت وصرفك
انا ماشفت تركيا غالية بمثل ماسمعت
حتى المطعم الي اكلنا فيه سمك كانت الفاتورة كبيرة لكن متوقع بكل الدول الي سافرتها بحياتي حتى لو هي ساحلية مطاعم السي فود غالية
طبعا التكاسي حتكون مكلفة بعكس لو استخدمت المواصلات العامة ومع طفل واحد ممكن تستخدمونها
الاماكن المريحة لك مع طفل بصراحة باسطنبول ولا مكان ماعدا المجمعات التجارية الي شفت منها فورم مناسب لان به غرف تغير واماكن لتاكيل الطفل
اما المزارات السياحية ماتنفع ابدا ومعك اطفال صغار فكيف ببيبي مثل المتاحف والمساجد
رحلة البسفور رائعة لكن الجو حيكون بارد على الطفل بسبتمبر وصوت المحركات مزعجة على الطفل
البازار انسى تروحه مع طفل صغير
يلوة فيها الحمامات و ممكن تتاجروا حمام خاص لكم لكن ما اعرف اذا ممكن تحمم طفل بماء حار حتى لو هو صحي اعتقد ماينفع
بورصة الشجرة المعمرة خيار مو بطال
لكن ما انصحك بجبل اولدغ مع طفل صغير
بغض النظر عن تلفريك والبرد طبعا بسبتمبر
صعود الجبل بيسكر اذنه بسبب تغير الضغط ويمكن يتعب عليكم
طبعا لو رحتوه لبسوا الطفل شي يدفيه لانه بيكون برد عليه
انطاليا عجبتني انها تريح العائلة الي معاهم اطفال
ماتضطر تطلع ولا تروح ولاتجي
خذ لك منتجع حلو وروق اعصابك ماكل شارب نايم متمتع بالطبيعة وهواء البحر العليل

amro18
amro18
معليش طريقة الذهاب الى انطاليا كيف ممكن تكون وياريت شرح الذهاب من اسطنبول والتكلفه لو سمحت

x- نجلاء -x
x- نجلاء -x
اخوي .. بعد اذن الاخت زوجة المهاجر الله يجزاها خير ..
انطاليا حلوه ورائعه خصوصا بوقتكم .. لكنها تحتاج لطيران داخلي ( ساعه تقريبا )
ومدة لاتقل عن 5 الى 6 ايام
واذا تحب تاخذ خلفيه بسيطه عنها اطلع على تقارير الاخوان بقسم التقارير ,,
واذا ماتبي طيران داخلي ممكن تقسم رحلتكم بين اسطنبول وبورصه ويلوا لقربهم من بعض
واذا كنت تبي طبيعه ممكن تخليها اسطنبول وابانت لطبيعتها وتعتبر قريبه نسبيا ,,
عموما تفضل هذا الرابط لمساعدتك في تنظيم رحلتكم :
https://artravelers.com/p/re/384418
وبالتوفيق لكم ,,

دلوعه امها
دلوعه امها
- هلا اخوي بالنسبة للميزانية ماقدر افيدك لان سفري كان بالصيف والاسعار تختلف عن فترة سفرك.
  • اما بالنسبة للجو اتوقع بيكون حلو وبارد نسبيا احسن من الصيف هذا اللي اعرفه .
  • اما بالنسبة للطفل انا رحت مع ولدي عمره سنة وتونا راجعين من تركيا هو بصراحه تعبنا شوي بس مشينا حالنا يمكن اكثر شيء بيتعبك فيه هو في التنقلات خصوصا بالعبارة الى بورصه بس مو كثير اهم شيء تكون معاكم عربة طفل خفيفة وسهله الحمل وبالنسبة للتلفريك انا اشوفه عادي بس اللي تعبنا هو طول الانتظار والجو لان كان حر وايضا الاسواق مثل السوق المصري والجراند بازار انا خذت ولدي وماصادفتني اي مشاكل بالعكس كان في عوايل كثيرة معاهم اطفالهم بالعربانه اهم شيء تنتبه عالبيبي لان لم دخلنا عند السوق المصري صادفنا واحد تركي نبهنا وقال لنا ان تكثر سرقة الاطفال ولكن الحمد لله الحافظ الله

بالنسبة للمساجد والمزارات احنا الغيناها من الرحلة لان سمعنا ان ممنوع دخول عربات الاطفال وبصراحه متعب انك تحمل الطفل طول الوقت .
  • بالنسبة لاماكن غير اسطنبول انا اشوف بورصة ويلوا بحكم القرب من اسطنبول وبحكم ان معاكم طفل بيكون افضل .

وهذا اللي اعرفه وان شاء الله تتوفقون في السفرة وتستمتعون فيها واي سؤال انا حاضرة

بن زامل 2
بن زامل 2
الميزانيه المقدره حوالي 10 الف بدون التذاكر للجدول التالي
2 ليله اسطنبول
3 ليله ابانت ( بولو )
2 ليله يلوا وبورصه
2 ليله اسطنبول
كتبت لك هالجدول بناءا على انها اول رحله لك لتركيا
لكن لو رحت بنفس جدولك راح اكنسل بورصه ويلوا وأخليها اسطنبول وبالباص على بولو ثلاث اربع ايام والعوده
اسطنبول ( تنويع بين المدينه والتسوق والتاريخ وبين الجو والطبيعه والخضره ) اريح من كثر تنقلات ونقل عفش
وفي نفس الوقت تروح افضل منطقتين

amro18
amro18
سؤالي 10 الاف بالسكن ولا بدون ياريت تديني خبر
وعلى العموم شكرا وماقصرت

amro18
amro18
ماقصرتوا والله يديكم العافيه بس عندي كم سؤال
في احد جرب هذي الفنادق
Pera Tulip Hotel
Taksim Gonen Hotel
Taksim Metropark Hotel
ياريت تدوني رايكم في هذي الفنادق
وسؤال اخر ابغى اسماء فنادق تكون رخيصه ونظيفه في يلوا ترمال

دلوعه امها
دلوعه امها
فندق Taksim Gonen Hotel سكنا فيه بعد مارجعنا من بورصة الفندق حلو ونظيف وممتاز من ناحية الخدمة وموقعه ممتاز في تقسيم وكل شيء قريب منك توكل على الله بس اختار غرفة كبيرة لان غرفهم شوي صغيرة بس احنا بدلناها بغرفة اكبر .


خصم يصل إلى 25%